ភ្នំពេញ៖ បុរសម្នាក់ត្រូវបានកម្លាំងសមត្ថកិច្ចខណ្ឌ សហការជាមួយកម្លាំងសមត្ថកិច្ចប៉ុស្តិ៍ បានធ្វើការឃាត់ខ្លួន ក្រោយពីបុរសខាងលើបានចាប់រំលោភសេពសន្ថវៈ កាលពីវេលាម៉ោង ៥និង៣០នាទីល្ងាច ថ្ងៃទី០៤ ខែកញ្ញា ឆ្នាំ២០១៦ ដែលស្ថិតនៅចំណុចផ្ទះសំណាក់យីហោ លីម គីម១៦៨ ផ្លូវលេខ៥៩៨ ក្រុម១២ ភូមិទួលគោក សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ ។
ជនសង្ស័យដែលសមត្ថកិច្ចឃាត់ខ្លួនមានឈ្មោះ ឡូញ ឡាង ហៅឆើត ភេទប្រុស អាយុ ៤៤ឆ្នាំ ជនជាតិខ្មែរ មុខរបរ កម្មកររោងចក្រផលិតចំណីសត្វ ស្នាក់នៅភូមិស្លែង ឃុំជីលាស់ ស្រុកពញាឮ ខេត្តកណ្តាល ។ ចំណែកឯជនរងគ្រោះមានឈ្មោះ សាត សុភ័ក្រ ហៅស្រីម៉ៅ ភេទស្រី អាយុ ២០ឆ្នាំ ជនជាតិខ្មែរ មុខរបរ កម្មកររោងចក្រផលិតចំណីសត្វ ស្នាក់នៅភូមិពាម ឃុំសំបូកមាស ស្រុកមុខកំពូល ខេត្តកណ្តាល ។
បើតាមប្រភពព័ត៌មានពីសមត្ថកិច្ចបានឲ្យដឹងថា នៅមុនពេលកើតហេតុ ជនរងគ្រោះបានខ្ចីប្រាក់ពីជនសង្ស័យចំនួន ៥០ដុល្លា ដោយបានខ្ចី ៤ទៅ៥ថ្ងៃមកហើយ ដោយនៅល្ងាចថ្ងៃអាទិត្យ ជនសង្ស័យ ហើយនឹងជនរងគ្រោះ បានចេញពីធ្វើការ រួចជនរងគ្រោះក៏បានសួរទៅជនសង្ស័យម្តងទៀតថា មានប្រាក់នៅ តែជនសង្ស័យបាននិយាយទៅវិញថា រូបគេមិនមានប្រាក់ដល់ ៥០ដុល្លាទេ ខណៈនោះ ស្រាប់តែជនរងគ្រោះបានខ្ចីប្រាក់ត្រឹមតែ ១០ដុល្លា ហើយជនសង្ស័យបានសួរទៅជនរងគ្រោះថា តើខ្ចីប្រាក់យកទៅធ្វើអ្វី? ពេលនោះ ជនរងគ្រោះបាននិយាយប្រាប់ថា រូបគេខ្ចីប្រាក់យកទៅដើរលេង ជាមួយសង្សាររបស់ខ្លួន ភ្លាមៗនោះ ជនសង្ស័យក៏និយាយថា ចឹងទៅដើរលេងជាមួយគេមួយយប់ទៅ ក្រោយមកជនរងគ្រោះក៏យល់ព្រមជាមួយជនសង្ស័យ ហើយក៏បាននាំគ្នាទៅញុំាស៊ុបជាមួយគ្នា ។ ក្រោយពីញុំាស៊ុបរួចមក ជនសង្ស័យក៏បានបបួលជនរងគ្រោះទៅជក់គ្រឿងញៀន តែជនរងគ្រោះមិនចេះជក់ទេ ក៏បានចាប់បង្ខំជនរងគ្រោះអោយជក់ រួចមកជនសង្ស័យ ក៏បានបបួលជនរងគ្រោះចូលទៅផ្ទះសំណាក់ ហើយបានធ្វើសកម្មភាពរំលោភបានសម្រេច ។
ក្រោយពីរំលោភបានសម្រេចរួចមក ក៏បានសួរទៅជនរងគ្រោះថា ធ្លាប់មានសង្សារប៉ុន្មាននាក់ហើយ ដោយជនសង្ស័យរំលោភទៅមិនមានភាពបរិសុទ្ធសោះ រួចជនសង្ស័យក៏បានចូលទៅក្នុងបន្ទប់ទឹក នៅពេលដែលជនសង្ស័យចេញពីបន្ទប់ទឹកវិញ ស្រាប់តែមិនបានឃើញទូរស័ព្ទរបស់ខ្លួនដាក់នៅលើកទូរទស្សន៍ទេ ។ ក្រោយមកក៏បានសួរទៅជនរងគ្រោះថា មានយកទូរស័ព្ទដៃរបស់គេទេ ភ្លាមៗនោះ ជនរងគ្រោះបានរត់ចុះពីលើផ្ទះសំណាក់មកក្រោម ហើយត្រូវបានសន្តិសុខយាមនៅផ្ទះសំណាក់នោះ សួរថាមានរឿងអី្វ ទើបជនរងគ្រោះបាននិយាយប្រាប់ថា មានគេចាប់រំលោភ រួចក៏បានឌុបជនរងគ្រោះចេញទៅក្រៅ ។ ក្រោយមកជនសង្ស័យក៏បានសួរនាំទៅម្ចាស់ផ្ទះសំណាក់ថា ហេតុអ្វីបានជាជនរងគ្រោះចេញពីបន្ទប់ ភ្លាមៗនោះ ស្រាប់តែជនរងគ្រោះបានត្រឡប់មកវិញ ហើយជនសង្ស័យបានសួរទៅជនរងគ្រោះថា មានយកទូរស័ព្ទរបស់គេដែលទេ ភ្លាមៗនោះ ជនរងគ្រោះបាននិយាយទៅវិញថា ខ្ញុំមិនបានយកទូរស័ព្ទ រួចក៏បានបោះសោម៉ូតូទៅអោយជនសង្ស័យវិញ តែត្រូវបានសន្តិសុខយាមផ្ទះសំណាក់ចាប់យកសោម៉ូតូនោះ និងបានឃាត់ខ្លួនជនសង្ស័យខាងលើទុក រួចបានរាយការណ៍ទៅសមត្ថកិច្ចមូលដ្ឋាន អោយចុះមកដល់កើតហេតុ ។
ក្រោយពីសមត្ថកិច្ចបានចុះមកដល់កន្លែងកើតហេតុហើយនោះ បានសួរនាំជនរងគ្រោះ និងបានឃាត់ខ្លួនជនសង្ស័យខាងលើ យកមកប៉ុស្តិ៍នគរបាលរដ្ឋបាលទួលសង្កែ ដើម្បីធ្វើការសួរនាំ ។ បច្ចុប្បន្នជនសង្ស័យខាងលើ ត្រូវបានសមត្ថកិច្ចចាប់បញ្ជូនខ្លួនទៅឃុំជាបណ្តោះអាសន្ន នៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងបញ្ជូនទៅកាន់តុលាការ ចាត់ការតាមនិតិវិធីច្បាប់ ៕
