ខេត្តរតនគិរី ៖ អណ្តូងស្នប់ចំនួន១៤អណ្តូង ដែលជាអំណោយមនុស្សធម៌របស់កាកបាទក្រហមកម្ពុជា ផ្តល់ជូនសហគមន៍ភូមិតាកុកភ្នង ឃុំបរខាំ ស្រុកអូរយ៉ាដាវ ត្រូវបានដាក់សម្ពោធអោយប្រើប្រាស់នាព្រឹកថ្ងៃទី២៤ ខែមេសា ឆ្នាំ២០១៧ ក្រោមវត្ថុមានឯកឧត្តមអ៊ុយ សំអាត នាយកគ្រប់គ្រងគ្រោះមហន្តរាយតំណាងដ៏ខ្ពង់ខ្ពស់សម្តេចគិតិព្រឹទ្ធបណ្ឌិតប៊ុន រ៉ានី ហ៊ុនសែន ប្រធានកាកបាទក្រហមកម្ពុជា។
ថ្លែងទៅកាន់ប្រជាពលរដ្ឋជិត២០០គ្រូសារនាឱកាសនេះឯកឧត្តមអ៊ុយ សំអាត បានពាំនាំមកនូវការសាកសួរសុខទុក្ខនិងការនឹករលឹកពីសំណាក់សម្តេចគិតិព្រឹទ្ធបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនចំពោះពុកម៉ែបងប្អូនប្រជាពលរដ្ឋនៅក្នុងភូមិតាកុកភ្នងទាំងមូល ។
ឯកឧត្តមលើកឡើថា កាកបាទក្រហមកម្ពុជាដែលមានសម្តេចគិតិព្រឹទ្ធបណ្ឌិតប៊ុន រ៉ានី ហ៊ុន សែន ជាអ្នកដឹកនាំចំពោះសុខទុកប្រជាពលរដ្ឋទីទាល់ក្រ ទុរគត់ជន មេម៉ាយកូនច្រើន និងអ្នកផ្ទុកមេរោគអេដស៍ជាដើម ពោគឺទីណាជួបការលំបាក ទីនោះតែងមានវត្តមានកាកបាទក្រហមចុះជួយជានិច្ច ហើយអំណោយរបស់កាកបាទក្រហមផ្តល់ជូន ហើយអំណោយរបស់កាកបាទក្រហមចុះជូយជានិច្ច ហើយអំណោយរបសកាកបាទក្រហមផ្តល់ជូន គឺឈរលើគោលការណ៍គ្រឹះទាំង៧ ដោយមិនប្រកាន់និន្នាការនយោបាយអ្វីឡើយ ។
ឯកឧត្តម អ៊ុយ សំអាត បន្តថាដោយមើលឃើញពីការខ្វះខាតទឹកស្អាត ប្រើប្រាស់របស់ប្រជាពលរដ្ឋភូមិតាកុកភ្នង ទើបសម្តេចគិតិ្តព្រឹទ្ធបណ្ឌិតប៊ុន រ៉ានី ហ៊ុន សែន សម្តេចផ្តល់ជូននូវអណ្តូងស្នប់ចំនួន១៤ ទុកជាចំណងដៃសំរាប់អ្នកភូមិដែលជាផ្នែកមួយនៃការជួយលើកកំពស់សុខភាពសាធារណៈតាមរយៈបានទឹកស្អាតប្រើប្រាស់ ឯកឧត្តមបានសំណូមពរអោយប្រជាពលរដ្ឋក្នុងសហគមន៍ភូមិតាកុកភ្នង ត្រូវចូលរួមប្រើប្រាស់ទឹកអណ្តូងស្នប់អោយបានគ្រប់ៗគ្នា ហើយត្រូវផ្លាស់ប្តូរឥរិយាបទពីការហូបទឹកឆៅ មកហូបទឹកឆ្អិន និងត្រូវចូលរួមថែរក្សាការពារនូវអណ្តូងស្នប់ទាំងអស់នេះអោយបានយូរអង្វែង។
ក្នុងឱកាសនេះ ឯកឧត្តមបានចែកអំណោយអនុស្សាវរីយ៍ដល់ប្រជាពលរដ្ឋចូលរួមក្នុងម្នាក់ៗសារ៉ុង១ ក្រម៉ា១ និងថវិការមួយចំនួន ព្រមទាំងបានអញ្ជើញកាត់ខ្សែបូសម្ពោធដាក់អោយប្រើប្រាស់អណ្តូងស្នប់ដែលជាអំណោយកាកបាទក្រហមចាប់ពីពេលនេះតទៅ ។
ដោយឡែក ប្រជាពលរដ្ឋពីរគ្រួសារមួយគ្រួសារមានកូនអាយុ៣ឆ្នាំ ស្លាប់និងមួយគ្រួសារទៀតស្ត្រីចាស់ជរា កាកបាទក្រហមបានផ្តល់អំណោយមនុស្សធម៌ជូនក្នុង១គ្រូសារអង្គរ៥០គីឡូក្រាម ឃីតមួយកញ្ចប់ និងថវិការមួយចំនួនទៀតផងដែរ៕