ខេត្តមណ្ឌលគីរី ៖ នៅព្រឹកថ្ងៃទី១៦ខែកក្កដាឆ្នាំ២០១៦ ឯកឧត្តមស្វាយ សំអ៊ាងអភិបាលខេត្ត និងជាប្រធានសាខាកាកបាទក្រហមកម្ពុជាខេត្តមណ្ឌលគីរី មានវត្តមាន ឯកឧត្តម ចាន់ យឿនប្រធានតំណាងរាស្ត្រខេត្ត បាននាំយកទៀនវស្សា ទៅវេប្រគេនដល់ព្រះសង្ឃគង់ចាំព្រះវស្សាហ៍ចំនួន ៧ វត្តនៅក្នុងស្រុកកោះញែក ដោយក្នុងវត្តនីមួយៗទទួលបានទៀនវស្សាហ៍១គូរ អង្ករ១ការុងទឹកស៊ីអ៊ីវ ទឹកត្រី ត្រីខកំប៉ុង មី ទឹកដោះគោ ស្បង់ជីវ និងប្រាក់រៀលចំនួន (៥៦០០០០រៀល)ផងដែរ ! ។
ជាងនេះទៀតនោះ ឯកឧត្តមក៍បាននាំយកអំណោយកាកបាទក្រហមកម្ពុជាមកចែកជូនប្រជាពលរដ្ឋក្រីក្រចំនួន៤០គ្រួសារនៅក្នុងស្រុកកោះញែកខេត្តមណ្ឌលគីរី អំណោយទាំងនោះ ក្នុងមួយគ្រួសារទទួបានអង្ករ២៥គីឡូក្រាមមី១កេះទឹកស៊ីអ៊ីវ ១ យួរ សារុង១ ក្រម៉ា១ មុង១កន្ទេល១និងថវិការ (២០០០០)រៀល ។
ក្នុងឱកាសនោះ ឯកឧត្តមអភិបាលខេត្តបានមានប្រសាសន៍ថា អំណោយដែលយកមកចែកជូនបងប្អូននៅពេលនេះ គឺបានមកពីការខំប្រឹងប្រែងរបស់ សម្តចគតិបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជាដែលលោកខំយ៉ាងយកចិត្តទុក្ខដាក់ដើម្បីជួយដល់ប្រជាពលរដ្ឋជួបការលំបាក ជាពិសេសប្រជាពលរដ្ឋដែលរងគ្រោះដោយគ្រោះធម្មជាតិ៕