សៀមរាប៖ លោកDavid Jaya Piot តំណាង ឱ្យក្រុមហ៊ុន Kulen Elephant For est បានឱ្យដឹងនៅថ្ងៃ២៧ វិច្ឆិកានេះថា៖ អស់រយៈពេលច្រើនឆ្នាំ គឺចាប់ពីឆ្នាំ១៩៩៨មក សត្វដំរីរបស់ក្រុមហ៊ុន លោកបានចូលរួម ចំណែក យ៉ាងសកម្មក្នុងការបម្រើវិស័យទេសចរណ៍ នៅរមណីយដ្ឋានអង្គរ។ សត្វដំរីទាំងនោះ មិនត្រឹមតែផ្តល់នូវភាពទាក់ ទាញដ៏អស្ចារ្យ ក្នុងការផ្តល់សេវាកម្មសម្បូរបែបក្នុងរមណីយដ្ឋានអង្គរប៉ុណ្ណោះទេ ថែម ទាំងបានបន្សល់ទុកនូវអនុស្សាវរីយ៍ជា ច្រើន ដល់ភ្ញៀវជាតិ និងអន្តរជាតិ។
ក្នុងបរិបទថ្មីនៃការអភិវឌ្ឍវិស័យទេស ចរណ៍ ក៏ដូចជា ដើម្បីលើកកម្ពស់ជីវិត នៃការ រស់នៅបែបធម្មជាតិរបស់សត្វដំរី ក្រុម ហ៊ុន Kulen Elephant Forest ដែលជាអ្នកគ្រប់គ្រង សត្វដំរីទាំងនោះ កាលពីឆ្នាំ២០១៩ បានធ្វើការដឹកជញ្ជូនសត្វដំរីចេញពីរមណី យដ្ឋានអង្គរ សំដៅបញ្ឈប់សកម្មភាពអាជីវកម្មក្នុងការយកសត្វដំរី ផ្តល់ជាសេវាដឹកជញ្ជូនភ្ញៀវទេសចរ កម្សាន្តក្នុងរមណីយដ្ឋានអង្គរ ដោយឱ្យពួកវាទៅរស់នៅក្នុងព្រៃបែបធម្ម ជាតិ ដែលនេះ គឺជាវិថីជីវិតមួយថ្មី របស់ពួកវា ហើយទីតាំងគឺស្ថិតនៅភូមិបុស្សធំ ឃុំខ្នារ ពោធិ៍ ស្រុកសូទ្រនិគម ខេត្តសៀមរាប លើផ្ទៃដីចំនួន ២១៥ហិកតា ក្នុងនោះផ្ទៃដីរបស់ក្រុម ហ៊ុនចំនួន ១៥ហិកតា និងផ្ទៃដីព្រៃសហគមន៍របស់រដ្ឋចំនួន ២០០ហិកតា។
លោកបានបន្តថា៖ បច្ចុប្បន្ននេះ ក្រុម ហ៊ុន Kulen Elephant Forest មានសត្វដំរីចំនួន ១៣ក្បាល ដែលមានអាយុចាប់ពី៣០ឆ្នាំ ទៅជាង៦០ឆ្នាំ មានឈ្មោល២ ញី១១ ហើយបាន រស់នៅតាមបែបធម្មជាតិ របស់ពួកវាដោយមិនចាំបាច់ដឹកភ្ញៀវទេសចរដូចពីមុន នោះទេ។
លោកបន្តថា៖ ការមករស់នៅក្នុងព្រៃរបស់សត្វដំរីទាំងនេះ គឺនៅតែផ្តល់នូវភាពទាក់ ទាញភ្ញៀវទេសចរ ហើយភ្ញៀវទេសចរ នឹងបានឃើញនូវអ្វីដែលជាភាពជាក់ស្តែង នៃការរស់ នៅដោយសេរីភាព បែបធម្មជាតិរបស់ដំរី ជាពិសេសវាចេះស្រលាញ់គ្នា ចេះប្រច័ណ្ឌគ្នាដូច មនុស្សដែរ។ ប៉ុន្តែបច្ចុប្បន្ននេះ ពុំមានភ្ញៀវទេសចរអន្តរជាតិទៅទស្សនាសត្វដំរីទាំងនេះទេ ដោយសារតែបរិបទកូវីដ-១៩ ទើបពុំសូវមានភ្ញៀវទេសចរចេញដើរកម្សាន្ត។ លោក David Jaya Piot បានបញ្ជាក់ថា កាលពីមករស់នៅកន្លែងថ្មីនេះ ដំបូងយើង មានសត្វដំរីចំនួន១៤ក្បាល