ភ្នំពេញ ៖ យោងតាមផេកគេហទំព័រ ព័ត៌មានដំណឹង ក្នុងស្រុក បានផ្សាយព័ត៌មានកាលពីថ្ងៃទី ៦ កក្កដា ២០១៨ អោយដឹងថា លោកចាងហ្វាងកាសែតមហាហង្សឈ្មោះ អ៊ួជ សុខុម ហៅ វីរះ គឺជាមេឈ្មួញរកស៊ីដឹកឈើប្រណិតដែល ដឹកក្នុងមួយយប់ៗឡានរាប់សិបគ្រឿង ។
ជាក់ស្តែងដូចកាលពីយប់ថ្ងៃទី 1- 2 – 3ខែកក្តដា 2018មានក្បួនឡានរបស់ឈ្មោះអ៊ួជ សុខុម ហៅ វីរះបានដឹកឈើប្រណិតចេញពីខេត្តស្ទឹងត្រែងទៅចូលដីខេត្តរតនះគីរី។ប្រការដែលហួសចិត្តគឹលោក អ៊ួជ សុខុម ហៅ វីរះ ដែលជាចាងហ្វាងការសែតមហាហង្ស និងជាឈ្មួញឈើដ៍ធំប្រចាំខេត្តស្ទឹងត្រែងនោះបានបញ្ជារអោយកូនចៅបើកឡានបុកកំទេចឡានអ្នកការសែតដែលបានតាមថតយករូបភាពនៃការប្រព្រឹត្តបទល្មើស។
យោងតាមព័ត៍មានលំអិតចេញផ្សាយតាមកេហទំព័ណ៍កាសែតដំណឹងក្នុងស្រុក នៅ ថ្ងៃទី 7 ខាងមុខនេះដោយ ម៉ី រដ្ឋា ពី ខេត្តស្ទឹងត្រែងបានបង្ហោះផ្សាយ ដោយចោទប្រកាន់ចំៗទៅលើឈ្មោះ អ៊ួជ សុខុម ហៅ វីរៈ ដែលជាចាងហ្វាងការផ្សាយកាសែតមហាហង្ស គឺជាឈ្មួញរកស៊ីដឹកឈើប្រណីត នៅខេត្តស្ទឹងត្រែងដ៏ល្បីកកក្រើកគ្មានសមត្ថ កិច្ចណាហ៊ានចាប់បង្ក្រាប។
ការិយាល័យនិពន្ធយើងខ្ញុំមិនអាចទាក់ទងលោក អ៊ួជ សុខុម តាមរយៈ លេខ012444047 ដែលប្រភពព័ត៌មានប្រាប់ថាជាលេខទូរស័ព្ទរបស់លោកចាងហ្វាងកាសែតមហាហង្សដើម្បីសុំបំភ្លឺពីករណីនេះថាជាការពិត ឬ មិនពិត ? ដែរ តែ ពុំអាចទាក់ទងបានទេ ។ ប៉ុន្តែបើផ្អែកតាមការសរសេរបស់ឈ្មោះ ម៉ី រដ្ឋា គឺថាជាករណីឡានឈើបុកឡានកាសែត គឹកើតឡើងពិតប្រាកដ ។
ដោយឡែក មានក្រុមអ្នកកាសែតជាច្រើននៅខេត្តស្ទឹងត្រែង បានទូរស័ព្ទប្រាប់ មាតុភួមិ អោយដឹងថា ឈ្មោះ អ៊ួជ សុខុម ហៅ វីរៈ គឺជាជើងខ្លាំងខាងរកសុីឈើនេះដោយត្រូវរ៉ូវគ្នាជាមួយពហុសមត្ថកិច្ច ជាយូរ មកហើយ ពិសេសនគរបាលប្រឆាំងបទល្មើសសេដ្ឋកិច្ចដែលជាកូនចៅលោកឧត្តមសេនីយ៍វ៉ាន់ចានធឿន ឈរជើងប្រចាំខេត្តស្ទឹងត្រែង។
ក្រុមអ្នកកាសែតបានសំណូមពរដល់លោក ខៀវ កាញារិទ្ធ រដ្ឋមន្ត្រីក្រសួងព័ត៌មានគួរតែដកហូតអាជ្ញាប័ណ្ណ ឬ ប្រកាសបិទ កាសែតមហាហង្សនេះចោលទៅ កុំទុកបន្តទៀតនាំឲ្យ ជះឥទ្ធិលអាក្រក់ដល់ស្ថាប័នក្រសួងព័ត៌មាន ។ ព្រោះលោក ចាងហ្វាង អ៊ួជ សុខុម ហៅ វីរៈ ពុំបានបំពេញភារកិច្ចតាម ជំនាញវិជ្ជាជីវៈអ្នកសារព័ត៌មាននោះទេ គឺគាត់ប្រព្រឹត្តបទ ល្មើស ដឹកជញ្ជូនឈើខុសច្បាប់ផ្ទុយពីច្បាប់ព្រៃឈើ។ សូមឯកឧត្តមមេត្តាពិចារណាចំពោះករណីនេះ ផង៕