កំពង់ឆ្នាំង ៖ មន្ត្រីរាជចំនួន២៦រូបត្រូវបានប្រកាសតែងតាំង ប្រគល់ និង សម្រួលភារកិច្ចមកកាន់ដំណែងជាប្រធានការិយាល័យ និង អនុប្រធានការិយាល័យ ចំនួន៩ការិយាល័យចំណុះអោយមន្ទីរសាធារណការនិងដឹកជញ្ជូនខេត្តកំពង់ឆ្នាំង ។ ដែលពិធីត្រូវបានធ្វើឡើង កាលពីថ្ងៃទី២១ ខែមិថុនា ឆ្នាំ២០១៨ ក្រោមអធិបតីភាពឯកឧត្តម អៀង វុធ អភិបាលរងខេត្តកំពង់ឆ្នាំង ។
លោក កែវ ពៅ ប្រធានមន្ទីរសាធារណការនិងដឹកជញ្ជូនខេត្តកំពង់ឆ្នាំង បានមានប្រសាសន៍គូសបញ្ជាក់ថា កន្លងមកមន្ទីរសាធារណការនិងដឹកជញ្ជូនមានតែ៤ការិយាល័យ និង ៨ការិយាល័យក្រុងស្រុកដោយសារថា មានកំណែទម្រង់របស់រាជរដ្ឋាភិបាលកដូចជាក្រសួងសាធារណការនិងដឹកជញ្ជូនតម្រូវអោយមន្ទីរសាធារណការនិងដឹកជញ្ជូនខេត្តកំពង់ឆ្នាំងបំបែកការិយាល័យជា៩ការិយាល័យ ដើម្បីបំពេញ នូវការងារក្នុងការបម្រើសេវាជូនប្រជាពលរដ្ឋតាមជំនាញ និង តម្រូវការរបស់ប្រជាពលរដ្ឋ ហើយការជ្រើសរើសថ្នាក់ដឹកនាំការិយល័យគឺមន្ទីរ មានក្រុមប្រឹក្សាភិបាលធ្វើការវាយតម្លៃ ក្នុង ការជ្រើសរើសអោយស្របទៅតាមច្បាប់សហលក្ខ័ន្តិកៈមន្ត្រីរាជការស៊ីវិល អោយស្របទៅតាមតួនាទី សមត្ថភាព ជំនាញនីមួយៗប្រកបដោយតម្លាភាព ។
មានប្រសាសន៍នៅក្នុងឱកាសនោះ ឯកឧត្តមអៀង វុធ អភិបាលរងខេត្តកំពង់ឆ្នាំង បានមានប្រសាសន៍ដោយគូសបញ្ជាក់ថា ដើម្បីប្រសិទ្ធភាព និងប្រសិទ្ធិផលនៃការងារ សូមមន្ត្រីទាំងអស់ដែលទើបនឹងទទួលដំណែងថ្មី ត្រូវគោរពអោយបាននូវសាមគ្គីភាពផ្ទៃក្នុងអង្គភាពនិងត្រូវមានទស្សនៈវិស័យអោយបានវែងឆ្ងាយក្នុងអភិវឌ្ឍន៍ស្ថាប័ន និង ជំនាញសមត្ថភាពផ្ទាល់ខ្លួនអោយកាន់តែមានការរីកចម្រើនប្រសើរឡើងថែមទៀត ស្របតាមករីកចំរើនរបស់សង្គមជាតិ ។
ឯកឧត្តម បានបញ្ជាក់ថា វិស័យសាធារណការនិងដឹកជញ្ជូន គឺជាវិស័យដ៍សខាន់មួយ ក្នុងដំណើរការនៃការអភិវឌ្ឍន៍ប្រទេសអោយមានការរីកចម្រើន បច្ចុប្បន្នផ្លូវស្ពាននៅគ្រប់ទីកន្លែង បានកំពុងធ្វើការសាសង់ ត ភ្ជាប់តំបន់មួយទៅតំបន់មួយទៀត ធ្វើអោយប្រជាពលរដ្ឋ កាន់តែងាយស្រួល ក្នុងការធ្វើដំណើរទាំពេលយប់និងពេលថ្ងៃ កាត់បន្ថយបាននូវភាពក្រីក្ររបស់ប្រជាពលរដ្ឋ ។
ឯកឧត្តមបាន អំពាវនាវអោយមន្ត្រីរដែលទទួលតំណែងថ្មី ត្រូវតែគោរពអោយបាននូវ តួនាទី ភារកិច្ចរបស់ខ្លួន ក្នុងការបម្រើប្រជាជន គឺការផ្តល់សេវាសាធារណៈប្រកបដោយតម្លា ភាពដោយគ្មានការរើសអើង នៅក្នុងវិស័យសាធារណការ ធ្វើយ៉ាងណាអោយសេវាសាធារណៈដែលផ្តល់អោយប្រជាពលរដ្ឋបានឆាប់រហ័ស ប្រជាពលរដ្ឋងាយទទួលយកបានដោយរលូន ។ ក្នុងឱកាសនោះ ឯកឧត្តម អភិបាលរងខេត្តបានចែកអំណោយដល់មន្ត្រីរាជការដែលចូលរួម ក្នុងម្នាក់សារុង១ និង ថវិកាចំនួន៣ម៉ឺនរៀលផងដែរ ៕
