ក្រចេះ៖ ឈ្មួញរកស៊ីឈើម្នាក់ បើករថយន្តម៉ាក តាកូមា ទាំងស្រវឹងជោគជាំ ព្រលះជាមួយរថយន្តយីឌុប បង្ករអោយមានការភ្ញាក់ផ្អើលទាំងកណ្ដាលអធ្រាត។
ហេតការណ៍ករណីគ្រោះថ្នាក់ចរាចណ៍ខាងលើនេះ បានកើតឡើងកាលពីវេលាម៉ោង ១១និង០៥នាទីយប់ថ្ងៃទី២៤ ខែកក្កដា ឆ្នាំ២០១៦ នៅចំនុចភូមិស្រែត្រែងឃុំក្បាលដំរី ស្រុកសំបូរ ខេត្តក្រចេះ។
សមត្ថកិច្ច បានអោយដឹងថា រថយន្តបង្កម៉ាក តាកូមា ពាក់ស្លាកលេខ ភ្នំពេញ 2AC-4449 បើកបរដោយបុរសឈ្មោះ សំរិទ្ធ ចាន់អាយុ ៥១ឆ្នាំ រស់នៅភូមិព្រែកចម្លាក់ ឃុំកញ្ជរស្រុកឆ្លូង ខេត្តក្រចេះ រងរបួសស្រាល ចំណែកឯអ្នកបើកបររថយន្តយីឌុបបានរត់គេចខ្លួនបាត់ ។
សក្សីនៅកន្លែងកើតហេតុ បានអោយដឹងថា ហេតុការនេះ គឺបង្កឡើងដោយរថយន្តម៉ាក តាកូមា បើកបរដោយបុរសម្នាក់ស្រវឹងជោគជាំ ស្ថិតក្នុងល្បឿនយ៉ាងលឿន បានបើកមកបុករះគូទរថយន្តយីឌុប ដឹកធ្យុងមួយគ្រឿង ដែលឈប់នឹងនៅមួយកន្លែង នៅលើចឹញ្ចើមផ្លូវជាតិលេខ ៧អា ត្រង់ចំនុចកើតហេតុខាងលើ បណ្ដាកអោយអ្នកបើកបររថយន្ត តាកូមា របួសស្រាល។
ប្រភពច្បាស់ការ បានអោយដឹងថា ឈ្មោះ សំរិទ្ធ ចាន់ ត្រូវបានគេស្គាល់ថាជាឈ្មួញរកស៊ីដឹកជញ្ជូនឈើយ៉ាងសកម្មតាមដងផ្លូវជាតិលេខ ៧អា ចេញពីទឹកដីស្រុកសំបូរ យកទៅស្តុកទុកនៅចំនុចភូមិព្រែកចម្លាក់ ឃុំកញ្ជរ ស្រុកឆ្លូង ខេត្តក្រចេះ។
ដោយ កិះ ខន