ខេត្តក្រចេះ៖ កម្លាំងនគរបាលការិយាល័យប្រឆាំងគ្រឿងញៀនខេត្តក្រចេះនឹងបញ្ជូនជនសង្ស័យពីរនាក់ម្ដាយនិងកូនប្រុសបង្កើត ពាក់ព័ន្ធជួញដូរគ្រឿងញៀននឹងវត្ថុតាងមួយចំនួនទៅកាន់តុលាការនៅព្រឹកថ្ងៃទី០៩ខែកញ្ញាឆ្នាំ២០១៦នេះ។
លោក គង់ ស៊ីដនប្រធានការិយាល័យប្រឆាំងបទល្មើសគ្រឿងញៀននៃស្នងការនគរបាលខេត្តក្រចេះ បានបញ្ជាក់អោយដឹងថាកម្លាំងរបស់លោកបានចុះបង្ក្រាបនឹងឃាត់ខ្លួនជនសង្ស័យពីរនាក់ម្តាយនឹងកូនបង្កើតនៅសង្កាត់អូរឫស្សីក្រុងក្រចេះកាលពីយប់ថ្ងៃទី៧ ខែកញ្ញា ឆ្នាំ២០១៦ ។
ជនសង្ស័យជាម្តាយមានឈ្មោះ សូ គឹមស៊ាន ភេទស្រី អាយុ៧៧ឆ្នាំ ជាមុខសញ្ញាជួញដូរគ្រឿងញៀនដ៏សកម្មនៅក្នុងសង្កាត់អូរឬស្សី និងតាំងជាយូរណាស់មកហើយ និងជនសង្ស័យម្នាក់ទៀតឈ្មោះ ហាក់ ប៊ុនធឿន ភេទប្រុស អាយុ ៤០ឆ្នាំ ត្រូវជាកូនប្រុសបង្កើត មុខរបរមិនពិតប្រាកដ ជនសង្ស័យពីរនាក់ម្តាយនិងកូន មានទីលំនៅ នៅចំនុចកើតហេតុខាងលើ ។
ក្នុងករណីចុះបង្ក្រាប់មុខសញ្ញាជួញដូរគ្រឿងញៀន នៅក្នុងសង្កាត់អូរឬស្សី សមត្ថកិច្ចដកហូបបានវត្ថុតាំងរួមមាន៖ ម្ស៉ៅក្រាមពណ៌សតូចធំ ១០កញ្ចប់ ម៉ូតូហុងដាឌ្រីមសេរីសង់ឆ្នាំ២០១៦ មួយគ្រឿង និងសម្ភារប្រើប្រាស់មួយចំនួន ។
បច្ចុប្បន្ន ជនសង្ស័យខាងលើ ត្រូវបានឃាត់ខ្លួនបណ្តោះអាសន្ននៅការិយាល័យប្រឆាំងបទល្មើសគ្រឿងញៀនខេត្ត នឹងកំពុង កសាងសំនុំរឿង បញ្ជូនជនសង្ស័យពីរនាក់ម្តាយនឹងកូនទៅកាន់សាលាដំបូងខេត្តក្រចេះនៅព្រឹកថ្ងៃទី០៩ ខែកញ្ញាឆ្នាំ២០១៦ដើម្បីចាត់ការទៅតាមនីតិវិធីច្បាប់ ៕
