ខេត្តប៉ៃលិន៖ នាព្រឹកថ្ងៃទី៤ ខែសីហា ឆ្នាំ២០១៦ មានការប្រារព្ធអង្គប្រជុំសាមញ្ញលើកទី២៧ អាណត្តទី២ របស់ក្រុមប្រឹក្សាខេត្តប៉ៃលិន ក្រោមអធិបតីភាព លោក ឡី ចាន់ឆាយ ប្រធានក្រុមប្រឹក្សាខេត្ត ,លោក កើត សុធា អភិបាលនៃគណៈអភិបាលខេត្តប៉ៃលិននិងមានការអញ្ជើញចូលរួមពីសំណាក់ សមាជិកក្រុមប្រឹក្សាខេត្តអភិបាលរងខេត្ត អភិបាលស្រុក /ក្រុងលោកប្រធានអនុប្រធានមន្ទីរ លោកមេបញ្ជាការ បញ្ជាការរង កងកំលាំងប្រដាប់អាវុធ និង ស្ថាប័នជំនាញនានាជុំវិញខេត្តផងដែរ ។
កិច្ចប្រជុំនេះមានរបៀបវារៈដូចតទៅ៖ទី១/ពិនិត្យនិងអនុម័តរបៀបវារៈកិច្ចប្រជុំសាមញ្ញលើកទី២៧។ ទី២/ពិនិត្យនិងអនុម័តកំណត់ហេតុកិច្ចប្រជុំសាមញ្ញលើកទី២៦។ទី៣/ពិនិត្យ និងអនុម័តរបាយការណ៍ស្តីពីការ អនុវត្តការងាររបស់រដ្ឋបាលខេត្តប្រចាំខែកក្តដាឆ្នាំ២០១៦។ទី៤/បញ្ហាផ្សេង។
ជាលទ្ធផលអង្គប្រជុំបានពិនិត្យ និងអនុម័តតាមរបៀបវិរៈនីមួយៗរូចមកក្រុមប្រឹក្សាខេត្តក៏បានពិភាក្សាបញ្ហា ប្រឈមផ្សេងៗ ដោយបានលើកឡើងលើបញ្ហាប្រឈមមួយចំនួននៅសេសសល់ដែលរដ្ឋបាល ខេត្តមិនទាន់ដោះ ស្រាយដូចជា៖ទី១/បញ្ហាការធ្វើរបាយការណ៏នូវតែយឺតយ៉ាវ។ទី២/បញ្ហាសំណង់អាគារធ្វើការសាងសងអត់ទាន់មាន ច្បាប់ត្រឹមត្រូវ។ ទី៣/បញ្ហាភូមិឃុំមានសុខសុវត្តិភាពនូវមានកំរិត។ បញ្ហាទី៤/បញ្ហាគ្មានអ្នកមកប្រជុំអំពីគណៈកម្មាធិការ ពិគ្រោះយោបល់ស្ត្រីនិងកុមារ។បញ្ហាទី៥/បញ្ហាមន្ត្រីមកធ្វើការងារអត់ទៀងទាន់ និងបញ្ហាអវត្តមាន។ បញ្ហាទី៦/បញ្ហាការធ្វើផែនការវិនិយោគអត់ទាន់ពេលវេលានូវតាមភូមិ/ឃុំ/ក្រុង/ស្រុង និងមន្ទីស្ថាប័នទាំងអស់។ បញ្ហាទី៧/បញ្ហាប្រជាពលរដ្ឋអត់ចូលរួមគោរពច្បាប់ចរាចរណ៍។
ទាក់ទងនិងបញ្ហាប្រឈមនានាដែលបានបានលើក ឡើងខាងលើនេះលោក កើត សុធា អភិបាលនៃគណៈ អភិបាលខេត្តប៉ៃលិនបានមានប្រសាសន៏ណែនាំដល់ មន្ត្រី ជំនាញដែលជាប់ពាក់ព័ន្ធអោយខិតខំប្រឹងប្រែងដោះស្រាយ និង ចាត់វិធាការអោយបានឆាប់រហ័សផងដែរ ។
