យោងតាមទិន្ន័យដែលទទួលបានពីនាយកដ្ឋានចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ នៅថ្ងៃនេះ មានគ្រោះថ្នាក់ចរាចរណ៍កើតឡើងចំនួន០៩លើក ក្នុងនោះបណ្ដាលឲ្យមនុរបួសធ្ងន់ចំនួន១១នាក់ស្រី០៣ របួសស្រាលចំនួន០៥នាក់ស្រី០១ ដែលបង្កឡើងដោយរថយន្តតូចចំនួន០៤លើក ម៉ូតូចំនួន០៤លើក រថយន្តធំ០១លើក និងបណ្ដាលឲ្យខូចខាតទ្រព្យសម្បត្តិអស់ ម៉ូតូចំនួន១៤គ្រឿង រថយន្តតូចចំនួន០៤គ្រឿង រថយន្តធំ០២គ្រឿង និងយាន្តផ្សេងៗ០១គ្រឿង។ សូមបញ្ជាក់ផងដែរថានៅថ្ងៃនៅទូទាំងប្រទេស ពុំមានអ្នកស្លាប់ដែលបណ្ដាលមកពីគ្រោះថ្នាក់ចរាចរណ៍ឡើយ នេះដំណឹងដ៏ល្អ ដែលពលរដ្ឋទូទៅទូទាំងប្រទេស ក្រសួង ស្ថាប័នពាក់ព័ន្ធ ពិសេសនាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ មានការសាទរនៅពេលហេតុការណ៍ចរាចរណ៍មានការថយចុះ គ្មានការស្លាប់កើតឡើង សូមបងប្អូនចូលរួមគោរពច្បាប់ចរាចរណ៍ផ្លូវគោក គ្រប់ពេលបញ្ជាយានយន្ត នៅលើដងផ្លូវ និងបើកបរប្រកបដោយការទទួលខុសត្រូវ ឱ្យបានគ្រប់គ្នា សង្ឃឹមថាកម្ពុជាយើងនឹងមិនអ្នកស្លាប់ ដោយសារគ្រោះថ្នាក់ចរាចរណ៍ដូចថ្ងៃនេះជារៀងរហូតទៅ៕