ខេត្តក្រចេះ ៖ ឧកញ៉ាតាន់ស៊ីវីរៈ ហៅឧកញ៉ាលក្ស័ ដែលជាថៅកែនាំប្រេងចូលពីស្រុកយួនរាប់សឹបតោនក្នុងមួយខែៗដោយបង់ពន្ធមិនគ្រប់តាមច្រកដាក់ដាំនោះថ្មីៗនេះមានសេចក្តីរាយការណ៍ថាទើបទទូលបានសិទ្ធគួរឲ្យចាប់អារម្មណ៍មួយទៀតគឺការបើកសិប្បកម្មកែច្នៃឈើប្រណីតដែលមានទីតាំងក្នុងភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះក្បែ ព្រុំដែនយួន។
ជាក់ស្តែង កាលពី ថ្ងៃទី២០ ខែវិច្ឆិកាឆ្នាំ២០១៦យើងសង្កេតឃើញមានសកម្មភាពដឹកជញ្ជូនឈើប្រណិតទាំងនោះចេញពីក្រុមហ៊ុនហ៊ុនប៊ិញហ្វឿក១តាមរយៈរថយន្តយីឌុបភ្លៅប្រាំចេញឆ្ពោះទៅកាន់ទីតាំងកែឆ្នៃស្ថិតនៅក្នុងភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះក្រោមលិខិតអនុញ្ញាតិរបស់រាជរដ្ឋាភិបាលអោយធ្វើការកែឆ្នៃ
ឈើប្រណិតបំរើក្នុងស្រុក(ស៊ិក)។ នេះបើតាមការប្រាប់អោយដឹងពីលោក វង សុខសិរី នាយខណ្ឌរដ្ឋបាលព្រៃឈើខេត្តមណ្ឌលគិរី ។
លោក វង សុខសិរីបញ្ជាក់ថា៖យោងទៅតាមលិខិតអនុញ្ញាត្តិផ្តល់សិទ្ធទៅអោយក្រុមហ៊ុនឈើប្រណិតទាំងនោះត្រូវបានដាក់គោលដៅអោយយកទៅកែច្នៃនៅក្នុងទីតាំងភូមិត្រពាំងស្រែតែប៉ុណ្ណោះ។ប្រការគួឲ្យកត់សម្គាល់គឺទីតាំងខាងលើនេះមិនទាន់មានរោងសិប្បកម្មកែច្នៃឈើអីនោះទេតែក្រុមហ៊ុននេះបានសម្រុកដឹកជញ្ជូនឈើទៅគស្តុកទុកហើយស្រេចទៅហើយក្រោមលេសថាខ្លាចភ្លើងឆេះ(ស៊ិក)។តែអ្នកដឹងរឿងឧកញ៉ាលក្ស័ដែលជាឈ្មួញឈើនាពេលកន្លងមកនោះគេជឿថាស្ងាត់ៗនឹងមានការលួចនាំចេញជាមិនខានព្រោះនៅជិតព្រុំដែនស្រាប់។
សូមបញ្ជាក់ថា ៖ កាលពីថ្ងៃទី១៥ ខែមករា ឆ្នាំ២០១៦កន្លងមក ប្រមុខរាជរដ្ឋាភិបាលតេជោហ៊ុនសែនបានបង្កើតគណកម្មកាចំរុះមួយដើម្បីបង្ក្រាប់បទល្មើសព្រៃឈើនៅតាមបណ្តាខេត្តភូមិភាគឥសាន្តជាប់ព្រដឪុំដែនយួនដឹក ដោយលោកនាយ ឧត្តមសេនីយ៍ សៅ សុខា មេបញ្ជាការកងរាជអាវុធហត្ថផ្ទៃប្រទេស ។ជាលទ្ធផលរឹបអូសបានឈើប្រណីតប្រមាណ៧ម៉ឺនម៉ែតគីបតែអត់ចាប់បានក្បាលឈ្មួញដែលជាឧក្រឹដ្ឋជនព្រៃឈើណាម្នាក់មកផ្តន្ទាទោសឡើយ។
ឈើប្រមាណ៧ម៉ឺនម៉ែតគីពនោះក្រសួងសេដ្ឋកិច្ចនិងហិរញ្ញវត្ថុដាក់ដេញថ្លៃចំនួ១២លានដុល្លារអាមេរិក។ ឥឡូវនេះ ស្រាប់តែឈើញមានឡានឧកញ៉ាលក្ស័ដឹកជញ្ជូនចេញដោយចំហរដែលមេព្រៃប្រាប់ថាឈើដេញថ្លៃបាន ។ ទោះជាយ៉ាងណា ករណីដេញថ្លៃឈើនេះអត់ឮខាងក្រសួងសេដ្ឋកិច្ចនិងហិរញ្ញវត្ថុប្រកាសឲ្យដឹងពីនីតិវិធិដេញ ហើយមានមានអ្នកណាចូលរួមខ្លះនិងបានលុយប៉ុន្មាននោះឡើយ។
បើលេងតែស្ងាត់ៗចឹង គិតម៉េចទៅអនុសាសន៍តេជោ ហ៊ុន សែន ឲ្យងូតទឹកឆ្លុះកញ្ចក់ដុសក្អែលនោះ?។សូមបញ្ជាក់ថា ប្រហែលជាឧកញ៉ា លក្ស័ អត់មានដីនៅខេត្តក្រចេះ ឬនៅស្រុកស្នួលហើយុំមើលទៅបានជាក្រសួងឧស្សាហកម្មសិប្បកម្មឲ្យច្បាប់បើកនៅព្រុះដែនយួនចឹង ៕
