ពិធីផ្សព្វផ្សាយលទ្ធផលសន្និបាត បូកសរុបការងារឆ្នាំ២០១៤ និង ទិសដៅការងារឆ្នាំ២០១៥ របស់ក្រសួងអភិវឌ្ឍន៍ ជនបទ បានប្រព្រឹត្តទៅកាលពីថ្ងៃទី ២៦ ខែ កុម្ភៈ នៅសាលាខេត្តបាត់ដំបង ក្រោមអធិបតីភាព ឯកឧត្តម សៅ ជីវន្ត័ រដ្ឋលេខា ធិការក្រសួងអភិវឌ្ឍន៍ជនបទ។
លោកអគ្គនាយរងរដ្ឋបាល និង ហិរញ្ញវត្ថុ ក្រសួងអភិវឌ្ឍន៍ជនបទបានបញ្ជាក់ថា សន្និបាតលើកទី២នេះ បានដំណើរការ ពោញ១ថ្ងៃ គឺថ្ងៃទី១២ ខែកុម្ភៈ ក្រោមអធិបតីភាព ឯកឧត្តម ជា សុផារ៉ា រដ្ឋមន្ត្រីក្រសួងអភិវឌ្ឍន៍ជនបទ ក្នុងស្មារតីទទួលខុស ត្រូវខ្ពស់ ហើយបានចេញសេចក្តីសំរេចចិត្តមាន សន្និបាតគាំទ្រពេញទំហឹង រាល់កិច្ចខិតខំប្រឹងប្រែង របស់ក្រសួងអភិវឌ្ឍន៍ជនបទ ក្នុងការបន្តគៀរគរ រកដៃគូអភិវឌ្ឍន៍ ធ្វើឱ្យកាន់តែប្រសើរឡើងនូវប្រព័ន្ធហេដ្ឋារចនាសម្ព័ន្ធជនបទ តាមរយៈការបន្តកសាងផ្លូវ ជនបទ ការរៀបចំឱ្យមានដំណើរការនៃប្រព័ន្ធគ្រប់គ្រង និងថែទាំផ្លូវជនបទ ដោយមានការចូលរួមពីសហគមមូលដ្ឋាន និង រដ្ឋបាលថ្នាក់ក្រោមជាតិគ្រប់លំដាប់ថ្នាក់ពិសេសកាន់តែលំអផ្លូវជនបទជំហានៗ ពីផ្លូវក្រាលក្រួសក្រហមមកជាផ្លូវកៅស៊ូបេតុង។
សន្និបាតបានអបអរសាទរ និងគាំទ្រឱ្យក្រសួងអភិវឌ្ឍន៍ជនបទ ត្រូវបន្តខិតខំសំរេចគោលដៅគ្រប់រូប ដែលរស់នៅ សហគមជនបទ ត្រូវមានសេវាផ្គត់ផ្គង់ទឹកស្អាត និងអនាម័យគ្រប់គ្រាន់ព្រមទាំងរស់នៅក្នុងបរិស្ថានមានអនាម័យស្អាត ។ ជាងនេះទៀតសន្និបាត បានអបអរសាទរ និងគាំទ្រ ក្រសួងអភិវឌ្ឍន៍ជនបទ ក្នុងកិច្ចបន្តកំណែទំរង់ រដ្ឋបាលសាធារណៈ និងការ លើកកំពស់សមត្ថភាពមន្ត្រីរាជការ ទទួលបន្ទុកតាមផ្នែក តាមមូលដ្ឋាននីមួយៗ តាមរយៈការបណ្តុះបណ្តាលវគ្គខ្លីៗ សិក្ខាសាលា ទស្សនៈកិច្ចសិក្សា ទាំងក្នុង និង ក្រៅប្រទេស។ និង សន្និបាតបានដោយតម្លៃខ្ពស់ ចំពោះលទ្ធផលសំរេចបានកន្លងមក និង គាំទ្រ ចំពោះការខិតខំរបស់ក្រសួងអភិវឌ្ឍន៍ជនបទ ក្នុងការកែទំរង់ ការគ្រប់គ្រងហិរញ្ញវត្ថុសាធារណៈ និងលើកកំពស់សមត្ថភាពមន្ត្រីរាជការ អនុវត្តឱ្យបានជោគជ័យនូមសមិទ្ធិផលទាំង ៥ មាន ការអនុវត្តថវិការ តាមកម្មវិធី ការបង្កើតអង្គភាពថវិការរៀបចំប្រព័ន្ធគ្រប់គ្រងហិរញ្ញវត្ថុ តាមប្រព័ន្ធបច្ចេកវិទ្យាព័តមាន ការរេបៀចំអនុវត្តប្លង់គណនេយ្យ និងការអនុវត្តសវនកម្ម តាមផែនការសវនកម្ម ប្រកបដោយជោគជ័យជាដើម។
ឯកឧត្តម សៅ ជីវ៏ន្ត បានវាយតម្លៃខ្ពស់ និងកោតសរសើរ ដល់មន្ត្រីរាជការក្នុងមន្ទីរអភិវឌ្ឍន៍ជនបទខេត្តបាត់ដំបង ដែលបានបំពេញភារកិច្ចតាមតួនាទី សំរេចបានលទ្ធផលជាច្រើន។ ពិធីផ្សព្វផ្សាយលទ្ធផលសន្និបាតឆ្នាំ២០១៤ និង ទិសដៅឆ្នាំ២០១៥ របស់ក្រសួងអភវិវឌ្ឍន៍ជនបទនាពេលនេះ គឺធ្វើឡើងក្នុងពេលដែលព្រះរាជាណាចក្រកម្ពុជា ក្រោមការដឹកនាំ របស់ សម្តេចអគ្គមហាសេនាបតីតេជោ ហ៊ុន សែន បាននិងកំពង់ជំរុញដំណើរការអនុវត្ត កម្មវិធីនយោបាយ និងយុទ្ធសាស្ត្រចតុកោណ ដំណាក់កាលទី៣ ទទួលបានជោគជ័យក្នុងឆ្នាំដំបូងនេះ។ ជាក់ស្តែងសន្តិភាព ស្ថេរភាព នយោបាយសន្តិសុខ សណ្តាប់ធ្នាប់សង្គមត្រូវបានរក្សាយ៉ាងរឹងមាំ ធ្វើឱ្យប្រជាជនរស់នៅ ដោយសុខុដុមរម្យនា លទ្ធិប្រជាធិបតេយ្យ និងនិតិរដ្ឋ សិទ្ធិសេរីភាព ត្រូវបានលើកកំពស់ សេដ្ឋកិច្ចកម្ពុជាមានកំណើនក្នុងរង្វង់ ៧ ភាគរយ មានអតិផរណា ក្នុងកំរិត ៣ ទៅ ៤ ភាគរយ ប៉ុណ្ណោះ។ ជីវភាពប្រជាជន សេដ្ឋកិច្ចសង្គមកាត់តែប្រសើរ អត្រាភាពក្រីក្រត្រូវបានកាត់បន្ថយជាបន្តបន្ទាប់ ។
ពិធីនេះ ត្រូវបានបញ្ជាក់ក្រោយគណអធិបតី ចែកជូនសៀវភៅ សារពើភណ្ឌ័ផ្លូវ ដល់រដ្ឋបាលថ្នាក់ក្រោមជាតិ និងបំពាក់គ្រឿង ឥស្សរៈយស ដល់មន្ត្រីរាជការដែលមានស្នាដៃ ក្នុងមន្ទីរអភិវឌ្ឍន៍ជនបទ ខេត្តរួចមក ៕
