ខេត្តរតនគិរីៈ បញ្ជាការដ្ឋានកងរាជអាវុធហត្ថខេត្តរតនគិរី បានចាប់ផ្តើមសាងសង់អគារមួយខ្នងទៀតហើយ ដើម្បីជាប្រយោជសំរួលដល់ការបំរើការងារដល់នាយទាហាន ពលទាហាននៅក្នុងមូលដ្ឋាននេះ ។
អគារមួយខ្នងដែលសង់ផ្ទាល់ដីមាន១០បន្ទប់នេះ គឺបានធ្វើពិធីបញ្ចុះបឋមសិលានៅព្រឹកថ្ងៃទី២៦ កុម្ភៈ ចូលរួមដោយឧត្តមសេនីយ៍ត្រី គឹម រស្មី មេបញ្ជាការមូលដ្ឋានកងរាជអាវុធហត្ថខេត្តរតនគិរី ។
របាយការណ៍អោយដឹងថាៈ អគារមួយខ្នងនេះគ្រោងនឹងសង់ឡើងក្នុងទឹកប្រាក់ចំនួន១៣ម៉ឺនដុល្លារសហរដ្ឋអាមេរិក ។ ក្នុងនោះឧត្តមសេនីយ៍ត្រី គឹម រស្មី បានចូលរួមចំណាយទឹកប្រាក់ផ្ទាល់ខ្លួនចំនួន៥ម៉ឺនដុល្លារអាមេរិក ហើយទឹកប្រាក់ក្រៅពីនោះ គឺជាទឹកប្រាក់សប្បុរសជននិងមន្ត្រីអាវុធហត្ថក្រោមឳវាទ។
ឧត្តមសេនីយ៍ត្រី គឹម រស្មី អោយដឹងថាៈ អគារនេះគឺសំរាប់កំលាំងអាវុធហត្ថស្នាក់នៅបំពេញភារៈកិច្ចជាកងកំលាំងប្រដាប់អាវុធ ហើយលោកកំពុងតែជម្រុញអោយការសាងសង់បានឆាប់រហ័ស ដើម្បីជាប្រយោជអង្គភាពផង និងទុកជាសម្បត្តិរដ្ឋផងដែរ ៕
ដោយៈ យឹម សារិទិ្ធ