ភ្នំពេញ ៖ នៅថ្ងៃនេះទី២៧កក្កដា គណកម្មាធិការជាតិរៀបចំការបោះឆ្នោត (គ.ជ.ប) បានអំពាវនាវគ្រប់គណបក្សនយោបាយ, បេក្ខជន, ភ្នាក់ងារគណបក្សនយោបាយ, អ្នកគាំទ្រគណបក្សនយោបាយ រួមនឹងអ្នកគ្រប់គ្រងបណ្តាញផ្សព្វផ្សាយព័ត៌មានគ្រប់ប្រភេទ ត្រូវរក្សាភាពស្ងប់ស្ងាត់ នៅថ្ងៃស និងថ្ងៃបោះឆ្នោត។
យោងតាមមាត្រា៧២ នៃច្បាប់ស្តីពីការបោះឆ្នោតជ្រើសតាំងតំណាងរាស្ត្រ សកម្មភាពឃោសនាបោះឆ្នោតត្រូវបញ្ឈប់២៤ម៉ោង មុនថ្ងៃបោះឆ្នោត ចាប់ពីម៉ោង១២: ០០យប់ ថ្ងៃទី២៧ (យប់នេះ) រហូតដល់ម៉ោង១២: ០០យប់ ថ្ងៃទី២៩ ខែកក្កដា ឆ្នាំ២០១៨។
សម្តេចតេជោបានអំពាវនាវថា៖នៅក្នុងថ្ងៃបោះឆ្នោត សូមបងប្អូនកុំពាក់ខោអាវបក្ស ឬជិះរថយន្ត,ម៉ូតូ,ស៊ីក្លូ, រឺម៉កកង់បី, ទុកទុក ឬកោរសក់ឬគូសរូបជាផ្លាកសញ្ញា ឬជាលេខរៀងគណបក្ស ព្រោះ គ.ជ.ប មិនអនុញ្ញាត្តិអោយចូលបោះឆ្នោតឡើយ។***សូមបងប្អូនទៅបោះឆ្នោតគាំទ្រ គណបក្សប្រជាជន របស់យើងទាំងអស់គ្នា ដែលមានលេខរៀងទី២០ អោយបានគ្រប់ៗគ្នា!
សូមបញ្ជាក់ថាយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី ៦ រយៈពេល ២១ថ្ងៃ បានបញ្ចប់ហើយ នៅថ្ងៃទី ២៧កក្កដា ឆ្នាំ ២០១៨នេះដោយមាន ដំណើរការដោយរលូន មិនមានអំពើហិង្សា ឬ ភាពចម្រូងចម្រាស់ខ្លាំងនោះទេទោះមានបណ្តឹងបន្ទិចបន្តួចក៏ដោយ។លោកទេព នីថា អគ្គលេខាធិការគ.ជ.បនៅក្នុងសន្និសីទកាសែតកាលពីព្រឹកថ្ងៃទី២៧ក្កដា បានបង្ហាញពីសុទិដ្ឋិនិយម ចំពោះដំណើរការនៅថ្ងៃបោះឆ្នោត ថ្ងៃទី ២៩កក្កដា ផងដែរ។
ការបោះឆ្នោតជាតិជ្រើសតាំងតំណាងរាស្ត្រ អណ្តត្តិទី ៦ នឹងធ្វើឡើងចាប់វេលាម៉ោង ៧ព្រឹក ដល់ម៉ោង ៣រសៀល ក្នុងថ្ងៃអាទិត្យ ទី ២៩កក្កដាចុងសប្តាហ៍នេះ។ លទ្ធផលនៃការបោះឆ្នោតបឋម នឹងត្រូវផ្សព្វផ្សាយនៅវេលាម៉ោង ៦ល្ងាចថ្ងៃដដែល ខណៈដែលលទ្ធផលផ្លូវការពីចំនួនអាសនៈ នឹងត្រូវផ្សព្វផ្សាយ នៅថ្ងៃទី ១៥ខែសីហា ប្រសិនបើមិនមានការប្តឹងផ្តល់ណាមួយ។ ប៉ុន្តែបើមានបណ្តឹងតវ៉ា នោះលទ្ធផលផ្លូវការ នឹងពន្យាការប្រកាសជាចុងក្រោយ រហូតដល់ថ្ងៃទី ១០ខែកញ្ញា ឆ្នាំ ២០១៨៕
