ខេត្តព្រៃវែង៖ទោះបីមានការណែនាំពីនាយករដ្ឋមន្ត្រីឲ្យបង្កើនការប្រម៉ូលចំណូលពន្ធគយក៏ដោយក៏គេសង្កេតឃើញថាសកម្មភាពឃុបឃឹតរវាងគយនិងឈ្មួញនៅតែបន្តការកើតមានផងដែរ។ថ្មីៗនេះមានសេចក្តីរាយការណ៍ថា៖មន្ត្រីគយចល័តប្រចាំការផ្លូវជាតិលេខ៨ដឹកនាំដោយមេគយឈ្មោះព្រាបគារ៉ាត់បានដាក់ខែយកលុយពីយាយ”ញាប់”៣០០០$ក្នុង១ខែជាថ្នូរ ក្នុងការបើកភ្លើងខៀវឲ្យទំនិញគេចពន្ធចូលស្រុកខ្មែរ ។ស្ដ្រីជាប្រពន្ធតៃកុងឡានដឹកទំនិញរបស់យាយញាប់ដែលជាឈ្មួញដ៏មានឥទ្ធិពលប្រចាំប៉ែងខាងកើតប្រទេសបានទទួលស្គាល់ថា៖យាយញាប់ដែលត្រូវជាភរិយារបស់មន្ត្រីជាន់ខ្ពស់ក្នុងជួរថ្នាក់ដឹកនាំម្នាក់បានដាក់ខែឲ្យមន្ត្រីជំនាញប្រចាំការតាមផ្លូវជាតិលេខ8អស់ហើយដូចជា គយចលត័ដែលប្រចាំការនៅចំនុច ភូមិពោធិ៍ពីរ ឃុំដូនកឹង ស្រុកកំចាយមារ ខេត្តព្រៃវែង ក្នុង១ខែ៣០០០$(ស៊ិក)។
អ្នកស្រីបន្តថារថយន្តយាយញាប់មានច្រើនណាស់ហើយដឹកទំនិញពីប្រទេសវៀតណាមចូលដល់ស្រុកកំចាយមារទើបធ្វើការផ្ទេរឬសាងដាក់ឡានតូចធំបែងចែកតាមផ្សារជួនកាលដឹកទៅដល់ភ្នំពេញតែម្ដងក៏មានឯទំនិញដែលដឹកនោះភាគច្រើនជាប្រភេទសាប៊ូ និងទំនិញចាប់ហួយផ្សេងៗជួនកាលគយចលត័ស្ទាក់ដែរតែដល់ប្រាប់ថារបស់យាយញាប់ទៅគឺគេឲ្យទៅហើយដោយមិនសួរនាំអីនោះទេ ។
ពលរដ្ឋដែលនៅ ភូមិពោធិ៍ពីរ ឃុំដូនកឹង បានឲ្យអ្នកយកព័ត៌មានយើងដឹងថារថយន្តដឹកទំនិញដែលដឹកចេញពីវៀតណាមគឺមកដល់ចំនុចមុខគយចល័ត ឈប់នៅមុខស្នាក់ការគយ រួចចូលទៅបង់លុយឲ្យគយរហូតដោយមិនមានកាន់ក្រដាសស្នាមអ្វីឡើយបើជារថយន្តក្រុមហ៊ុនប្រភេទកុងទីនរ័ទើបឃើញមានកាន់ក្រដាសស្នាមចូលឲ្យគយពិនិត្យតែបើរថយន្តដឹកទំនិញដឹកបន្លែផ្សេងៗទាំងតូចធំ គឺចូលបង់លុយឲ្យគយ រហូតដោយមិនមានការពិនិត្យមុខទំនិញឡើយ ឲ្យតែលុយទៅបាត់ហើយ ភាគច្រើនគឺចាប់ពេលថ្ងៃត្រង់រហូតដល់ម៉ោង១២យប់។ ប្រភពបានបន្តថាគយចល័តនោះបានទិញដីចំនួន១ហិកតានៅខាងក្រោយស្នាក់ការនោះទៀតផង ។
ពាក់ពន្ធ័នឹងពតិមានខាងលើអ្នកព័ត៌មានយើងបានព្យាយាមទាក់ទងទៅលោក ព្រាប គារ៉ាត់ ហៅគយសិដ្ឋ ជាមេគយចល័ត ដែរតែទូរស័ព្ទរបស់លោកចំនួន២ខ្សែខលពុំចូលឡើយ។
ជុំវិញរឿងខាងលើនេះ បើមិនមានការឃុបឃិតជាប្រព័ន្ធទេ គឺមិនអាចចូលមកដោយរលូនទេ ព្រោះសមត្ថកិច្ចប្រចាំច្រកទ្វារមានច្រើនដូចជា នគរបាលអន្តោរប្រវេស្ត កាំកុងត្រូល គយ និងមានមន្ត្រីរបស់ចៅហ្វាយខេត្ត គឺជាប្រធានច្រកទ្វារដែលជាភ្នែកច្រមុះនិងជាដៃឆ្វេងស្តាំរបស់ចៅហ្វាយខេត្ត តើចៅហ្វាយខេត្តបានជ្រាបឬទេ?ឬមួយខ្លួនគឺជាមេចំណែក? ទោះបីដឹងក្តី មិនដឹងក្តី ក៏លទ្ធផលនេះអាចបញ្ជាក់បានថា ចៅហ្វាយខេត្តអសមត្ថភាព អសកម្មការងារ ឬអាចជាប់ការសង្ស័យពាក់ព័ន្ធជាមួយជាមួយការិយាធិបតេយ្យផង? តែយ៉ាងណាកុំឲ្យគេចោទថា ជាសិល្បះ ច្រវ៉ាចិញ្ចឹមឆ្ដោរអោយសោះ?។
សម្តេចតេជោ នាយករដ្ឋមន្ត្រី នៃព្រះរាជាណាចក្រកម្ពុជា លោកមានការយកចិត្តទុកដាក់ខ្លាំងណាស់ចំពោះបុព្វហេតុជាតិមាតុភូមិ និងប្រជាពលរដ្ឋទូទាំងប្រទេស លោកខិតខំប្រឹងប្រែងក្នុងពង្រឹងនីតិរដ្ឋដើម្បីប្រសិទ្ធភាពនិងប្រសិទ្ធផលការងារ តាមរយ:ការធ្វើកំណែទម្រង់ស៊ីជម្រៅ និងដាច់ខាតទៅលើគ្រប់វិស័យ ដែលមានយុទ្ធ
សាស្ត្រចតុកោណជាត្រីវិស័យតម្រង់ទិសក្នុងគោលដៅជាក់លាក់ គ្រប់ផ្នែក គ្រប់ជ្រុង នៃចតុកោណ គឺយើងមាន អភិបាលកិច្ចល្អមូលដ្ឋានធ្វើជាស្នូល ។តែបើយោងតាមសេចក្តីរាយការណ៍នេះបង្ហាញថា៖ចំណុចស្នូលនៃយុទ្ធសាស្ត្រចតុកោណគឺអភិបាលកិច្ចល្អប្រឆាំងនិងអំពើពុករលួយហាកបីដូចជាមិនសូវបានអនុវត្តន៍បានល្អឡើយ៕