កំពង់ឆ្នាំង ៖ តាមសេចក្តីរាយការណ៍ពីប្រជាពលរដ្ឋដែលប្រកបរបរនេសាទល័ក្ខណៈគ្រួសារ ស្រុកកំពង់លែង ខេត្តកំពង់ឆ្នាំង បានប្រាប់ភ្នាក់ងារយកពត៌មានយើងដឹងថា របាំងលបរ៉ាវ(ត)រាប់ពាន់ម៉ែតក្រឡាញឹកនៅរដូវបិទនេសាទជាច្រើន ខ្សែ ស្ថិតនៅចំណុច ព្រែកគូរ កាម៉ាល់ ដូនតី គន្លង100 វាលភក់ ចុងផ្លូវទូក ព្រែកលួង កោះអ្នកតា សាលាថ្ម ព្រែកស្លត កោះទន្លា បាយឆៅ ថ្នល់ឈើទាល ប្រឡាយមាសស្ថិត ក្នុង ឃុំ ផ្លូវទូក និងឃំុប្រឡាយមាស ស្រុក កំពង់លែង ខេត្តកំពង់ឆ្នាំង ដោយពុំមានឃើញខាងអាជ្ញាធរមាមសមត្តកិច្ចធ្វើការបង្ក្រាប និង ទប់ស្កាត់ឡើយ មិនតែប៉ុណ្ណោះ បាន បណ្ដែតបណ្ដោយ ឲ្យបទល្មើសនេសាទ របាំងលបរ៉ាវ(ត)ដាក់ រាយ ពាស ពេញវាល ទំនាប ផ្ទៃទឹក យ៉ាងអណាធិបតេយ្យ។
សេចក្តីរាយការបន្តទៀតថា បើយោងតាមសម្ដីម្ចាស់របាំងលបរ៉ាវ(ត)នៅចំណុច ខាងលើ ដែលសុំមិនបញ្ចេញឈ្មោះ បានប្រាប់ភ្នាក់់ងារ យើង អោយដឹងថា ជារៀងរាល់ឆ្នាំ មានម្ចាស់ទូកឌុក យឿរទិញត្រី ឈ្មោះផល្លា ឈ្មោះប្រុស ឈ្មោះខន ឈ្មោះលីន ឈ្មោះធីកុយ ឈ្មោះហន ឈ្មោះគួយ ឈ្មោះរស់ ឈ្មោះខៀវ គៀន ជាអ្នករត់ការ ប្រមូលលុយ ពីម្ចាស់របាំង ក្នុងមួយខ្សែចាប់ពី2លានទៅ4លានរៀល ដើម្បីយកទៅ ដោះស្រាយ ស្ថាប័នជលផល ជាថ្នូរនឹងការមិនបង្ក្រាប ផ្ទុយពីអនុសាសន៍៧ចំណុចរបស់សម្តេចតេជោហ៊ុនសែន។
ពាក់ព័ន្ធ ករណីខាងលើនេះមិនអាច សុំការបំភ្លឺពីលោក ពំុ សុផល នាយសង្កាត់រដ្ឋបាលជលផលស្រុកកំពង់លែង លោក តាត សីហាក់នាយផ្នែករដ្ឋបាលជលផលខេត្តកំពង់ឆ្នាំងលោក ម៉ម សាម៉ុន រងខណ្ឌបាលជលផលខេត្តកំពង់ឆ្នាំង លោក សោម ភារុណ នាយខណ្ឌរដ្ឋបាលជលផលខេត្តកំពង់ឆ្នាំង លោកចេងញ៉ាន់ អភិបាលរងខេត្តកំពង់ឆ្នាំងបានទេនៅថ្ងៃនេះ៕ រីភារិទ្ធិ
