មណ្ឌលគិរី៖ កូនដំរីព្រៃ១ក្បាល ជាប់អន្ទាក់របស់ព្រាន ត្រូវប្រជាពលរដ្ឋអាស្រ័យផលពីព្រៃឈើ ប្រទះឃើញបានរាយការណ៍ទៅមន្ទីរបរិស្ថាន នឹងអង្គការWCF ដើម្បីជួយសង្គ្រោះជីវិត កាលពីថ្ងៃ២៣កក្កដាឆ្នាំ២០១៦ រហូតដល់ព្រឹកថ្ងៃទី២៥នេះ នៅមិនទាន់នាំដល់កន្លែងសុវត្តភាពនៅឡើយទេ ដោយសារស្ថាភាពផ្លូវធ្វើដំណើរលំបាកខ្លាំង។
លោក ឈិត សុផល ប្រធានមន្ទីរបរិស្ថានខេត្តមណ្ឌលគិរី បានប្រាប់អោយដឹងថា កូនដំរីខាងលើមានអាយុប្រហែល១ឆ្នាំ ពេលនេះមន្ត្រីបរិស្ថាន នឹងមន្ត្រីរបស់អង្គរការWCFកំពុងជួយសង្រោះ។
ដោយឡែកលោក មាគ វុឌ្ឍី ប្រធានគំរោងWCFបានអោយដឹងដែរថា កូនដំរីខាងលើ ត្រូវពលរដ្ឋរាយការណ៍នៅថ្ងៃទី២៣កក្កដា លោកបញ្ជូនមន្ត្រីផ្នែកស្រាវជ្រាវទៅ ដល់កន្លែង ដែលកូនដំរីជាប់អន្ទាក់ហើយ លោកថា កូនដំរីដែលជាប់អន្ទាក់ខាងលើ វាជាប់អន្ទាក់របស់វៀតណាម វាមានអាយុប្រហែល១ឆ្នាំ វាជាប់អន្ទាក់នៅចំណុច ចន្លោះគីឡូម៉ែត៦៤ស្ថិតនៅភូមិសាស្ត្រឃុំស្រែខ្ទុមស្រុកកែវសីមា ។
លោកបន្តទៀតថា ដោយសារស្ថាភាពផ្លូវក្នុងព្រៃពិបាកធ្វើដំណើរនៅថ្ងៃទី២៥ កក្កដា ឆ្នាំ២០១៦នេះ នៅមិនទាន់កមកដល់ស្នាក់អភិរក្សនៅឡើងទេ ហើយក្រោយពេលយកកូនដំរីមកស្នាក់ការ WCFនឹងបញ្ជូនទៅសួនសត្វភ្នំតាម៉ៅដើម្បីស្វែងរកអ្នកជំនាញមកព្យាបាលរបួលជើងកូនដំរីដែលសភាពហើមខ្លាំង ដែលបច្ចុប្បន្នវាដើអត់រួចទេ ៕
