រតនគិរី៖ ប្រភពប្រជាពលរដ្ឋនៅស្រុកអូរយ៉ាដាវ បានឲ្យដឹងថា មេឧក្រិដ្ឋជន ព្រៃឈើនៅខេត្តរតនៈគីរី ឈ្មោះហ៊ូវ ជីវ៉ៃ បានកំពុង នាំគ្រឿង ចក្រ៨គ្រឿងចូលទៅក្នុង ព្រៃសហគមន៍ ភូមិបាដល ឃុំអូរយ៉ាដាវ ស្រុកអូរយ៉ាដាវ ខេត្តរតនៈគិរី ដើម្បីកាប់បំផ្លាញព្រៃឈើដឹកចេញទៅ លក់នៅប្រទេសវៀតណាម ។
សកម្មភាព កាប់បំផ្លាញ ព្រៃសហគមន៍ បាដលនេៈ ត្រូវបានគេ អះអាងយ៉ាង ច្បាស់ថា គឺមានការ ឃុបឃិតពី ឈ្មោះ ប៉ិច ជាអ្នកផ្ដល់លុយឲ្យទៅប្រធាន សហគមន៍ ឈ្មោះ រចំស្មើល ចំនួនបី ម៉ឺនដុល្លារជាថ្នូរនិងការអនុញ្ញាត្តិអោយចូលកាប់ព្រៃឈើក្នុងសហគមន៍របស់គាត់។
តាមប្រភពព័ត៌មានដដែលបានបន្តទៀតថា មេឧក្រិដ្ឋជនបំផ្លាញព្រៃឈើដុះស្លែ ឈ្មោះ ហ៊ូវ ជីវ៉ៃ បានសហការណ៍គ្នា ជាមួយនិង ឈ្មោះប៉ិច ឈ្មោះ ស៊ីនឿន ដោយឈ្មោៈ ហ៊ូវ ជីវ៉ៃ ជាអ្នកនៅពី ក្រោយក្នុងការផ្តល់លុយ រីឯ ឈ្មោៈ ប៉ិច និង ឈ្មោៈ ស៊ីនឿន ជាអ្នកបញ្ចុៈបញ្ចូល ប្រធានសហគមន៍ដើម្បីអោយ មេឧក្រិដ្ឋជនព្រៃឈើឈ្មោះ ហ៊ូវ ជីវ៉ៃ នាំគ្រឿង ចក្រចូល កាប់ទន្ទ្រានក្នុងព្រៃឈើ សហគមន៍។ តាមប្រភពដដែលបានខ្សឹបប្រាប់ថា ការកាប់ទន្ទ្រាន ព្រៃឈើក្នុងសហគមន៍ស្ថិតនៅភូមិបាដល ឃុំអូរយ៉ាដាវ ស្រុកអូរយ៉ាដាវ ខេត្តរតនគិរីគឺមានរយៈពេលជាង២ខែ កន្លងមកហើយបើគិតរហូតមកពេលនេៈ។
គួរបញ្ជាក់ផងដែរថា ក្រោយពីស្ងាត់ មួយរយៈ មេឧក្រិដ្ឋជនព្រៃឈើដុៈស្លែ ឈ្មោះ ហ៊ូវ ជីវ៉ៃ កន្លងមកធ្លាប់បាន ដឹកជញ្ជូនឈើ ប្រណិតចេញទៅលក់ នៅប្រទេសវៀតណាមតាមផ្លូវគោក ឥលូវប្តូររូបភាពតាមផ្លូវទឹកវិញម្តង។មួយវិញទៀត បើយោងតាមប្រភព ព័ត៌មានបានលួចខ្សឹបប្រាប់ អ្នកសារព័ត៌មានថា មេឧក្រិដ្ឋជនបំផ្លាញ ព្រៃឈើ ឈ្មោះ ហ៊ូវ ជីវ៉ៃ នេៈ គឺមាន ខ្នងបង្អែកក្រាស់នៅពីក្រោយ ទើប មន្ត្រីជំនាញបង្ក្រាបនិងទប់ស្កាត់បទល្មើសព្រៃឈើក្នុងខេត្តរតនគិរីមិនហ៊ានជាមេឈ្មួញដុៈស្លែនេៈឡើយ។
តាមប្រភពពីប្រជាពលរដ្ឋនៅក្នុងខេត្តរតនគិរីបានលួចប្រាប់ថា បើចង់ ទប់ស្កាត់មេឈ្មួញនេៈគឺមានតែថ្នាក់ដឹកនាំថ្នាក់ជាតិដូចជា: ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាពិសេស ឯកឧត្តម សៅ សុខា មេបញ្ជាការកងរាជអាវុធហត្ថលើផ្ទៃប្រទេសទេ ដែលមេឈ្មួញដុៈស្លែនេៈខ្លប ខ្លាចព្រោះបើពឹងចៅហ្វាុខេត្តកក់ក្តៅដូចអាំងផេះចឹង។ មិនអាចសុំការបំភ្លឺពីលោក ហ៊ូវ ជីវ៉ៃ ចំពោះពតិមាននេះបាននៅឡើយទេ ។
