ខេត្តមណ្ឌលគិរី ៖ ភាពអនាធិបតេយ្យ បង្កអោយមាននៅ ករណីគ្រោះថ្នាក់ចរាចរណ៍ដ៏រន្ធត់មួយ បណ្តាលអោយ មនុស្សស្លាប់ម្នាក់ នឹងរបួសធ្ងន់ម្នាក់ កាលពីវេលាម៉ោង12 និង12នាទី ថ្ងៃទី23 ត្រង់ចំណុច ផ្លូវបំបែក ចូលភូមិអណ្ដូងក្រឡឹង ឃុំសែនមនោរម្យ ស្រុកអូររាំងខេត្តមណ្ឌលគិរី។
សាក្សីនៅកន្លែងកើតហេតុបានអោយដឹងថា មុនពេលហេតុគេឃើញរថយន្តកាម៉ារីហើមដឹក ឈើប្រណិត ពេញប្រៀបឆ្លងកាត់មុខមន្ត្រីជំនាញស្នាក់ការអភិរក្សជីវៈចំរុះស្រុកអូររាំង ដោយល្បឿនលឿនដូចព្រួញទាំងស្ថានភាព ផ្លូវកោងខ្លាំង ហើយខណៈនោះ រថយន្តដឹកស្រាបៀរអង្គដឹកស្រាអោយម៉ូយបត់ក្បាលទទឹងថ្នល់ ក៏បុកគ្នាពេញទំហឹង បណ្ដាលអោយអ្នកបើកបររថយន្តស្រាបៀរអង្គរធ្លាក់ពីលើរថយន្តរងរបួសជាទម្ងន់ ចំណែកអ្នកបើកបររថយន្តកាម៉ារីដឹក ឈើស្លាប់តាមផ្លូវពេលបញ្ជូនទៅន្ទីរពេទ្យ។
បើតាមសំដីរបស់លោក យិម ចិន្ដា ប៉ូលីសចរាចរណ៍ បានអោយដឹងថា អ្នកស្លាប់ក្នុងករណីគ្រោះចរាចរណ៍ខាងលើឈ្មោះ អ៊ុន សុគីម ជាមន្ត្រីប៉ូលិស បំរើការនៅអធិការដ្ឋានស្រុអូររាំង ចំណែកអ្នកបើកបររថយន្តដឹកស្រាបៀរអង្គរឈ្មោះ សៀង លី ភេទប្រុសអាយុ32 ឆ្នាំ មានទីលំនៅ ភូមិចំបក់សង្កាត់ស្ពាន់មានជ័យក្រុងសែនមនោរម្យខេត្តមណ្ឌលីរី រងរបួសបែកក្បាល ធ្ងន់។បច្ចុប្បន្នអ្នក ស្លាប់ត្រូវបានក្រុមគ្រួសារនាំទៅធ្វើបុណ្យតាមប្រពៃណី អ្នករបួសចូលពេទ្យ រថយន្តទាំពីររគ្រឿងត្រូវសមត្ថកិច្ចស្ទូចយក ទៅរក្សាទុក ចំណែកឈើប្រណិតសមត្ថកិច្ចប្រគាល់អោយមន្ត្រីជំនាញប្រចាំការនៅស្នាក់ស្រុកអូររាំង ៕
ហ៊ិន សុគន់