រាជធានីភ្នំពេញ ៖ ជនសង្ស័យ២នាក់ធ្វើកម្មភាពវ៉ៃប្លន់យកម៉ូតូមិនបានសំរេច ត្រូវសមត្ថកិច្ចទំនប់ទឹកក្របួចបានទាំងពីរនាក់និងដកហូតម៉ូតូ១គ្រឿង ។
ហេតុការណ៍នេះកើតឡើងនៅវេលាម៉ោង១២,៣oនាទីយប់រំលងអធ្រាតឈានចូលថ្ងៃទី២៦ខែតុលាឆ្នាំ២០១៦ ស្ថិតក្នុងសង្កាត់ទំនប់ទឹក ខណ្ឌចំការមន ជនសង្ស័យទី១.ឆេង មានរាជអាយុ១៥ឆ្នាំមុខរបមិនពិតប្រាកដស្នាក់នៅភូមិបឹងប្រលឹងសង្កាត់ព្រែកប្រាខណ្ឌច្បារអំពៅ ជនសង្ស័យទី២.មានឈ្មោះ យឹម ចិត្រា ភេទប្រុសអាយុ១៥ឆ្នាំមុខរបនិងស្នាក់មិនពិតប្រាកដ ។
ជនរងគ្រោះមានឈ្មោះចិន្ដា ភេទប្រុសអាយុ១៨ឆ្នាំ មុខរបរនៅផ្ទះស្នាក់នៅផ្សារបែកចាន ។ ជនរងគ្រោះទី២ មានឈ្មោះរិទ្ធភេទប្រុស អាយុ១៩ឆ្នាំ ស្នាក់នៅស្ទឹងមានជ័យ សង្កាត់ទឹកមានជ័យ ខណ្ឌមានជ័យជនរងគ្រោះទី៣.មានឈ្មោះតា ភេទស្រីអាយុ១៦ឆ្នាំ ជាសិស្សថ្នាក់ទី១០ ស្នាក់នៅផ្ទះជួលគ្មានលេខសង្កាត់ស្ទឹងមានជ័យ ខណ្ឌមានជ័យ ។
ប្រភពពីជនរងគ្រោះបានអោយដឹងថា មុនពេលកើតហេតុជនរងគ្រោះ មានគ្នាបីនាក់បានចេញពីក្លិបថបបានបើកម៉ូតូ១គ្រឿង តាមបណ្ដោយផ្លូវ២៧១ពីត្បូងទៅជើង ចំណែកជនសង្ស័យ មានគ្នាពីនាក់ជិះម៉ូតូ១គ្រឿងម៉ាកសង់ប៊ិច ពាក់ស្លាកលេខភ្នំពេញ.1.BP.2925 បានតាមពីក្លិបមករហូតដល់មុខមុន្ទីររុស្សី បានធ្វើសកម្មភាពយកដំថ្មគប់វ៉ៃប្លន់តែមិនបានសំរេច ត្រូវជនរងគ្រោះស្រែកចោរ ខណៈពេលនោះ សមត្ថកិច្ចកំពុងតែល្បាតផងនោះក៏បានដេញចាប់ប្រផាប់ប្រភីង ធ្វើការចាប់ខ្លួនបានរហូតដល់ស្ពានច្បារអំពៅ ទើបឃាត់ខ្លួនបានទាំង២នាក់និងដកហូតម៉ូតូ១គ្រឿងផងដែរ ។
បច្ចុប្បន្ន ជនសង្ស័យនិងម៉ូតូជាមធ្យាបាយរបស់ជនសង្ស័យ ត្រូវនាំខ្លួនមកអធិការដ្ឋានចំការមន ដើម្បីឃុំខ្លួនបណ្ដោះអាសន្ន និងធ្វើកំណត់ហេតុបញ្ជូនទៅតុលាការ ចាត់ការតាមផ្លូវច្បាប់។ ចំណែកជនរងគ្រោះក៏បានទៅដាក់ពាក្យបណ្ដឹងរួចរាល់ហើយដែរ៕
