កំពង់ឆ្នាំង ៖ សេចក្ដីរាយការពីប្រជាពលរដ្ឋបានអោយអ្នកសារព័ត៌មានដឹងថា នៅភូមិភូមិកោះខ្ទំមានមេភូមិឈ្មោះយ៉ង់និងឈ្មោះអានបានប្រមូលអត្តសញ្ញាប័ណ្ណពីប្រជាពលរដ្ឋថាយកទៅចុះឈ្មោះឬចុះបញ្ជីរបោះឆ្នោតតែប្រជាពលរដ្ឋមិនបានដឹងថាគេប្រមូលអត្តសញ្ញាណប័ណ្ណពីពួកគាត់យកទៅធ្វើអ្វីនោះទេ។
ក្រោយមកទើបមានការបែកធ្លាយព័ត៌មានថា៖ឈ្មោះយ៉ង់និងឈ្មោះអានបានប្រម៉ូលអត្តសញ្ញាណប័ណ្ណពីប្រជាពលរដ្ឋយកទៅរៀបដីនិងបំបែកដីដើម្បីលក់អោយឈ្មួញនិងទទួលលុយពីមេឈ្មួញរាប់ម៉ឺនដុល្លារអាំមេរិកទៀតផង។ករណិយ៍នេះបង្កភាពចំរូងចំរះតវ៉ាគ្នារវាងពលរដ្ឋនិងពលរដ្ឋយ៉ាងខ្លាំងដោយខ្លះបានដីខ្លះមិនបានដី។
ចំណែកនៅភូមិតានៃក៏មិនខុសប្លែកពីភូមិកោះខ្ទុំប៉ុន្មានដែរប្រជាពលរដ្ឋបានអោយ ដឹងថា៖មានមេខ្យល់ដែលជាឈ្មួញដីប្រមាណ៣ទៅ៤នាក់ដែលជាអ្នកមានដីច្រើនជាងគេរហូតដល់២០ ទៅ៣០ហិកតាបានកេណ្ឌប្រជាពលរដ្ឋនៅក្នុងភូមិតានៃជាង៥០នាក់អោយទៅកាប់ឆ្ការព្រៃនៅចំណុចច្រមុះជ្រូកក្នុងតំបន់ភ្នំសូរិយាប្រមាណជាង៤០ហិកត្តាដោយសន្យាអោយប្រជាពលរដ្ឋក្នុងម្នាក់ចំនួន៣០០ដុល្លារ ។ ប៉ុន្តែក្រោយពីកាប់ឆ្ការគេប្រគល់អោយ១០០ដុល្លារសិនលុះដល់ឈូសឆាយហើយរួចរាល់ទើបគេអោយលុយគ្រប់ចំនួន?។
សព្វថ្ងៃប្រជាពលរដ្ឋក៏កំពុងចំរូងចំរះតវ៉ាយ៉ាងក្ដៅគគុកផងដែរដោយសារតែខ្លះបានលុយខ្លះទៀតមិនបានលុយ។
ប្រជាពលរដ្ឋនៅភូមិតានៃបានសំណូមពរដល់ថ្នាក់លើអជ្ញាធរខេត្ត ពិសេសឯកឧត្តម ឈួរ ច័ន្ទឌឿនអភិបាលខេត្តកំពង់ឆ្នាំងជួយអន្តរាគមន៍ទប់ស្កាត់ទាន់ពេលវេលាដើម្បីទុកដីនេះសម្រាប់ពួកគាត់កាប់អុស ចងគោក្របីផង ព្រោះដីនេះជាដីតំសហគមន៍ និងជាដី១០%(១០ភាគរយ)សម្រាប់ប្រជាពលរដ្ឋប្រើប្រាស់អាស្រ័យផលរួមគ្នាតើ!។ពតិមាននេះក៏សូមជម្រាបជូនឯកឧត្តមជាសុផារ៉ារដ្ឋមន្ត្រីក្រសួងដែនដីដែលល្បីថាជាបុរសប្រឆាំងឈ្មួញស៊ីដីជ្រាបផងដែរខ្លាចកូនចៅខាងក្រោមរៀបសម្រួលឲ្យទៅជាស្របច្បាប់អស់បាត់ទៅទានប្រោស!៕
