ភ្នំពេញ ៖ កាលពីល្ងាចថ្ងែទី៣១ កក្កដា ឆ្នាំ ២០១៧ លោក ខាំ សុផារី ព្រះរាជអាជ្ញារងអមសាលាដំបូងរាជធានីភ្នំពេញបានដឹកនាំ កម្លាំងសមត្ថកិច្ចចុះទៅស្ទាក់ឃាត់ខ្លួន ស្ត្រីក្មេងស្អាតម្នាក់ ដែលជាមន្ត្រីនៃអគ្គនាយកដ្ឋាននគរបាលអន្តោប្រវេសន៍នៅតាម បណ្តោយផ្លូវកម្ពុជាក្រោម ជាមួយរថយន្តទំនើបមួយគ្រឿង។
ស្ត្រីនគរបាលវ័យក្មេងដែលត្រូវស្ទាក់ ឃាត់ខ្លួនកណ្តាលផ្លូវ ពេលកំពុងបើករថយន្តនោះ មានឈ្មោះ ថន គារ៉េនណា អាយុ២៧ឆ្នាំ ជានគរបាលអន្តោប្រវេសន៍ពាក់ស័ក្តិ៤មានតួនាទីជានាយរងប៉ុស្ដ៏អន្តោប្រវេសន៏ ប្រចាំនៅព្រលានយន្តហោះអន្តរជាតិភ្នំពេញ។
ការស្ទាក់ចាប់នេះគឺយោងតាមដីកាសម្រេចចាត់ចែងរក្សាការពាររបស់ លោក គឹម ម៉េង ចៅក្រម នៃសាលាដំបូង ខេត្តកណ្តាល ចុះថ្ងៃទី២១ ខែមិថុនា ឆ្នាំ២០១៧ដែល បានសម្រេចអោយដកហូតរថយន្តមួយគ្រឿង ម៉ាក Lexus RX330 ពណ៌ខ្មៅ ពាក់ស្លាកលេខ ភ្នំពេញ 2AG-7349 ពី ឈ្មោះ ថនគា រ៉េនណា ភេទស្រី អាយុ ២៧ឆ្នាំ ជនជាតិខ្មែរ មុខរបរ នគរបាល អន្តោប្រវេសន៍ពាក់ស័ក្តិ៤ មានទីលំនៅផ្ទះលេខ១៤E0E1 ផ្លូវ៣៦៨ ភូមិ៩សង្កាត់បឹងកេងកង៣ ខណ្ឌចំការមន រាជធានី ភ្នំពេញដែលកូនបំណុល ឱ្យទៅម្ចាស់បំណុលឈ្មោះ ចាន់ ស្រីយ៉ា។
ក្រោយឃាត់ខ្លួន និងរថយន្តភ្លាម លោកព្រះរាជអាជ្ញារង ខាំ សុផារី បានបញ្ជាអោយនគរបាលយុត្តិធម៌នាំខ្លួន ជនជាប់ចោទរូប នេះយកទៅ កាន់សាលាដំបូងរាជធានីភ្នំពេញភ្លាមៗ ។ នៅតុលាការរហូតដល់ ម៉ោងប្រមាណ៥ល្ងាច ថ្ងៃដដែលនេះ ភាគីទាំងសងខាងនៅមិនទាន់សម្របសម្រួល ត្រូវគ្នាចប់នៅឡើយទេ ដោយសារតែភាគីកូន បំណុលឈ្មោះ ថន គារ៉េនណា មានអ្នកមានអំណាចបុណ្យស័ក្តិ ជួយអន្តរាគមន៍ច្រើនពេក ទើប ភាគីម្ចាស់បំណុលមិនព្រមនិងស្នើឱ្យ លោកព្រះរាជអាជ្ញារងបន្តនីតិវិធី នៅព្រឹកថ្ងៃទី០១ ខែសីហា ឆ្នាំ២០១៧ បន្តទៀត។
តែទោះជាយ៉ាងណានគរបាលស្ត្រីវ័យក្មេងមានតួនាទីគួសមរូបនេះ មិនត្រូវបានឃុំខ្លួននោះទេ ដោយលោកព្រះរាជអាជ្ញាររង អនុញ្ញាតឱ្យត្រលប់ទៅផ្ទះវិញ ដោយទុកតែរថយន្ត នៅសាលាដំបូងរាជធានីភ្នំពេញ ដើម្បីរងចាំដោះស្រាយបន្តតែប៉ុណ្ណោះ។តាមប្រភពពីភាគីដើមបណ្ដឹង បានអោយដឹងថាស្ត្រីឈ្មោះ ថន គារ៉េនណា រូបនេះ បានជួលរថយន្ត Lexus RX330 នេះពីដើមបណ្ដឹងយកទៅជិះ រួចហើយមិនប្រគល់អោយម្ចាស់គេវិញ ទើបម្ចាស់ រថយន្តប្ដឹងទៅតុលាការខេត្តកណ្ដាល រហូតចេញដីកាអោយចូលខ្លួនតែម្ដងទៅ។
ពាក់ព័ន្ធព័ត៌មានខាងលើនេះ មិនអាចធ្វើការទាក់ទង ដើម្បីសាកសួរព័ត៌មានពីស្ត្រីឈ្មោះថន គារ៉េនណា បានឡើយ ព្រោះមិន មានលេខទូរស័ព្ទ សំរាប់ធ្វើការទាក់ទងបានឡើយ។តែយ៉ាងណាពតិមាននានាត្រូវបានគេដកចេញពីគេហទំពតិធំៗសូម្បីតែគេហទំពរ័អគ្គនគរបាលជាតិក៏ដោយ។តែយ៉ាងណាមានការកត់សម្គាល់ថាអ្នប្តឹងក៏ខ្លាំងព្រោះមានដល់ព្រះរាជអាជ្ញារងដឹកនាំកម្លាំងចុះធ្វើការ។ឯអ្នកត្រូវគេប្តឹងក៏មិនណយប៉ុន្មានដែរព្រោះក្មេងសោះមានតួនាទីជានាយរងប៉ុស្តិនៅព្រលានដែលនគរបាលផ្សេងចាត់ទុកថាជាប៉ុស្តិខ្លាញ់មួយ ៕