ខេត្តមណ្ឌលគិរី៖ ក្រោយពីរដូវបុណ្យភ្ជំបានចប់លោក អធិការនគបាលស្រុក កោះញែក បានចាត់ការដោះស្រាយបណ្តឹង១អំពីករណី”ប៉ុនប៉ងមនុស្សឃាតដោយចេតនាមិនបានសម្រេច” ដោយបានកោះហៅជនសង្ស័យ២នាក់ដែលជាប់ពាក់ពន្ធនឹងករណីខាងលើទៅធ្វើការសួរនាំនៅអធិការដ្ឋាននគបាលស្រុកកោះញែកគិតចាប់ពីថ្ងៃទី២~៣ខែតុលាឆ្នាំ២០១៦ នេះបន្ទាប់ពីជនសង្ស័យទាំង២នាក់បានរងចោទប្រកាន់បានប្រព្រឹត្តកាលពីយប់ម៉ោងជាង៨ថ្ងៃទី១ខែ~ឆ្នាំដដែល។
លោក ឃ្លូត ឃា អធិការនគបាលស្រុកកោះញ៉ែក បានប្រាប់អោយព័ត៌មាន ដឹងនៅរសៀលថ្ងៃទី០៣ខែតុលានេះថា “ក្រោយពីលោកបានទទួលបណ្តឹងពីជនរងគ្រោះ ឈ្មោះទូច ហាត ភេទប្រុសបុគ្គលិក ព័ត៌មាន យុវជនខ្មែរព័ត៌មាន កាលពីថ្ងៃទី១ខែតុលាឆ្នាំ២០១៦រួចមក គឺលោកបានយោងតាមបណ្តឹងជាលាយលាក់អក្សផង និងបណ្តឹងផ្ទាល់មាត់ពេលកើតហេតុភ្លាមនោះផង។ ដូចនេះជនសង្ស័យ២នាក់ គឺទី១មានឈ្មោះ ខៀវ ដេវិត ភេទប្រុសនិងម្នាក់ទៀត ឈ្មោះភាព ភេទ ប្រុស អ្នកទាំង២មានទីលំនៅភូមិ រង្សី ឃុំ ស្រែសង្គម ស្រុក កោះញ៉ែក ខេត្តមណ្ឌលគិរី ដើម្បីហៅអោយចូលខ្លួនមកធ្វើការសួរនាំ”។
លោក អធិការនគបាលស្រុកកោះញែក បានបន្តដែរថា”ជនសង្ស័យ គឺកំលាំងជំនាញបានធ្វើការហៅអោយចូលខ្លួនមកដើម្បីធ្វើការសួរនាំអស់រយៈពេល២ថ្ងៃកន្លងមកហើយ តែជនស្ស័យទាំងនាក់ និងជនរងគ្រោះនៅមិនទាន់បានធ្វើការសម្របសម្រួលជាមួយគ្នាបាននៅឡើយនោះ។ តែលោកបញ្ជាក់ថានីតិវិធីលោកបានធ្វើការស៊ើបអង្កេតតាមជំនាញចប់ហើយនោះនឹងបញ្ជូនទៅស្នងការខេត្តដើម្បីចាត់បន្តទៀត”។ តែអ្វីដែលជាទឡ្ហីកម្ម មួយនៃអង្គហេតុឈានទៅការកំណត់ត្រានៃពន្លឺ បទល្មើសនោះគឺ ស្ត្រីម្នាក់ជាភរិយារបស់ជនសង្ស័យ ២នាក់នោះក្នុងចំណោម ម្នាក់ បាននិយាយប្រាប់ទៅលោក ទូច ហាចនិងនៅជុំជាមួយលោកអធិការនគបាលផងដែរនោះដោយ អះអាងថា”បានជាប្តីរបស់គេវាយ មកពី លោក ទូច ហាច (ព័ត៌មាន)បានយកដៃចង្អុលមុខប្តីរបស់គេ”។
ថ្វីត្បិតតែ ជនសង្ស័យក្នុងអំពើខាងលើ មកទល់នឹងម៉ោងជាង៤ល្ងាចថ្ងៃទី៣ខែតុលានេះ មិនទាន់ត្រូវបានខាងកំលាំងជំនាញនគរបាលព្រហ្មទណ្ឌស្រុក កោះញែក អាចប្រាប់បានថាចំណាត់ការយ៉ាងដូចម្តេច អោយខាងព័ត៌មានយើងបានដឹងនៅឡើយទេ! ប៉ុន្តែ អ្នកសារព័ត៌មានយើងនិងមន្ត្រីមួយចំនួន ដែលបានឃ្លាំមើលពីដំណើរហេតុនៃករណីបទល្មើសខាងលើគឺបានអោយដឹងពីតម្រុយពន្លឺនៃធាតុផ្សំដែលបង្ហាញពីការពិតនៃបទល្មើសនោះមួយចំនួនទៅហើយ។
អ្នកសារព័ត៌មានយើង រងចាំមើលថា”តើ ជុំវិញករណី ជនសង្ស័យ បានបើកវ៉ារថយន្តហើយបន្តយករថយន្តពាំងនៅពីមុខរថយន្តអ្នកកាសែតយុវជនខ្មែរព័ត៌មាន លើផ្លូវជាតិលេខ៧៦Aហើយនាំបក្សពួកខ្លួនវាយដុំ និងទាញកាំបិតដេញកាប់បំរ៉ុងផ្តាច់ជីវិតថែមទៀតកាលពីពេលវេលាដូចខាងលើនោះ មន្ត្រីនគបាលយុត្តិធម៌ នៃស្រុកកោះញែក និងខេត្ត រួមទាំង អយ្យការអមសាលាដំបូងខេត្តមណ្ឌលគិរីនឹងបន្តនីតិវិធីយ៉ាងណាចំពោះជនសង្ស័យទាំង២នាក់ខាងលើនោះទេ?”៕
ដោយ ទិត ឦសាន