លោកបានបន្តថា៖ គ្រប់ជំនាញស្ថាប័នជំនាញទាំងអស់បានយកចិត្ត ទុកធ្វើការបំរើសេវាជូនប្រជាពលរដ្ឋ នៅតាមមូលដ្ឋានបានល្អ ជាពិសេសត្រូវសហការ សាមគ្គីផ្ទៃក្នុងអោយបានល្អ ដើម្បីអនុវត្តយុទ្ធសាស្ត្រដំណាក់កាលទី៣របស់រាជរដ្ធាភិបាលកម្ពុជាអោយបានត្រឹមត្រូវនិងមានប្រសិទ្ធិភាព ។
លោកក៏សូមអោយមន្ទីជំនាញ ស្ថាប័នទាំងអស់ត្រូវចូលរួមប្រជុំបានជាប់ជានិច្ច ព្រោះកិច្ចកិច្ចប្រជុំនេះមានសារៈសំខាន់ណាស់ដើម្បីចូលរួមមតិយោបល់ ព្រមទាំងធ្វើបកស្រាយបំភ្លឺជូនសមាជិកក្រុមប្រឹក្សាខេត្ត និងដោះស្រាយបញ្ហាដែលលើកឡើងក្នុងន័យបំរើផលប្រយោជន៍ប្រជាពលរដ្ឋ និងរក្សាសណ្តាប់ធ្នាប់សុខសុវត្តិភាពអោយល្អផងដែរ។
ទន្ទឹមនឹងនោះ លោក ឡី ចាន់ឆាយ ប្រធានក្រុមប្រឹក្សាខេត្ត បានមានប្រសាសន៍សំដែងការកោតសរសើរដល់ ថ្នាក់ដឹកនាំខេត្ត និងអង្គភាពមន្ទីរស្ថាប័នទាំងអស់ដែលបានខិតខំអនុវត្តការងាររបស់ខ្លួនបានល្អប្រសើរ និងធានា បាននូវសន្តិសុខ សណ្តាប់ធ្នាប់សង្គមនិងការអភិវឌ្ឍន៍រីកចំរើននៅក្នុងខេត្តប៉ៃលិន។
ជាពិសេសលោកក៏បានសំណូមពរដល់គណៈអភិបាលខេត្តត្រូវពង្រឹងសមត្ថភាព ក្នុងការគ្រប់គ្រងរដ្ឋបាលអោយបានរឹងមាំ ដើម្បីឆ្លើយតបបំរើសេវាជូនប្រជាពលរដ្ឋនៅតាមមូលដ្ឋានឲ្យមានប្រសិទ្ធិភាព។ពាក់ព័ន្ធចំពោះសន្តិសុខសណ្តាប់ចរាចរណ៏លើផ្លូវសាធារណៈនៅខេត្តប៉ៃលិន លោកបានស្នើដល់សមត្ថកិច្ចពាក់ព័ន្ធត្រូវមានកិច្ចសហការគ្នាឲ្យបានល្អដើម្បីផ្សព្វផ្សាយច្បាប់ចរាចរណ៍ផ្លូវគោក អោយប្រជាពលរដ្ឋមានការយល់ដឹងគ្រប់ៗគ្នា។ទន្ទឹមនេះថ្នាក់ដឹកនាំទាំងអស់ត្រូវចុះជួប ប្រជាពលរដ្ឋនៅមូលដ្ឋានដើម្បីធ្វើការដោះស្រាយ ជូនប្រជាពលរដ្ឋអោយមាន ភាពយុត្តិធម៌ ដើម្បីអោយប្រជាពលរដ្ឋមានជំនឿជឿទុកចិត្តចំពោះអាជ្ញាធរយើង ៕
អត្ថបទ ទូច សុខន ប៉ៃលិន