តែវាបានស្លាប់អស់១ក្បាល ដោយសារតែវាមានវ័យចំណាស់ រហូតដល់ជាង៧៥ឆ្នាំហើយ ដើម្បីឱ្យចំនួនសត្វដំរីមានចំនួនកើនឡើងវិញ។លោកក៏មានបំណង ធ្វើការបង្កាត់ពូជសត្វដំរីដែរ។ ប៉ុន្តែដោយសារតែវិបត្តិកូវីដ-១៩បានធ្វើឱ្យអ្នកជំនាញបរទេសមិនអាចមកបាន និងខ្វះសម្ភារបច្ចេកទេសផងនោះ បានធ្វើឱ្យគម្រោង នេះត្រូវបានពន្យារ ពេលមួយរយៈ សិន ៕
===========
លោក ឃួង ស្រេង៖ រដ្ឋបាលរាជធានីភ្នំពេញ ចាប់ផ្តើមលើកផែនការអភិវឌ្ឍស្ថានីយបូមទឹកបឹងទំពុនបន្ថែមទៀត ដើម្បីបញ្ជៀសការលិចលុង ដោយជំនន់ទឹកភ្លៀង
ភ្នំពេញ៖ រដ្ឋបាលរាជធានីភ្នំពេញ ចាប់ផ្តើមលើកផែនការអភិវឌ្ឍស្ថានីយបូមទឹកបឹងទំពុនបន្ថែមទៀត ដើម្បីបង្កើនសមត្ថភាពរំដោះការជន់លិចដោយជំនន់ទឹក ភ្លៀងនៅរដូវវស្សាខាងមុខ ។
រដ្ឋបាលរាជធានីភ្នំពេញ បានដាក់ផែនការបំពាក់ម៉ាស៊ីនបូមទឹកថ្មីទំហំ១ម៉ែត្រកន្លះ១ គ្រឿង និងទំហំ១ម៉ែត្រ២តឹកចំនួន២គ្រឿង រួមទាំងការស្តារប្រឡាយទឹកឱ្យកាន់តែធំ និង ជីកបុកស៊ីផាយអមសងខាងប្រឡាយ នៅស្ថានីយបូមទឹកបឹងទំពុន ដើម្បីពន្លឿនការបូមទឹកឱ្យបានលឿន បញ្ចៀសនូវការលិចលង់ដោយជំនន់ទឹកទឹកភ្លៀងនៅឆ្នាំក្រោយៗទៀត ។
ការសម្រេចលើកផែនការបំពាក់ម៉ាស៊ីបូមទឹកថ្មីរួមទាំងការស្តារប្រលាយនៅស្ថានីយបូមទឹកបឹងទំ ពុងនេះ បានធ្វើឡើងនៅក្នុងកិច្ចប្រជុំពីការអភិវឌ្ឍស្ថានីយបូមបឹងទំពុន នៅព្រឹកថ្ងៃទី ២៧ ខែវិច្ឆិកា ឆ្នាំ២០២០ នៅសាលារាជធានីភ្នំពេញ បន្ទាប់ពីឆ្នាំនេះស្ថានភាពទឹកភ្លៀងធ្លាក់ខ្លាំងរួមទាំងសមត្ថភាពបូមទឹកនៅ មាន កម្រិតបានធ្វើឱ្យតំបន់មួយចំនួនរងការជន់លិចដោយសារជំននទឹកភ្លៀង ដែលបង្កការរំខានដល់ជីវភាព រស់នៅរបស់ប្រជាពលរដ្ឋ។
លោក ឃួង ស្រេងអភិបាលរាជធានីភ្នំពេញ បានមានប្រសាសន៍ថា ស្ថានីយបូមទឹកបឹងទំពុន នេះបានទទួលទឹកពីផ្ទៃរងទឹកភ្លៀងជាច្រើន ដូចជាហូរពី បឹងសាឡាង តំបន់ម៉ុងឌីយ៉ាល់ ផ្លូវ២៦១ សង្កាត់ទឹកល្អក់៣ខណ្ឌទទួលគោក តំបន់លូប្រាំ ស្ទឹងមានជ័យ និងមួយផ្នែកទៀតនៃខណ្ឌពោធិសែនជ័យ ដូច្នេះទាមទារឱ្យមានការអភិវឌ្ឍឡើងវិញដើម្បីមានសមត្ថភាពរំដោះទឹកបានលឿន។
