ភ្នំពេញ៖ នៅព្រឹកថ្ងៃទី១៤ ខែកញ្ញា ឆ្នាំ២០១៨នេះ នាយឧត្តមសេនីយ៍ សៅ សុខា អគ្គមេបញ្ជាការរង និងជាមេបញ្ជាការកងរាជអាវុធហត្ថលើផ្ទៃប្រទេស បានប្រកាសឲ្យ លោកឧត្តមសេនីយ៍ទោ ស សំបូរធនចូលកាន់តំណែង ជានាយសេនាធិការបញ្ជាការដ្ឋានកងរាជអាវុធហត្ថលើផ្ទៃប្រទេស ជំនួសនាយឧត្តមសេនីយ៍ វង្ស ពិសេន ដែលត្រូវបានតែងតាំងជាអគ្គមេបញ្ជាការ នៃកងយោធពលខេមរភូមិន្ទ។
យោងតាមសេចក្តីសម្រេចបានឲ្យដឹងថា៖លោកឧត្តមសេនីយ៍ទោ ស សំបូរធន ជានាយកមជ្ឈមណ្ឌលហ្វឹកហ្វឺនភ្នំជំរាយ បញ្ជាការដ្ឋានកងរាជអាវុធហត្ថផ្ទៃប្រទេស ត្រូវបានសម្ដេចពិជ័យសេនា ទៀ បាញ់ ចេញប្រកាសតែងតាំងមុខងារថ្មី ជានាយសេនាធិការបញ្ជាការដ្ឋានកងរាជអាវុធហត្ថលើផ្ទៃប្រទេស។
លោកឧត្តមសេនីយ៍ត្រី ហែម វុទ្ធីដែលជា ស្នងការរង ស្នងការដ្ឋានបច្ចេកទេសសន្ដិសុខ បញ្ជាការដ្ឋានកងរាជអាវុធហត្ថលើផ្ទៃប្រទេសទៅជា ជានាយកមជ្ឈមណ្ឌលហ្វឹកហ្វឺនភ្នំជំរាយ បញ្ជាការដ្ឋានកងរាជអាវុធហត្ថផ្ទៃប្រទេសវិញ៕