ខេត្តរតនគិរី : ទូដាក់តាំងលក់គ្រឿងអាល័ង្គការ ចំនួនប្រាំនៅត្រង់ចំណុចកណ្តល ហៅ(រង្វង់មូល)ផ្សារបានលុង ស្ថិតក្នុងភូមិជ័យជំនះ សង្កាត់ ឡាបានសៀក ក្រុងបានលុង ខេត្តរតនគិរី រងនៅការគាស ពីក្រុមជនខិលខូចដើម្បីលួចយកទ្រព្យសម្បត្តិមានតម្លៃ ។
ការភ្ញាក់ផ្អើលនេះបានកើតឡើងកាលពីវេលាម៉ោង៤,៣០នាទីទាបភ្លឺថ្ងៃទី១៣ខែកក្កដាឆ្នាំ២០១៧នេះ ។ទូ លក់មាសទាំងប្រាំ ដែលរងការគាសពីក្រុមជនខិលខូចត្រូវស្គាល់:
ទី១: ( តូប ជិន ឡុង ) អាជីវករ ឈ្មោះ ចែ វែង
ទី២:.(តូប គឹម សន) អាជីវករ ឈ្មោះ ចែ លាភ
ទី៣:(តូប សំណាង)អាជីវករឈ្មោះ ពិសី
ទី៤:(តូប នី កា) អាជីវករឈ្មោះ នី កា. និងតូបខាងក្រៅរង្វង់មូល
ទី៥:( តូប ពេជ្រ សុខុម) អាជីវករឈ្មោះ សុខុម.
លោកស្រី វែង តំណាង អាជីវករទាំងប្រាំខាងលើ បានអោយសារព័ត៌មានដឹងថា ៖ នេះជាលើកទី៣ហើយដែលកើតមានករណីយ៍គាសទូលក់មាស របស់ពួកគាត់ក្នុងផ្សារបានលុងនេះតែសំណាងល្អពុំមានបាត់បង់ទ្រព្យសម្បត្តិសូម្បីតែ១សេន។
លោកស្រីបន្តថា មិនដឹងជាមូលហេតុអ្វី គាសចំទូ របស់ពួកគាត់ដដែលៗ ចំណែកតូបលក់ឥវ៉ាន់ផ្សេងៗ ទ្រព្យសម្បត្តិហូរហៀរមិនដែលឮថាមានចោរចូលគាស់ ៕
ដោយ: ចាប សំអាន
