កណ្ដាល៖ ពលរដ្ឋជាច្រើនគ្រួសារ រស់នៅភូមិកោះខ្នុរឃុំព្រែករកាស្រុកកណ្ដាលស្ទឹង ខេត្តកណ្ដាល មានការព្រួយបារនម្ភចំពោះគ្រោះថ្នាក់ដែលបង្កឡើងដោយរណ្ដៅដីនិងបូមខ្សាច់មួយកន្លែងដែលបាននិងកំពុងជីកបូមស្ទើឃើញក្បាលប្រែតខុសបច្ចេកទេស មានជម្រៅជាង១០ម៉ែត្រ។
ពលរដ្ឋជាច្រើនគ្រួសារ ដែលមានដីនៅជាប់និងរណ្ដៅដីនោះ និយាយថា ទី១គាត់ខ្លាចបាក់ស្រុតដល់ដីពួកគាត់។ ទី២ខ្លាចសត្វគោក្របីពួកគាត់ធ្លាក់ចូលក្នុងរណ្ដៅដីនោះច្បាស់ជាមិនរស់ ជាពិសេសទី៣ដីពួកគាត់បើត្រូវការលក់លំបាកលក់ហើយមិនបានថ្លៃព្រោះ គ្មានអ្នកទិញដោយគេខ្លាចបាក់ស្រុត ធ្វើអីមិនកើតនេះហើយ ជា ។
ទោះជាយ៉ាងណារណ្ដៅដីនិងបូមខ្សាច់មួយកន្លែងនេះ ពលរដ្ឋបាននិយាយថា មិនដែលឃើញខាងអាជ្ញាធរ និងជុំនាញរ៉ែនិងថាមពល ចុះមកសួនាំត្រួតពិនិត្យនោះទេ ទុកឲ្យឈ្មួញជីកដីនិងបូមខ្សាច់ដោយសេរី ហើយពលរដ្ឋបានបន្តទៀតថា ប្រហែលជាមិនមានច្បាប់ទេគឺ គេបង់តែលុយក្រោមតុឲ្យមន្ត្រីជំនាញនិងអាជ្ញាធរជាការស្រេច។
ជុំវិញរណ្ដៅដីនិងបូមខ្សាច់ខាងលើ ភ្នាក់ងារសារព័ត៌មានយើងមិនទាន់បានសុំការបំភ្លឺពីខាងម្ចាស់អាជីវកម្មជីកយកអាចម៌ដីនិងបូមខ្សាច់និងជុំនាញ់ពាក់ពន្ធ័រ៉ែនិងថាមពលស្រុកកណ្ដាលស្ទឹងនៅឡើយពីព្រោះមិនស្គាល់លេខទូរសព្ទ័របស់ពួកគាត់ ។
ពលរដ្ឋទាំងនោះបានធ្វើការសំណូមពរទៅដល់ការិយាល័យរ៉ែនិងថាមពលស្រុក លោកអភិបាលស្រុកកណ្ដាលស្ទឹង ជាពិសេសឯកឧត្ដមម៉ៅ ភិរុនអភិបាលនៃគណអភិបាលខេត្តកណ្ដាល មេត្តាឯកឧត្ដមចាត់កំលាំងជុំនាញ់ចុះមកត្រួតពិនិត្យនិងមានចំណាត់ការទៅលើម្ចាស់អាជីវកម្មរណ្ដៅដីខាងលើនេះផង ៕
