ក្រចេះ៖ យ៉ាងហោចណាស់មានមនុស្ស ២នាក់ ស្លាប់ នឹងរបួសធ្ងន់ នៅក្នុងហេតុការណ៍គ្រោះថ្នាក់ចរាចរណ៍មួយ បានកើតឡើងរវាង រថយន្ត បុកម៉ូតូ ក្នុងទិសដៅស្របគ្នាពីជើងទៅត្បូង បណ្តាលឲ្យស្លាប់មនុស្ស ១នាក់ប្រុស និងរងរបួសធ្ងន់មនុស្ស ១នាក់ ។
សមត្ថកិច្ច បានឲ្យដឹងថា ករណីគ្រោះថ្នាក់ចរាចនេះ កើតឡើងនៅថ្ងៃទី១២ ខែកក្កដា ឆ្នាំ២០១៦ វេលាម៉ោង ១២:៣០នាទី នៅចំណុចភូមិមានជ័យ ឃុំស្រែចារ ស្រុកស្នួល ខេត្តក្រចេះ។
រថយន្តបង្កម៉ាក ហ៊ីយ៉ាន់ដាយ ពណ៍ខៀវ ពាក់ស្លាកលេខ តាកែវ 3A.2376 អ្នកបើកបរ មិនស្គាល់អត្តសញ្ញាណ ក្រោយពេលកើតហេតុបានរត់គេចខ្លួនបាត់ បើកបរក្នុងល្បឿនយ៉ាងលឿនក៏ជ្រុលទៅបុកចំពីក្រោយម៉ូតូសណ្ដោងរម៉កឈើ បណ្ដាលអោយអ្នកបើកបរឈ្មោះ ហឿន ពៅ ភេទប្រុស អាយុ ២៤ឆ្នាំ មានទីលំនៅភូមិសំរោង ឃុំដូនតី ស្រុកពញ្ញាក្រែក ខេត្តត្បូងឃ្មុំ បានស្លាប់នៅកន្លែងកើតហេតុ ចំណែកអ្នករួមដំណើជាមួយឈ្មោះ ផន ផា ភេទប្រុស អាយុ ២៧ឆ្នាំ មានទីលំនៅជាមួយគ្នា បានរងរបួសធ្ងន់ បញ្ជូនទៅសង្គ្រោះនៅមន្ទីពេទ្យខេត្តកំពង់ចាម ។
សមត្ថកិច្ច បន្តថា ចំពោះវត្ថុតាង ម៉ូតូ និងរថយន្តបង្ក ត្រូវបានសមត្ថកិច្ចយកមករក្សាទុកនៅអធិការដ្ឋាននគរបាលស្រុកស្នួល ។ រីឯសាកសព ត្រូវបានសមត្ថកិច្ច ធ្វើការប្រគល់ជូនក្រុមគ្រួសារ និងសាច់ញ្ញាតិ បងប្អូនយកទៅធ្វើបុណ្យតាមប្រពៃណី៕
សេង ម័រ ខេត្តក្រចេះ
