កំពង់ឆ្នាំង ៖ ប្រភពព័ត៌មានពីសាលាស្រុកសាមគ្គីមានជ័យបានអោយដឹងថានៅថ្ងៃទី១៣នេះក្រុមចំរុះថ្នាក់់ខេត្តមួយបានចុះមកប្រជុំដោះស្រាយរឿងទំនាស់ដីធ្លី នៅក្នុងសាលាស្រុកសាមគ្គីមានជ័យ ក្នុងរឿងប្រជាពលរដ្ឋ៧គ្រួសារ នៅក្នុងភូមិតាំងឃ្លៃ ឃុំស្វាយជុក ដែលបានដាក់ពាក្យបណ្តឹងទៅថ្នាក់លើ ដោយចោទថាលោកស្រី ប៉ែន សោភា មេឃុំស្វាយជុក ឃុបឃិតជាមួយប្រជាពលរដ្ឋនៅភូមិផ្សេងនិង ឃុំផ្សេងបានលួចលក់ដីពួកគាត់ជាង៤០ហិកតា ។
តែករណីនេះលោកស្រីប៉ែន សោភាមេឃុំស្វាយជុកបានក៏បានធ្វើរបាយការណ៍ជូនថ្នាក់លើរួចហើយថាពួកប្រជាពលរដ្ឋទាំង៧គ្រួសារនោះមិនមែនជាម្ចាស់ដីពិតប្រាកដនោះទេ រីឯម្ចាស់ដីពិតប្រាកដនោះគឺប្រជាពលរដ្ឋ៨គ្រួសារដែលមានលំនៅដ្ឋាននៅភូមិ មានោកកើតព្រមទាំង មានសិទ្ធិកាន់កាប់ស្របច្បាប់ពីលោកអភិបាលខេត្តនិង ស្ដេចតេជោហ៊ុន សែនទៀតផង។
លោកស្រីមេឃុំបានបញ្ជាក់អោយដឹងផងដែរថា ក្នុងចំណោមប្រជាពលរដ្ឋទាំង៧គ្រួសារនោះមានក្មេងម្នាក់ឈ្មោះប៉ិចស្រស់ដែលមានអាយុទើបតែ៩ឆ្នាសោះគឺឆ្នាំណើត១៩៩៣ក៏មានលិខិតកាន់កាប់ដីធ្លីចំនួន៥ហិចតាដែរ។ មានប្រជាពលរដ្ឋម្នាក់ឈ្មោះហែម ទឹម ក៏បានលក់ដីអស់ចំនួន១៨,៣ហិចតាផងដែរ និយាយរួមប្រជាពលរដ្ឋ៧គ្រួសារដែលប្ដឹងលោកស្រីមេឃុំនោះសុទ្ធតែគ្មានឯសារស្របច្បាប់ទេ(,ក្លែងឯកសារ)ព្រោះគ្មានគល់បញ្ជីនៅសាលាឃុំដើម្បីបញ្ជាក់ពីឯកសារកាន់កាប់ស្របច្បាប់ នេះបើយោងតាមរបាយការណ៍របស់លោកស្រីមេឃុំ។
បើតាមប្រជាពលរដ្ឋមន្ត្រីទាំងនោះចុះទៅអត់បានធើអីទេគឺស្តាប់តែមេឃុំបើចឹងមែននោះបង្កើតក្រុមការងារបានប្រយោជន៍អី?៕
