ភ្នំពេញ ៖ ថ្ងៃទី ៤ ខែ កញ្ញា ២០១៨ ផ្លូវដីក្រាលគ្រួសក្រហម៤ខ្សែដែលខូចខាតដោយសារទឹកលិចក្នងមូលដ្ឋានត្រូវបានអាជ្ធាធរខណ្ឌសែនសុខធ្វើការជួសជុល ដើម្បីសំរួលដល់ការធ្វើចរាចររបស់ប្រជាពលរដ្ឋ។
ក្នុងរយៈ ពេលប៉ុន្មានសប្តាហ៍កន្លងមកនេះភ្លៀងធ្លាក់ជោគជាំជាញឹកញាប់ស្ទើរតែទូទាំងប្រទេសបណ្តាលអោយមានជំនន់ទឹកភ្លៀង និងទន្លេតាមបណ្តាខេត្តនានាបង្កអោយមានការខូចខាតហេដ្ឋារចនាសម្ព័ន្ធ ផ្លូវគមនាគមន៍ ។
ដោយឡែកនៅក្នុងរាជធានីភ្នំពេញសម្រាប់ ខណ្ឌសែន សុខ ក៏ទទួលរងគ្រោះខូចខាតផ្លូវថ្នល់ក្នុងមូលដ្ឋានដោយ សារទឹកភ្លៀងធ្លាក់ជោគជាំ បណ្តាលឲ្យផ្លូវដីនៅតាមបណ្តាភូមិមួយចំនួន នៃសង្កាត់ក្រាំងធ្នង់ រងនូវការខូចខាតយ៉ាងឆាប់ យ៉ាងខ្លាំងផងដែរ ។
ដើម្បីឆ្លើយតបតាមតម្រូវការរបស់បង ប្អូនប្រជាពលរដ្ឋឲ្យទាន់ពេលវេលា ក៏ដូចជួយសម្រួលដល់ការធ្វើដំណើទៅមក ប្រកបការងារ មុខរបររកទទួលទានប្រចាំថ្ងៃ ជូនដល់ប្រជាពលរដ្ឋតំបន់នោះ នៅរយៈពេលប៉ុន្មានថ្ងៃដើមខែកញ្ញា ឆ្នាំ២០១៨នេះ លោក ម៉ូវ ម៉ានិត អភិបាល នៃគណៈអភិបាលខណ្ឌសែនសុខ បានដាក់គ្រឿងចក្រធ្វើការឈូសឆាយ ចាក់ដីបំពេញតួរផ្លូវ និងក្រាលថ្មមិច ផ្លូវចំនួន០៤ខ្សែ ស្ថិតក្នងសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ ។
ផ្លូវខ្សែទី១ នៅផ្លូវចូលសហគមន៍កិន្នរ ភូមិវិមានទ្រង់ ។ផ្លូវខ្សែទី២ ស្ថិតនៅភូមិសំរោងទាវ ។ផ្លូវខ្សែទី៣ និងទី៤ ស្ថិតក្នុងភូមិព្រៃមូល សង្កាត់ក្រាំងធ្នង់ ។
ប្រជាពលរដ្ឋមានសេចក្តីរីករាយត្រេកអរយ៉ាងខ្លាំងពេលឃើញអាជ្ញាធរយកចិត្តទុកដាក់ជួយសំរួលដល់ការលំបាក ក្នុងការធ្វើដំណើរនិងការរកទទួលទានប្រចាំថ្ងៃ ៕
