អូស្ត្រាលី ៖ កញ្ញាកឹម មនោវិទ្យាកូនស្រីច្បងលោកកឹម សុខានិងលោកស្រីម៉ូសុខហួមន្ត្រីជាន់ខ្ពស់អតីតគណបក្សសង្គ្រោះជាតិ បាននិងកំពុងស្វែងរកអន្តរាគមន៍ពីរដ្ឋាភិបាលប្រទេសអូស្ត្រាលីកុំឲ្យទទួលស្គាល់រាជរដ្ឋាភិបាលសម្តេចតេជោអាណត្តិទី៦។
នៅក្នុងទឹកដីអូស្ត្រាលីតាំងពីសប្តាហ៍មុន កញ្ញាកឹម មនោវិទ្យា បានជួបជាមួយមន្ត្រីរដ្ឋាភិបាល ក្រុមសមាជិកសភាអូស្ត្រាលី និងធ្វើបទបង្ហាញនៅវិទ្យាស្ថានស៊ីដនី អំពីស្ថានភាពបោះឆ្នោតនិងលទ្ធិប្រជាធិបតេយ្យនៅកម្ពុជាដើម្បីបញ្ចុះបញ្ចូលអូស្ត្រាលី “មិនទទួលស្គាល់រដ្ឋាភិបាលថ្មីនៅកម្ពុជា បិទទិដ្ឋាការ និងបង្កកទ្រព្យសម្បត្តិរបស់មន្ត្រីជាន់ខ្ពស់រដ្ឋាភិបាលខ្មែរបច្ចុប្បន្ន” ។
កញ្ញាកឹម មនោវិទ្យា និងលោកស្រីមួរ សុខហួរ មន្ត្រីជាន់ខ្ពស់អតីតគណបក្សសង្គ្រោះជាតិ ដែលកំពុងមានវត្តមាននៅក្នុងប្រទេសអូស្ត្រាលីបានប្រាប់វិទ្យុបារាំងផ្សាយជាភាសារខ្មែរឲ្យដឹងថា កញ្ញាបានរៀបចំបញ្ជីឈ្មោះមន្ត្រីជាន់ខ្ពស់រដ្ឋាភិបាលកម្ពុជារួចរាល់ហើយ ដើម្បីដាក់ជូនរដ្ឋមន្ត្រីការបរទេសអូស្ត្រាលី គឺលោកស្រី Julie Bishop នៅថ្ងៃទី១៥ ខែសីហាពេលជួបផ្ទាល់ជាមួយលោកស្រី Julie Bishop ដើម្បីបកស្រាយពីស្ថានភាពនយោបាយនៅកម្ពុជា និងស្នើឲ្យរដ្ឋាភិបាលអូស្ត្រាលី ចាត់វិធានការបិទទិដ្ឋាការ និងបង្កកទ្រព្យសម្បត្តិមន្ត្រីកម្ពុជា ជាពិសេសគឺកុំទទួលស្គាល់រដ្ឋាភិបាលថ្មីរបស់កម្ពុជា។
សូមបញ្ជាក់ថាសម្តេចងតេជោហ៊ុនសែនកាលពីថ្ងៃទី៨សីហាពេលជួបកម្មករនៅខេត្តកំពង់ស្ពឺបានប្រកាសថាបន្ទាប់ពីរដ្ឋសភាបើកកិច្ចប្រជុំដំបូងនៅថ្ងៃទី៥ កញ្ញាក្រោមព្រះរាជអធិបតីភាពព្រះមហាក្សត្រ រដ្ឋាភិបាលថ្មីគ្រោងបង្កើតឡើងនៅថ្ងៃទី៦កញ្ញាហើយការប្រជុំគណៈរដ្ឋមន្ត្រីដំបូងត្រូវធ្វើឡើងនៅថ្ងៃទី៧ ខែកញ្ញាខាងមុខនេះមិនមែនថ្ងៃទី២០កញ្ញាដូចមុនទេ ។ ការបង្កើតរដ្ឋាភិបាលថ្មីបែបប្រញាប់ប្រញាល់ដូច្នេះ ត្រូវបានសម្តមេចនាយករដ្ឋមន្ត្រីអះអាងថា ដើម្បីអាចសម្រូលឲ្យលោកបានទៅចូលរួមមហាសន្និបាតអង្គការប្រជាជាតិនៅបុរីញូវយ៉ក សហរដ្ឋអាមេរិក នៅថ្ងៃទី២៥ ខែកញ្ញា។
នៅថ្ងៃទី៩សីហានេះដែរប្រទេសហ្វីលីពិននិងប្រទេសថៃបានផ្ញើសារគាំទ្រនិងទទួលស្គាល់រាជរដ្ឋាភិបាលសម្តេចហ៊ុនសែនជាមួយបណ្តាប្រទេសមួយចំនួនមានរុស្ស៊ីចិនជាដើមក្នុងពេលព្រទេសលោខាងលិចមានអាមេរិកបារាំងអាល្លឺម៉ង់កាណាដាសហភាពអឺរ៉ុបចាត់ទុកការបោះឆ្នោតកាលពីថ្ងៃទី២៩កក្កដាឆ្ន២០១៨ដែលលទ្ធផលគណបក្សប្រជាជនកម្ពុជាឈ្នះកាន់កាប់អសនៈសភា១០០ភាករយថាមិនឆ្លុះបញ្ចាំងឆន្ទៈប្រជាពលរដ្ឋ ។
កញ្ញាកឹម មនោវិទ្យា បង្ហាញក្តីសង្ឃឹមថា រដ្ឋាភិបាលអូស្ត្រាលីនឹងមិនទទួលស្គាល់រដ្ឋាភិបាលថ្មីនេះទេ ហើយនឹងចាត់វិធានការបិទទិដ្ឋាការ និងបង្កកទ្រព្យសម្បត្តិមន្ត្រីកម្ពុជាតាមការស្នើសុំរបស់កញ្ញា។ បើតាមកញ្ញាកឹម មនោវិទ្យា គឺកញ្ញាមានភស្តុតាង និងអំណេះអំណាងគ្រប់គ្រាន់ ដើម្បីអាចឲ្យរដ្ឋាភិបាលអូស្ត្រាលីចាត់វិធានការមកលើរដ្ឋាភិបាលខ្មែរ។
អូស្ត្រាលី គឺជាប្រទេសមួយក្នុងចំណោមប្រទេសប្រជាធិបតេយ្យដទៃទៀតដែលបានរិះគន់ការបោះឆ្នោតថ្ងៃទី២៩ កក្កដា។ អូស្ត្រាលី បានសម្តែងការខកចិត្តចំពោះការបោះឆ្នោតនេះ តែជាមួយគ្នានេះ ក៏បានអំពាវនាវឲ្យរដ្ឋាភិបាលកម្ពុជាបើកឲ្យមានការចរចាខាងនយោបាយផងដែរ ៕
