រតនគិរី ៖ ប៉ូលីសប្រឆាំងបទល្មើសសេដ្ឋកិច្ចខេត្តរតនគិរីបានស្ទាក់ចាប់រថយន្តដឹកឈើមួយគ្រឿងកាលពីយប់ថ្ងៃទី០៦ ខែកុម្ភៈ ឆ្នាំ២០១៧សង្ស័យចចាតម្លៃមិនត្រូវ។
កាលពីយប់ថ្ងៃទី៦ខែកុម្ភកម្លាំងប៉ូលីសសេដ្ឋកិច្ចខេត្តរតនគិរីបានស្ទាក់ចាប់រថយន្តដឹកឈើប្រណីតមួយគ្រឿង ម៉ាក កាម៉ារី ពណ៌ទឹកប្រាក់ ស្លាកលេខ បាត់ដំបង 2A : 1428 ដែលដឹកចេញពីស្រុកកូនមុំ បើកតាមផ្លូវជាតិលេខ៦៨ឆ្ពោះចូលទៅទីក្រុងបានលុង។លុះទៅដល់ភូមិ១សង្កាត់ការចាញក្រុងបានលុងក៏ត្រូវបានក្រុមប៉ូលីសសេដ្ឋកិច្ចខេត្តស្ទាក់ចាប់បានតែម្តង។ក្នុងរថយន្ដនោះមានផ្ទុកឈើប្រណីតជាច្រើនដុំ។
ភ្លាមៗនោះដែរអ្នកបើកបររថយន្តនោះបានចុះរត់គេចខ្លួនបាត់ដោយទុករថយន្តនោះចោលហើយត្រុវបានសមត្ថកិច្ចរឹបអូសបញ្ជូនទៅស្នងការនគរបាលខេត្ត កសាងសំនុំរឿងទៅខ័ណ្ឌរដ្ឋបាលព្រៃឈើខេត្តចាត់ការបន្ត។
មន្ត្រីរដ្ឋបាលព្រៃឈើម្នាក់បានឲ្យដឹងថាឈើដែលប៉ូលីសបញ្ជូនមកនោះគឺជាឈើប្រភេទធ្នង់ដែលមានចំនួន105ដុំ ស្មើរនិង 0,622 ម៉ែត្រគូប។
មន្ត្រីរដ្ឋបាលព្រៃឈើបានបញ្ជាក់ថានឹងកសាងសំនុំរឿងដាក់ទៅតុលាការចាត់ការតាមនិតិវិធី ហើងយើងនឹងដាក់លិខិតជូនដំណឹងទៅម្ចាស់រថយន្តឲ្យចូលខ្លួនមកដោះស្រាយ។
ចំពោះចំណាត់ការរបស់ប៉ូលីសប្រឆាំងបទល្មើសសេដ្ឋកិច្ចខេត្តរូបនោះប្រជាពលរដ្ឋជាច្រើនបានអបអរសាទយ៉ាងខ្លាំងប៉ិន្ដែតែពួកគាត់ខ្លាចថាក្រុមប៉ូលីសនោះធ្វើបង្ក្រាបតែចំពោះរថយន្តណា ដែលមិនបានបង់លុយឲ្យគាត់ទេដឹង?។ ព្រោះថាបច្ចុប្បន្ននេះរថយន្តនិងម៉ូតូជាច្រើនបានដឹកឈើខុសច្បាប់ធ្វើអាជីវកម្មស្ទើតែក្លាយទៅជាអណាធិបតេយ្យទៅហើយប៉ុន្តែរថយន្តនិងម៉ូតូទាំងនោះហេតុអ្វី
បានជា ពួក គាត់មើលមិនឃើញ ឬក៏គ្រាន់តែជាការដាស់អារម្មណ៍របស់ឈ្មួញដែលមិនទាន់បង់លុយទេដឹង? បើយ៉ាង ដូច្នោះមែននោះវាមិនខុសពី គោះទឹកបង្អើលត្រីឲ្យចូលលបនោះទេ៕
ម៉ី មេងហ៊ុយ រតនគិរី
