បាត់ដំបង ៖ លោក ចៅកម្សត់ ចាងហ្វាងការសែត សម្លេងចៅកម្សត់ សុំអំពាវនាវរកជំនួយ ព្រោះពេលនេះគាត់កំពុង ជួបនូវកង្វះខាតយ៉ាងធ្ងន់ធ្ងរផ្នែកជីវភាព ខណៈដែលរូបគាត់ បានមកហាត់ដើរពាក់ជើងសិប្បនិម្មិតនៅមណ្ឌលជនពិការ ក្រុងបាត់ដំបង ។
ដោយឡែក ភរិយារបស់គាត់ ទើបតែសម្រាល កូននៅពេទ្យស្រុកថ្មគោល បានរយះពេល១ខែគត់ គិតមកដល់ថ្ងៃ២៩ ធ្នូ ២០១៦នេះ ដោយសម្រាលបានកូនស្រី ក្នុងចំណោមកូនទាំង៣នាក់ ស្រី២នាក់របស់គាត់។
សូមបញ្ជាក់ថា ៖ លោក ចៅ កម្សត់ ជាចាងហ្វាងការសែត (សម្លេងចៅកម្សត់) បានរងគ្រោះថ្នាក់ចរាចរណ៍ ខណះរូបលោកចុះយកព័ត៏មាន នាល្ងាចថ្ងៃទី១៦ ខែឩសភា ឆ្នាំ២០១៦កន្លងទៅនោះ ក៍ត្រូវរថយន្តម៉ាកតូរិស មិនស្គាល់ផ្លាកលេខបុកចំពីមុខ នៅចំណុច ភូមិទួលទិល ឃុំតាគ្រៃ ស្រុកថ្មគោល ខេត្តបាត់ដំបង បណ្តាលឲ្យរងរបួសបាក់ជើងឆ្វេង និងរបួសជាច្រើនកន្លែងទៀត យ៉ាងធ្ងន់ធ្ងរ។
ហើយមកដល់ថ្ងៃនេះរូបគាត់បានជាសះស្បើយហើយ ហើយបានមកពាក់ជើងតរ និងកំពុងហាត់ដើរ ប៉ុន្តែរូបលោក និងក្រុមគ្រួសារកំពុងមានការខ្វះខាតយ៉ាងខ្លាំងផ្នែកជីវភាពប្រចាំថ្ងៃ ដូចបានរៀបរាប់ខាងលើ។
ដូច្នេះតាមរយះខ្ញុំបាទ លោកសុំអំពាវនាវដល់ សម្តេច ទ្រង់ ឯកឩត្តម លោកឩកញ៉ា លោកជំទាវ និងសប្បុរសជនទាំងអស់ មេត្តាជួយឧបត្ថម្ភដល់ លោកតាមក្តីអនុគ្រោះផងចុះ។
បច្ចុប្បន្ន កាសែតសម្លេងចៅកម្សត់ដំណើរការបានល្អ មានភ្នាក់ងារសរុបចំនួន ១៧ នាក់ទូទាំងប្រទេស ៕