សាលាខេត្តបាត់ដំបង នារសៀលថ្ងៃទី ២៥ ខែ សីហា ឆ្នាំ២០១៤ បានរៀបចំកិច្ចប្រជុំប្រគល់ទំនប់កង្ហត មកអោយមន្ទីរធនធានទឹក និង ឧតុនិយម និងអាជ្ញាធរខេត្តបាត់ដំបង ជាគ្រប់គ្រង និងថែរក្សាវិញ ក្រោមអធិបតីភាព ឯកឧត្តម វេង សាខុន រដ្ឋលេខាធិការក្រសួងធនធានទឹក និង ឧតុនិយម ឯកឧត្តម សុខ គង់ អភិបាលរង នៃគណៈអភិបាលខេត្តបាត់ដំបង និងមានការចូលរួមពីមន្ត្រី អង្គភាព ពាក់ព័ន ជ្ធាច្រើនរូបទៀត។
មានប្រសាសន៍ក្នុងកិច្ចប្រជុំនោះ ឯកឧត្តម វេង សាខុន រដ្ឋលេខាធិការក្រសួងធនធានទឹក និងឧតុនិយម ឱ្យដឹងថាៈ ក្រសួងបានស្នើរ អោយអាជ្ញាធរខេត្ត រៀបចំបង្កើតគណៈកម្មាការមួយដើម្បីជួយការពារ ថែរក្សា ទំនប់កង្ហតឱ្យបានល្អព្រោះទំនប់នេះ អាចស្តុកទឹកជានជាង ២៦០០ ម៉ែត្រគូប(ជាងពីរពាន់ប្រាំមួយរយម៉ែត្រគូប) និងអាចស្រោចស្រពបានលើ ៣ ស្រុក គឺស្រុកមោងឬស្សី ស្រុកសង្កែ និងស្រុកគាស់ក្រឡ។
ឯកឧត្តមរដ្ឋលេខាធិការ មានប្រសាសន៍ទៀតថាៈ ការពង្រីកប្រព័ន្ធធារាសាស្ត្រពីទំហំតូចៗទៅជាទំហំធំៗនេះ វាជាវិធានការយូរអង្វែង ដូចនេះក្រសួងធនធានទឹក ស្នើរអោយអាជ្ញាធរខេត្ត និងមន្ទីរធនធានទឹកខេត្ត ត្រូវយកចិត្តទុកដាក់ ថែរក្សាឱ្យបានគង់វង្ស និងត្រូវលើកគំរោងឱ្យ បានហ្មត់ចត់ ហើយថ្នាក់ដឹកនាំទាំង ពីរត្រូវជួយដោះស្រាយឱ្យបានទាន់ពេលនូវរាល់បញ្ហា នានាដែលកើតមាន
ឯកឧត្តមមានប្រសាសន៍បញ្ជាក់ថាៈ ទំនប់កង្ហតនេះជាទំនប់ទីមួយ ដែលបានធ្វើការសាកល្បង សាងសង់ ជាមួយក្រុមហ៊ុនចិន ដូចនេះថា តើក្រុមហ៊ុនចិននេះ ធ្វើបានល្អសមស្រប តាមលក្ខណៈបច្ចេកទេស ឬមួយយ៉ាងណា។ ហើយពិសេស គឺជាចំណងសាមគ្គីភាព រវាងកម្ពុជា –ចិន នឹងត្រូវរក្សាមិត្តភាព ប្រទេសទាំងពីរឱ្យមានភាពជិតស្និត ដើម្បីធ្វើជាដៃគូរ បន្ថែមទៀតទៅថ្ងៃអនាគត ៕
