ខេត្តរតនគិរី ៖ រថយន្តម៉ាកសាំយ៉ុងពណ៍ស ពាក់ស្លាកលេខភ្នំពេញ2AE.8074 ដឹកអ្នកដំណើរចេញពីខេត្តស្ទឹងត្រែងឆ្ពោះមកខេត្តរតនគិរី តាមបណ្តោយផ្លូវជាតិលេខ78 ខណះ មកដល់ចំណុចភូមិភ្នំស្វាយ សង្កាត់បឹងកន្សែង ក្រុងបានលុង ត្រូវកម្លាំងសមត្ថកិច្ច ចម្រុះក្រុងធ្វើការស្ទាក់ឃាត់ដើម្បីឆែកឆេរសួរនាំ ប៉ុន្តែរថយន្តខាងលើមិនបានឈប់ឲ្យសមត្ថកិច្ចឆែកឆេរនោះឡើយ បន្ថែមល្បឿនរត់ទៅលិចទៅកើតពេញក្រុងបានលុង ធ្វើឲ្យក្រុមសមត្ថកិច្ចមានការសង្ស័យដេញតាមពីក្រោយ រហូតដល់ផ្លូវទាល់ចូលព្រៃស្វាយចន្ទីម្ចាស់រថយន្តមិនស្គាល់អត្តសញ្ញណបើកទ្វារចុះរត់គេចខ្លួនបាត់តែម្តង។
ប្រតិបត្តិការបង្ក្រាបរថយន្តដឹកបទល្មើសខាងលើ ធ្វើឡើងកាលពីវេលាម៉ោង5 ល្ងាចថ្ងៃទី7 ខែមករា ឆ្នាំ2017 ។
តាមការឲ្យដឹងពីកម្លាំងចម្រុះដែលចុះបង្ក្រាបបានឲ្យដឹងថា មុខនឹងឈានទៅធ្វើការបង្ក្រាបរថយន្តសាំយ៉ុងខាងលើនេះ ដោយមានភ្នាក់ងារសំងាត់រាយការណ៍មកជាច្រើនដងមកហើយឲ្យសង្កេតនឹងតាមដានរថយន្តមួយគ្រឿងនេះ សកម្មក្នុងការដឹកអ្មកដំណើរហើយបង្កប់ឈើប្រណិតនៅពីក្រោមកៅអីអង្គុយ។
ទើបកម្លាំងចម្រុះដែលមានកម្លាំងអាវុធហត្ថក្រុង កម្លាំងនគរបាលក្រុងដែលដឹកនាំដោយលោកអ៊ុន ស៉ីដេត អភិបាលរងក្រុងចុះផ្ទាល់ឃាត់រថយន្តខាងលើបានភ្លាមៗនាំមករក្សាទុកនៅអធិការដ្ឋាននគរបាលក្រុងបានលុងទាំងយប់ព្រឹកឡើងថ្ងៃទី8 ខែ មករា ឆ្នាំ2017កម្លាំងចម្រុះបានប្រគល់ឲ្យជំនាញរដ្ឋបាលព្រៃឈើខណ្ឌដើម្បីចាត់ការបន្ត ក្នុងនោះជំនាញរដ្ធបាលព្រៃឈើធ្វើការវ៉ាស់វែង លទ្ធផល សរុប: 985គីឡូក្រាមស្មើនិង(0,729ម៉ែត្រគីប) ៕