ខេត្តមណ្ឌលគិរី ៖ កាលពីយប់ ថ្ងៃទី១៥.១១.២០១៤ម៉ោងប្រមាណជា១១.០០ មានការបាញ់រះដល់សាហាវមួយបានកើតឡើង នៅក្នុងភូមិពូរ៉ាងឃុំសែនមនោរម្យ ស្រុកអូរាំង ខេត្តមណ្ឌលគិរី ធ្វើអោយត្រូវរបួសជើងទាំងសងខាង របស់ប្ដីប្រពន្ធពីរនាក់ជាទម្ងន់ ។
បើតាមសាក្សីខាងជនរងគ្រោះបានប្រាប់អោយដឹងថា មុនពេលកើតហេតុ ជនដៃដល់ បរបួលគ្នីគ្នាផឹកស៊ីទល់មុខផ្ទះជនរងគ្រោះ ផឹកស៊ីស្រងវឹង ក៏ឈ្លោះប្រកែកគ្នា ប្រច័ន្ទនិងស្ត្រីដែលខ្លួនដណ្ដឹងមិនបានកាលពីមុនមក.លុះដល់ម៉ោងប្រហែលជា១១យប់ ជនដៃដល់បានមកឈរមុខផ្ទះជនរងគ្រោះស្រែកហៅប្អូនស្រីរបស់គូដណ្ដឹងថា ស្រីម៉ៅៗបើកទ្វារប្អូនស្រីដែលឈ្មោះស្រីម៉ៅមិនព្រមបើកទ្វារ ក៏ស្រាប់តែជនដៃដល់ ច្របាច់ពិលបំភ្លឺចូលក្នុងផ្ទះរួចក៏ស្រាប់តែបាញ់រះចំនួន7គ្រាប់បណ្ដាលអោយចំជើងជនរងគ្រោះ ទាំងពីរនាក់ប្ដីប្រពន្ធ។
ជនរងគ្រោះជាប្ដីឈ្មោះ អ៊ិត ថុល អាយុ54 និងប្រពន្ធឈ្មោះ ឃឿនគា អាយុ52 រស់នៅក្នុងភូមិ ឃុំ កើតហេតុខាងលើ។
សាក្សីជនរងគ្រោះបានបន្តទៀតថាជន ដៃដល់មានឈ្មោះ សុក អាយុប្រហែលជាង30ឆ្នាំ រស់នៅក្នុងភូមិពូទ្រំ ឃុំសែនមនោរម្យ ស្រុកអូរាំង ខេត្តមណ្ឌលគិរី។
ពត័មានលំអិតយ៉ាងណាៗទៀតនោះ អ្នកសារពត័មាន សុំការបំភ្លឺពីសមត្ថកិច្ចមិនទាន់បានដឹងនៅឡើយទេ ដោយសមត្ថកិច្ចលោក ប៊ូប៊ុនឈាត អធិការស្រុកអូរាំងកំពុងតែរស្រាវជ្រាវ ដើម្បីស្វែងរកចាប់ខ្លួនជនដៃដល់ ។ គ្រាន់តែដឹងថា ឈ្មោះ សុក នេះដែលជាជនដៃដល់ មិនមែនជាមន្ត្រីអីនោះទេ គាត់ជាប្រជាជនធម្មតា តែប៉ុណ្ណោះតែគាត់មានអាវុធកាន់ មិនដឹងជាគាត់បានអាវុធនេះមកពីអ្នកណាទេ ៕
ហ៊ិន សុគន់.
