ក្រចេះ ៖ប្រជាពលរដ្ឋរិះគន់យ៉ាងធ្ងន់ធ្ងរដល់ម្ចាស់កំពង់ចម្លង នៅស្រុកឆ្លូងបន្ទាប់ពីមានករណីយ៍រថយន្តហ៊ីយិនដាយបើកធ្លាក់ទឹកទន្លេ ដើម្បីឆ្លងទៅត្រើយម្ខាងនៃស្រុកព្រែកប្រសព្វ កាលពីថ្ងៃទី២៧ វិច្ឆិកា ឆ្នាំ២០១៦ នៅចំណុចកំពង់ចម្លងឆ្លូូងស្ថិតក្នុងភូមិជ្រោយថ្មក្រោម ឃុំឆ្លូងស្រុកឆ្លូងខេត្តក្រចេះ។
ប្រភពពីប្រជាពលរដ្ឋបានបង្ហើបប្រាប់ថា កន្លងមកមិនមែនមានតែរថយន្តមួយគ្រឿងនេះទេដែលបើកធ្លាក់ចូលទឹកឬក៏សាឡាងក្រឡាប់ គឹមានរថយន្តជាច្រើនគ្រឿងដែលបានធ្លាក់ចូលទឹកទន្លេក្នុងចំណុចកំពង់ដរឆ្លូង ដោយសារម្ចាស់កំពុងចម្លងមិនសំរួលផ្លូវអោយបានល្អចុះទៅកំពុងចម្លង គិតតែពីផលប្រយោជផ្ទាល់ខ្លួន មិនគិតគូរដល់ការគ្រោះថ្នាក់ដល់ប្រជាពលរដ្ឋឆ្លងកាត់នៅលើសាឡាងរបស់លោក ម៉ាត់ ហ៉ីម ។
ប្រភពផ្សេងទៀតបានលើកឡើងថា មូលហេតុដែលបង្ករអោយរថយន្តថយក្រោយធ្លាក់ទឹកនោះគឹឈលើកត្តាកំពុងចម្លងនោះតូចចង្អៀតផ្លូវខ្ពស់មិនធំទូលាយ ធ្វើខុសបច្ចេកទេស ពេលរថយន្តបើកចុះម្ដងៗគឹពិបាកនឹងបទបែន ហេតុដូចនេះម្ចាស់រថយន្តសំរេចចិត្ថបើកថយក្រោយរួចក៏ជ្រុលធ្លាក់ទឹកតែម្ដងទៅ ចំណែកម្ចាស់រថយន្តត្រូវបានពលរដ្ឋនៅទីនោះជួយច្រុំជ្រែងដើម្បីជួយរំដោះចេញពីក្នុងរថយន្តដែលនៅក្នុងទឹក។
សមត្ថកិច្ចស្រុកឆ្លូងបានអោយដឹងដែរថា កាលពីថ្ងៃ២៧ខែវិច្ឆិកាឆ្នាំ២០១៦មានប្រជាបលរដ្ឋបានមករាយការណ៍ថា មានករណីយ៍ក្រោះថ្នាក់ចរាចរនៅកំពុងចម្លងលោកម៉ាត់ ហ៉ីម ដោយរថយន្តម៉ាកហីយិនដាយពីរតោនកន្លះបើកថយក្រោយធ្លាក់ទឹកទន្លេមូលហេតុដោយសារដាច់ហ្វាំងបណ្ដាលអោយខូចខាតសម្ភារៈស្ទើរតែទាំងស្រុងប៉ុន្តែសំណាងល្អមិនមានគ្រោះថ្នាក់ដល់អាយុជិវិតនណាម្នាក់ឡើយ ចំណែកម្ចាស់រថយន្តក៏រើលើកសម្ភារៈនិងអូសរថយន្តយកទៅវិញហើយក៏បញ្ចប់រឿង។
លោកម៉ាត់ ហ៉ីម ម្ចាស់កំពុងចម្លង ឆ្លូង បានប្រាប់តាមទូរស័ព្ទនៅព្រឹកថ្ងៃទី២៨ខែវិច្ឆិកាឆ្នាំ២០១៦ឲដឹងថា ការពិតមិនមែនខុសពីខាងលោកទេគឹម្ចាស់រថយន្តនោះបើកថយក្រោយធ្លាក់ទឹកដោយខ្លួនឯង មិនអាចបន្ទោសពួកគាត់បានទេ ម្យ៉ាងមកពីរថយន្តនោះដាច់ហ្វាំងខុសបច្ចេកទេស មិនមែនដូចពលរដ្ឋនិយាយនោះទេ កំពុងចម្លងរបស់គាត់គឹមានច្បាប់វិរិយោគត្រឹមត្រូវហើយលោកបានបន្តទៀតថាក្រោយកើតហេតុម្ចាស់រថយន្តបានចំណាយប្រាក់៥០ម៊ឺនរៀលដើម្បីជួលកម្មករនឹងរថយន្តសំរាប់ទាញមកលើគោកវិញ។ចំនែកម្ចាស់រថយន្តមិនអាចសុំការបញ្ចាក់បញ្ហាខាងលើបានទេ។
ប៉ុន្តែទោះបីជាយ៉ាងណា ប្រជាពលរដ្ឋរស់នៅត្រើយម្ខាងក្នុងស្រុកទាំងពីរគឹស្រុកឆ្លូងនិងស្រុកព្រែកប្រសព្វ បានរិះគន់យ៉ាងធ្ងន់ធ្ងរដល់ស្ថាប័ណ្ឌពាក់ព័ន្ធអោយជួយពិនិត្យទៅលើច្បាប់វិវិនីយោគ របស់លោក ម៉ាត់ ហ៉ីម តើត្រឹមត្រូវតាមស្ដង់ដា ដែលរដ្ឋបានកំណត់ដែរឬទេ ? ឬមួយគ្រាន់តែឃុបឃិតជាមួយមន្ទីរ សាធារណការនិងដឹកជញ្ជូនខេត្តក្រចេះ ក្នុងការប្រមូលផលប្រយោជន៍មិនគិតពីហានីភ័យដែលកើតមានឡើងចំពោះប្រជាពលរដ្ឋទេ៕
