ក្រចេះ៖ ទូកដឹកឈើល្មើសច្បាប់មួយគ្រឿងដែលមានផ្ទុកឈើប្រភេទលេខ១ សុក្រមផែ ជាសន្លឹកជិត៤០០ដុំត្រូវបានកម្លាំងរដ្ឋបាលព្រៃឈើផ្នែកព្រែកប្រសព្វ សហការជាមួយកម្លាំងនគរបាល ក្រោមការដឹកនាំផ្ទាល់ពីលោក ជា សុភក្រ័ ព្រះរាជអាជ្ញារងអមសាលាតំបូងខេត្តក្រចេះ ចះុធ្វើការឃាត់ចាប់នៅចំនុចតាមដងទន្លេមេគង្គ ស្ថិតក្នុងភូមិសោបក្រោម ឃុំសោប ស្រុកព្រែកប្រសព្វ ខេត្តក្រចេះ កាលពីវេលាម៉ោង៩នឹង៤០នាទីយប់ ថ្ងៃទី១២ ខែកក្កដា ឆ្នាំ២០១៧ ។
ប្រភពបានអោយដឹងថា ឈើទាំងអស់ខាងលើគឺក្រុមឈ្មួញបានលួចទិញពីតំបន់ព្រៃឡង់ ហើយយកមកដាក់លាក់ក្នុងទូកដ៏ធំថើម្បីត្រៀមដឹកយកទៅលក់នៅខេត្តកំពង់ចាម ប៉ុន្តែត្រូវបានសមត្ថកិច្វស្រសវជ្រាចាប់ឃសត់បានតែម្តងកាលពីយប់មិញនេះ ។
សមត្ថកិច្ចបានអោយដឹងថា ក្នុងការចាប់ឃសត់ទូកឈើខាងលើគឺកម្លាំងចម្រុះបានធ្វើការឃាត់ខ្លួនម្ចាស់ទូកដឹកឈើចំនួន២នាក់ដើម្បីយកមកធ្វើការសាកសួរដែលមានឈ្មោះ ៖ ចែថេន ភេទស្រី អសយុ៤៩ឆ្នាំ រស់នៅភូមិកំពង់ស្តី ឃុំថ្មរាប ស្រុកកោះសូទិន ខេត្តកំពង់ចាម និងម្នាក់ទៀតឈ្មោះ ង៉ុយ ភេទប្រុស អាយុ៤២ឆ្នាំ រស់នៅភូមិ ឃុំដូចអ្នកទី១ដែរ ។
លោក អ៊ឹ ស៊ីណាង នាយផ្នែករដ្ឋបាលព្រៃឈើព្រែកប្រសព្វបានអោយដឹងថា ពេលនេះ វត្ថុតាងឈើល្មើសច្បាប់ខាងលើត្រូបបានកម្លាំងជំនាញកំពុងរើយកចេញទូក ដឹកយកទៅរក្សាទុកនៅស្នាក់ការសង្កាត់រដ្ឋបាលព្រៃឈើ ជ្រោយបន្ទាយ ដើម្បីធ្វើកសររាប់ចំនួនជាក់លាក់ និងធ្វើការវាស់វែង កសាងសំណុំរឿងចាត់ការបន្តតាមនីតិវិធីច្បាប់ស្តីពីព្រៃឈើ ៕
