ភ្នំពេញ ៖ ការប្រកាសលទ្ធផលផ្លូវការនៃការប្រលងសញ្ញាបត្រមធ្យមសិក្សាទុតិយភូមិកាលពីថ្ងៃទី២០ សីហា មានអ្នកសើចនិងអ្នកយំដោយសារមានបេក្ខជនមួយចំនួនបានអះអាងថាពួកគេបានធ្វើយ៉ាងល្អលើវិញ្ញាសារគណិតវិទ្យា ប៉ុន្តែលទ្ធផលបែរជាធ្លាក់ទៅវិញ?។
ក្នុងនោះក៏មានបេក្ខជនជាសិស្សពូកែគណិតវិទ្យាលំដាប់ថ្នាក់ពិភពលោកក៏បានធ្លាក់មុខវិជ្ជាមួយនេះផងដែរ។នៅថ្ងៃទី១០កញ្ញានេះក៏មានបេក្ខជនបេក្ខជនមួយក្រុមបានប្រមូលផ្តុំគ្នានៅមុខក្រសួងអប់រំដើម្បីស្នើសុំឲ្យក្រសួងបើកសន្លឹកកិច្ចការខ្លួនធ្វើការផ្ទៀងផ្ទាត់ពិន្ទុឡើងវិញផងដែរ ។
បន្ទាប់ពីលេចនូវការ ការតវ៉ា និងការបញ្ចេញមតិលើបណ្តាញសង្គមហ្វេសប៊ុកពីភាពមិនអស់ចិត្តក្នុងរឿងនេះឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំ យុវជន និងកីឡា ក៏បានឆ្លើយតប និងប្រាប់ទៅកាន់សារព័ត៌មានថា «ក្រសួងនឹងពិនិត្យសន្លឹកកិច្ចការសិស្សដោយធ្វើកោសល្យ វិច្ច័យលើសន្លឹកកិច្ចគណិតវិទ្យារបស់បេក្ខជនតវ៉ាមួយចំនួន»។
សូមបញ្ជាក់ដែរថាលទ្ធផលប្រឡងបាក់ឌុបឆ្នាំនេះមានបេក្ខជន២៩០នាក់បានប្រឡងជាប់កំរឹតនិទ្ទេសអា(A)គឺកើនច្រើនជាងឆ្នាំមុន។ឯបេក្ខជនជាប់ និទ្ទេស Bមានចំនួន ១ ៥៣២ នាក់,បេក្ខជនជាប់ និទ្ទេស Cមាន ៤ ៦៣១ នាក់,បេក្ខជនជាប់ និទ្ទេស D មាន១៣ ៩៩៩ នាក់ ,បេក្ខជន និទ្ទេស E ចំនួន៥៤ ៦០៧ នាក់ក្នុងចំណោម បេក្ខជនប្រឡងជាប់ទូទាំងប្រទេសមានចំនូន ៧៥ ០៥៩ នាក់៕