លោកបានបញ្ជាក់ថា អាជ្ញាធរនឹងចាប់ផ្តើមអភិវឌ្ឍន៍ស្ថានីយបូមទឹកនេះចាប់ពីដើមរដូវប្រាំង នេះតទៅដើម្បីធ្វើយ៉ាងណាកុំមានការជន់លិចដោយជំនន់ទឹកភ្លៀង នៅឆ្នាំ២០២១ ខាងមុខតទៀត។ ឯកឧត្ដមបានបញ្ជាក់ពីគោលបំណងថា៖ ថ្ងៃនេះដែលយើងបាន រៀបចំប្រជុំ ជាមួយមន្ដ្រីជំនាញ គឺដើម្បីធ្វើកិច្ចការងារ យើងបន្ថែមទៀត ទី១ត្រូវសិក្សាបន្ថែមពីស្ថានីយបូម ទី២ត្រូវរៀបចំបុកស៊ីផាយ ស្តារអាងស្តុកទឹកឡើងវិញ នេះជាចំណុចសំខាន់ធ្វើយ៉ាងណាឱ្យទឹកទៅដល់ ហើយមានទឹកបូមនៅ ស្ថានីយមានសមត្ថភាពបូមទឹកនេះទាន់ពេលវេលា ធ្វើយ៉ាងណាកុំឱ្យលិច ។
លោក សាំ ពិសិដ្ឋ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ បានមានប្រសាសន៍ថា ស្ថានភាពម៉ាស៊ីនបូមទឹកបឹងទំពុនបច្ចុប្បន្ន ដំណើរការបាន៦គ្រឿង ដែល៤គ្រឿងជាម៉ាស៊ីនចាស់អាចបូមបាន១០ម៉ែត្រគូបក្នុងមួយវិនាទី និងម៉ាស៊ីនថ្មីចំនួន២គ្រឿង អាចបូបបានចំនួន៥ ម៉ែត្រគូបក្នុងមួយវិនាទី ដែលសរុបទាំងអស់១៥ម៉ែត្រគីបក្នុងមួយវិនាទី ដូចនេះមិនបំពេញសេចក្តីត្រូវការបានឡើយ ។ លោកបានបន្តថា តាមការសិក្សាបានឱ្យដឹងថាផ្ទៃរងទឹកភ្លៀងដែលហូរទៅស្ថានីយបឹងទំពុនមានទំហំ ៣០៣២ ហិកតា ប្រសិនបើទឹកភ្លៀង៣០មីលីម៉ែត្រក្នុងមួយម៉ោង នោះចំនួនទឹកភ្លៀងនឹងកើនឡើង ជាង៩សែន ៩ពាន់ម៉ែត្រគូប ភ្លៀង៤០មីលីម៉ែត្រក្នុងមួយម៉ោង បរិមាណទឹកជាង១លាន២សែន និងប្រសិនបើភ្លៀងខ្លាំង៦០ មីលីម៉ែត្រក្នុងមួយម៉ោងនោះបរិមាណទឹកនឹងជាង១លាន៨សែន ម៉ែត្រគូប ដូច្នេះបរិមាណនេះមិនទាន់ឆ្លើយតបនឹងម៉ាស៊ីនបូមទឹកនោះទេ ។ លោកបានបន្តថា ដើម្បីដោះបញ្ហាទឹកជំនន់ទឹកភ្លៀងនៅតំបន់ស្ថានីបូមទឹកបឹងទំពុននេះ គឺត្រូវអនុវត្តវិធានការចំនួន៦ចំនុច ។ យើងមានវិធានការចំនួន៦ដើម្បីដោះស្រាយបញ្ហាទឹកនេះ ទីដ១ បង្កើនសមត្ថភាពបូមទឹក ពី១៥ ម៉ែត្រគូប ទៅ២៧ម៉ែត្រគូប ទី២ ជីកស្តារអាងស្តុកទឹកបឹងតូចទំហំ១២ហិកតាឱ្យបានជ្រៅ និងបុកស៊ីបផាយការពារ ទី៣ជីស្តារភក់សំរាមឱ្យបានជាប្រចាំ ទី៤ ជួសជុលស្ពាននៅអមសងសាងប្រ ឡាយ ទី៥ បង្កើនសមត្ថភាពបូមទឹកនៅស្ថានីយឡូប្រាំពី៨ម៉ែត្រ គូប ទៅ២០ម៉ែត្រគូប និងទី៦ ត្រូវបំពាក់ ម៉ាស៊ីនភ្លើងដែលមានកម្លាំង៣ពាន់កាវ៉េហា ដើម្បីការពារនៅពេលដាច់ចរន្តអគ្គិសនី។
សូមបញ្ជាក់ថា តាមផែនការអភិវឌ្ឍស្ថានី យបូមទឹកបឹងទំពុននេះ គ្រោងប្រើប្រាស់រយៈពេល៩ខែ ដោយ ចាប់ផ្តើមអនុវត្តចាប់ពីខែធ្នូ ឆ្នាំ២០២០នេះតទៅ៕
