ភ្នំពេញ ៖ ស្ត្រីមានគភ៌គ្រប់ខែម្នាក់បានស្លាប់ រួមទាំងទារកក្នុងផ្ទៃ ខណៈសម្រាលកូននៅមន្ទីរពេទ្យជប៉ុននៅរាជធានីភ្នំពេញ នៅក្នុងមន្ទីរជប៉ុន ស្ថិតក្នុងសង្កាត់ស្រះចក ខណ្ឌដូនពេញកាលពីម៉ោងប្រមាណ៧យប់ថ្ងៃទី២៨ ខែឧសភា ឆ្នាំ២០១៧។ស្ត្រីរងគ្រោះឈ្មោះ ឈៀ សារិន អាយុ៣០ឆ្នាំ ជាកម្មការិនីរោងចក្រ ម្ដុំអង្គស្នួល មានប្តីឈ្មោះ ជូ ភារ៉ា អាយុ៣៤ឆ្នាំ មុខរបរការងារសហជីព អ្នកទាំង២មានទីលំនៅភូមិក្រាំងម្កាក់ ឃុំត្រពាំងស្វាយ ស្រុកអង្គស្នួល ខេត្តកណ្ដាល និងមានកូនប្រុស២នាក់ ម្នាក់អាយុ១០ឆ្នាំ និងម្នាក់ទៀតអាយុ៨ឆ្នាំ។
ឪពុកស្ត្រីរងគ្រោះបានឲ្យដឹងថា កូនស្រីរបស់គាត់ ពុំមានជម្ងឺអ្វីធ្ងន់ធ្ងរនោះទេ ដោយសារជិតដល់ថ្ងៃសម្រាលលកូន ទើបកូន(ប្ដី)បាននាំមកសម្រាលនៅមន្ទីរពេទ្យជប៉ុន ដើម្បីត្រៀមសម្រាលកូនតាំងថ្ងៃម្សិលមិញ។
ឯលោកជូ ភារ៉ា ជាប្ដីបានលើកឡើងថា ប្រពន្ធនិងកូនរបស់គាត់ដែលបានស្លាប់ទាំង២នាក់នៅក្នុងមន្ទីរពេទ្យ គឺដោយសារការខ្វះការយកចិត្តទុកដាក់ពីក្រុមគ្រួពេទ្យនៅក្នុងមន្ទីរពេទ្យតែម្តង។ប្តីស្ត្រីរងគ្រោះព្រោះការបង្កើតកូនដោយមិនមានបច្ចេកទេសគ្រប់គ្រាន់បានអំពាវនាវសុំឲ្យក្រសួងសុខភិបាលនិងសមត្តកិច្ចជួយរកយុត្តិធមិឲ្យគាត់ផងព្រោះប្រពន្ធគាត់មានសុខភាពល្អតែបែជាគ្រូពេទ្យធ្វើឲ្យស្លាប់ទាំងម៉ែទាំងកូនដោយមិនអាចជួយសង្រោះបាន។
មិនទាន់មានការបំភ្លឺនិងពន្យល់ពីមូលហេតុពីខាងមន្ទីរពេទ្យ ជប៉ុន ពាក់ព័ន្ធនិងករណីនេះនៅឡើយទេ។យ៉ាងណានេះជាការទទួលខុសត្រូវរបស់មន្ទីរពេទ្យព្រោះការចូលសម្រាល់ត្រូវបង់ថ្លៃ។
សពជនរងគ្រោះ ត្រូវបានគេយកចេញមកទុកនៅកន្លែងសាលសាកសព ដើម្បីរង់ចាំកម្លាំងជំនាញមកធ្វើកោសល្យវិច័យ ហើយប្រគល់ឲ្យក្រុមគ្រួសារយកទៅធ្វើបុណ្យ។សូមបញ្ជាក់ដែរថាមន្ទីរពេទ្យសម្ភពជប៉ុននេះធ្លាប់មានរឿងអាស្រូវបង្កើតកូនបណ្តាលឲ្យមនុស្សស្លាប់ច្រើនករណីមកហើយតែជនរងគ្រោះមិនទទួលបានយុត្តិធមិសមរម្យទេដោយសារពេទ្យគេនិយាយតែពីបច្ចេកទេស ៕
