មណ្ឌលគិរី៖ ស្ត្រីជាម្ចាស់ហ៊ាងខារ៉ាអូរខេយីហោ៩៩ម្នាក់ ត្រូវបានភ្ញៀវក្របួចសក់ពីក្រោយយកកាំបិតចុងស្រួចយកមកអា ករតែត្រូវជនរងគ្រោះរើបំរាស់ប្រតាយប្រតប់ដណ្តើមយកកាំបិតបានហើយរត់ស្រែកឲ្យគេជួយទើបរួចខ្លួនពីសេចក្តីស្លាប់។ហេតុការណ៍នេះបានកើតឡើងកាលពីវេលាម៉ោង១១យប់ ថ្ងៃទី០៧ ខែធ្នូ ឆ្នាំ២០១៤ នៅចំណុចមុខមន្ទីរពាណិជ្ជកម្មខេត្ត ស្ថិតនៅក្នុងភូមិដើមស្រល់ សង្កាត់មនោរម្យ ក្រុងសែនមនោរម្យ ខេត្តមណ្ឌលគិរី ។
បើតាមសម្តីរបស់ស្ត្រីជនរងគ្រោះកំពុងសម្រាកព្យាបាលនៅមន្ទីរពេទ្យឯកជនបាននិយាយថា គាត់មានឈ្មោះ សុខ ចិន្តាអាយុ៣៩ឆ្នាំ មានស្រុកកំណើត នៅភូមិពង ឃុំពុទ្រា ស្រុកជ័យសែន ខេត្តព្រះវិហារ ។ រូបគាត់បានមកជួលហាងយី ហោ៩៩ទើបបានរយៈពេលតែ៣ខែប៉ុណ្ណោះ ហើយបានបើកមុខរបរលក់គ្រឿងក្លែមស្រាបៀរ និងមានដាក់ខារ៉ាអូរខេឲ្យភ្ញៀ វច្រៀងលេងបន្ថែមផងដែរ ។
ស្ត្រីរងគ្រោះបានបន្តថា ជនដៃដល់បានចូលមកក្នុងហាងនៅវេលាម៉ោង១០យប់ ហើយឲ្យដាក់ស្រាបៀរឲ្យផឹក និង មានរូបគាត់អង្គុយកំដរពេលនោះជនដៃដល់បាននិយាយថាពិបាកចិត្តណាស់ រូបគាត់ក៏បានសួរពិបាករឿងអីតែជនដៃដល់ មិនព្រមនិយាយប្រាប់ ចេះតែចាក់ស្រាផឹកបន្តរហូតដល់ម៉ោងជិត១១យប់ ហើយហៅជនរងគ្រោះមកអង្គុយជិតគោលបំ ណងអោបថើបគាត់ តែរូបគាត់មិនព្រមក៏បានស្ទុះចេញ ខណៈនោះជនដៃដល់បានដើរមកពីក្រោយទាញសក់គាត់ផ្ងារមក ក្រោយ ហើយយកកាំបិតមុខស្រួចមកអាកររូបគាត់ទាំងកំរោល ខណ:ពេលនោះដែរគាត់បានរើបំរារាស់ និងចាប់យកកាំបិ តពីដៃជនបង្ករ ហើយស្ទុះរត់ចេញទៅខាងក្រៅស្រែកឲ្យគេជួយ ។ ស្ត្រីរងគ្រោះបានឲ្យដឹងទៀតថា ពេលនោះជនបង្ករបាន ភ័យរត់គេចខ្លួនបាត់បន្សល់ទុកស្បែកជើងមួយគូ និងកាំបិតចុងស្រួចនៅក្នុងហាង ។
បើតាមការដឹងពីលោកអនុសេនីយន៍ឯក វង្ស រចនា នាយការិយាល័យស្រាវជ្រាវកងរាជអាវុធហត្ថខេត្តមណ្ឌលគិរី បានបញ្ជាក់ថា សមត្តកិច្ចកំពុងតែស្រាវជ្រាវ និងវែកមុខជនដៃដល់ដើម្បីចាត់ការទៅតាមនិតិវិធីច្បាប់ ។ ប៉ុន្តែករណីខាង លើនេះសមត្ថកិច្ចជំនាញមិនទាន់សន្និដ្ឋានថាជារឿងប្លន់រឺជារឿងគំនុំនៅឡើយទេ ព្រោះមិនទាន់ឃាត់ខ្លួនជនបង្ករបាននៅ ឡើយ ៕
ហ៊ិន សុគន់