ខេត្តក្រចេះ ៖ ករណីផ្ទុះក្បាលគ្រាប់សល់ពីសម័យសង្គ្រាម បណ្ដាលអោយស្លាប់១នាក់របួសស្រាល២នាក់នៅវេលាម៉ោង១៧និង១៥នាទីថ្ងៃទី០៨ ខែធ្នូ ឆ្នាំ២០១៦ នៅចំណុចឡូកៅស៊ូក្នុងភូមិថ្ពង ឃុំស្នួលស្រុកស្នួលខេត្តក្រចេះ ។
លោក ចាន់ សុខគីម អធិការនគរបាលស្រុកស្នួលបានបញ្ជាក់អោយដឹងថា ក្មេងប្រុសស្រីចំនួន៣នាក់បាននាំគ្នាដើរលេងក្នុងដីឡូកៅស៊ូមួយស្ថិតនៅភូមិថ្ពងឃុំស្នួលស្រុកស្នួលបានប្រទះឃើញក្បាលគ្រាប់១គ្រាប់ហើយក៏នាំគ្នាបោកលេងបណ្ដាលអោយផ្ទុះរងរបួសធ្ងន់១នាក់និងរបួសស្រាល២នាក់ បន្ទាប់ពីពីកើតហេតុភ្លាមៗ កម្លាំងសមត្ថកិច្ចរបស់អធិការចុះទៅដល់កន្លែងកើតហេតុដើម្បីជួយសង្គ្រោះបញ្ជូនទៅមន្ទីពេទ្យបង្អែកខេត្តភ្លាមៗផងដែរ ។
លោកអធិការប្រាប់ឲ្យដឹងថា ជនរងគ្រោះទី១ឈ្មោះភាព សុខពៅប្រុសអាយុ១២ឆ្នាំរស់នៅភូមិក្បាលថ្ពង ឃុំស្នួលស្រុកស្នួលរងរបួសធ្ងន់បញ្ជូនទៅមន្ទីរពេទ្យ(ស្លាប់តាមផ្លូវ) ទី២ មានឈ្មោះ ភាព លឹមហួយ ស្រី អាយុ០៨ឆ្នាំរបួសស្រាល បងប្អូនបង្កើតអ្នកស្លាប់ទី៣ ឈ្មោះក្រូច សំណាង ប្រុសអាយុ០៨ឆ្នាំ របួសស្រាល រស់នៅភូមិកាំឡែកឃុំស្រែចារស្រុកស្នួលខេត្តក្រចេះ ។
លោកបានបន្តទៀតថា គ្រាប់ដែលសល់ពីសម័យសង្គ្រាមនោះគឹមិនបានស្គាល់ថាប្រភេទគ្រាប់អ្វីទេ ប៉ុន្តែកត្តាសំខាន់សុំបងប្អូនប្រជាពលរដ្ឋមេត្តាជួយអប់រំកូនចៅមេត្តាកុំលេងគ្រាប់ដែលមិនទាន់ផ្ទុះ វានឹងអាចបង្ករគ្រោះថ្នាក់ដល់អាយុជិតដូចក្មេងៗនេះអីញ្ចឹង បើប្រសិនបានជួបបានឃើញមេត្តាដើរជៀសអោយឆ្ងាយ ហើយប្រញាប់រាយជូនសមត្ថកិច្ចដើម្បីការពាររក្សាទុកដើម្បីហៅជំនាញមកចាត់ការ ៕
