រាជធានីភ្នំពេញ៖លោក ហ៊ុន សាន បងប្រុសនាយករដ្ឋមន្ត្រី ត្រូវបានគេរាយាការណ៍ថា កំពុងស្វែងរកការអន្តរាគមន៍ពីសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ រឿងទំនាស់ដីធ្លីជាមួយដែលមានលោកឧត្តមសេណីយ៍ ម៉ក់ ជីតូ អគ្គស្នងការរងនគរបាលជាតិនិងលោកមាសចន្ទ័ពីសិដ្ឋព្រះរាជអាជ្ញាតុលាការចខេត្តបន្ទាយមានជ័យកៀបស៊ីនៅក្នុងសំណុំរឿងជម្លោះដីធ្លីនៅក្រុងប៉ោយប៉ែត។
លោកហ៊ុនសានបានផ្ញើលិខិតមួយច្បាប់ជូនសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស ខេង ឲ្យជួយដោយ បានរៀបរាប់ក្នុងលិខិតចុះថ្ងៃទី២ឧសភាឆ្នាំ២០១៧ថា មន្ត្រីក្រោមបង្គាប់របស់រដ្ឋមន្ត្រីមហាផ្ទៃរូបនេះ បានគំរាមកំហែងលើរូបលោក ក្រុមគ្រួសារ និងសហការី អំឡុងពេលចុះទៅរៀបចំអភិវឌ្ឍន៍លើដីមួយកន្លែង ស្ថិតនៅក្នុងភូមិព្រៃគប់ សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។
លោក ហ៊ុន សាន ក៏បានចោទប្រធាននាយកដ្ឋានកណ្ដាលនគរបាលយុត្តិធម៌នៃក្រសួងមហាផ្ទៃ លោក ម៉ក់ ជីតូ ថា តែងតែការពារជនល្មើស ដែលលោក ហ៊ុន សាន ថា ពួកគេបានរំលោភយកដីរបស់លោក និងដីកូនប្រុសរបស់លោក ។ ដូច្នេះលោកស្នើទៅសម្តេច ស ខេង ឲ្យថ្កោលទោស និងចាត់វិធានការ “ម៉ឺងម៉ាត់” ទៅលើលោក ម៉ក់ ជីតូ ដោយបានចោទថា មន្ត្រីនគរបាលជាន់ខ្ពស់រូបនេះ តែងតែប្រើអំណាចកៀបសង្កត់ជិះជាន់អ្នកស្លូតត្រង់ ដើម្បីផលប្រយោជន៍ និងបក្ខពួកខិលខូចមួយក្ដាប់តូច។
ក្នុងករណីខាងលើនេះកូនស្រីលោកហ៊ុនសានដែលមិនបញ្ចេញឈ្មោះបានប្រាប់កាសែតថា៖ សំណុំរឿងដ៏រសើបពាក់ព័ន្ធដីធ្លីជាង១១០ហិកតានៅខេត្តបន្ទាយមានជ័យនេះ មានអ្នកធំជាច្រើនពាក់ព័ន្ធរឿងនេះ ក្នុងនោះមានទាំងលោកឧត្តមសេនីយ៍ ម៉ក់ ជីតូ និងលោក មាស ច័ន្ទពិសិដ្ឋ ព្រះរាជអាជា្ញសាលាដំបូងខេត្តបន្ទាយមានជ័យ ជាអ្នកកាងលោក ហង្ស ម៉ៅ ដែលប្លន់ដីរាស្ត្រ។ ក្មួយស្រី សម្តេច ហ៊ុន សែន បានបញ្ជាក់ថា “មានអ្នកធំមួយចំនួនក៏ជាប់ពាក់ព័ន្ធរឿងនេះផងដែរ ហើយព្រឹកនេះ ខ្ញុំមកក្រសួងមហាផ្ទៃ មកជួប លោក ខៀវ សុភក្រ ដើម្បីឲ្យជួយ”។ លោកស្រីថា “ខ្ញុំមានឯកសារពិតៗជាច្រើនទៀត ខ្ញុំនឹងទម្លាយ”។
រឿងប៉ះសាច់ឈមនាយករដ្ឋមន្ត្រីនេះមាស ច័ន្ទពិសិដ្ឋ ព្រះរាជអាជ្ញាតុលាការខេត្តបន្ទាយមានជ័យ លោក បានបដិសេធ ប្រាប់ ថា “ខ្ញុំមិនពាក់ព័ន្ធរឿងនេះទេ ខ្ញុំធ្វើតែតាមច្បាប់ប៉ុណ្ណោះ ហើយកន្លងមកកូនលោក ហ៊ុន សាន និងកូនប្រសារបានទាក់ទងមកខ្ញុំ ដើម្បីសុំជូបជជែកគ្នា ប៉ុន្តែខ្ញុំបានបដិសេធ ហើយចំណាចុះអនុវត្តដីការរក្សាការពារនេះ គឺខ្ញុំមិននៅក្នុងស្រុកទេ ពោលគឺខ្ញុំសុំច្បាប់ទៅក្រៅប្រទេស ដោយព្រះរាជអាជ្ញារង សុខ កែវបណ្ឌិត ជាអ្នកកាន់“ ។
ដូចគ្នានេះដែរ លោកឧត្តមសេនីយ៍ឯក ម៉ក់ ជីតូអគ្គស្នងការរងនគរបាលជាតិក៏បានបដិសេធថា “ខ្ញុំមិនបានគំរាមកំហែងរឿងដីទេ ហើយក៏មិនកាងដែរ ពីព្រោះខ្ញុំស្គាល់លោក ហ៊ុន សាន ៣០ឆ្នាំហើយ”?។
សូមបញ្ជាក់ថា សម្តេចក្រឡាហោមសខេងបានចារបញ្ជូនលិខិតលោកហ៊ុនសានទៅក្មួយប្រសារសម្តេចតេជោគឺលោកនាយឧត្តមសេនីយ៍នេតសាវឿនអគ្គ ស្នងការនគរបាលជាតិចាត់ការហើយកាលពីថ្ងៃទី៥ឧសភាឆ្នាំ២០១៧ ៕
