ភ្នំពេញ៖គណបក្ស ហ្វ៊ុន ស៊ិនប៉ិច ទាមទារឲ្យអាជ្ញាធររាជរដ្ឋាភិបាលថ្វើស៊ើបអង្កេតករណីគ្រោះថ្នាក់ចរាចរណ៍ ដែលបង្កឲ្យសម្ដេចក្រុមព្រះនរោត្តមរណរិទ្ធប្រធានគណបក្ស និងអ្នកម្នាង អ៊ុក ផល្លាស្លាប់កាលពីថ្ងៃទី១៨មិថុនាឆ្នាំ២០១៨ នៅលើផ្លូវជាតិលេខ ៤ ស្ថិតនៅក្នុងស្រុកព្រៃនប់ ខេត្តព្រះសីហនុ អំឡុងពេលធ្វើដំណើរចុះជួបសំណេះសំណាលជាមួយក្រុមអ្នកគាំទ្រគណបក្សរាជានិយម ហ្វ៊ុន ស៊ិនប៉ិច។
លោក ញ៉េប ប៊ុនជិនអ្នកនាំពាក្យគណបក្ស ហ្វ៊ុន ស៊ិនប៉ិច បានបង្ហាញមន្ទិលសង្ស័យលើករណីគ្រោះថ្នាក់ចរាចរណ៍នេះថា មិនមែនជារឿងចៃដន្យនោះទេ បន្ទាប់ពីសម្ដេចក្រុមព្រះបានយាងទៅជួបសំណេះសំណាលជាមួយសមាជិកគណបក្សនៅខេត្តកំពត និងបន្តដំណើរទៅខេត្តព្រះសីហនុ។ជារឿងមួយរហូតដល់បាត់បង់ជីវិតអ្នកម្នាង គ្រោះថ្នាក់លើកនេះ មិនមែនដូចគ្រោះថ្នាក់លើកមុនទេ លើកនេះធំជាងលើកមុនណាស់។
គណបក្ស ហ្វ៊ុន ស៊ិនប៉ិច ទាមទារឲ្យមានការស៊ើបអង្កេតឲ្យបានស៊ីជម្រៅបន្ដិច ពីព្រោះត្រង់កន្លែងគ្រោះថ្នាក់ចរាចរណ៍ហ្នឹង គឺវាមិនអាចឡានមួយបើកល្បឿនលឿនដល់ប៉ុណ្នឹងទេ ព្រោះនៅកៀកនឹងទីប្រជុំជន លោក ញ៉េប ប៊ុនជិនបានប្រាប់កាសែតថា ថា ប្រធានគណបក្សនេះ សម្ដេចក្រុមព្រះ រណឫទ្ធិ បានធូរស្រាលខ្លះហើយ ប៉ុន្ដែនៅទទួលរងរបួសជើងខាងឆ្វេង។អ្នកនាំពាក្យរូបនេះ អះអាងថា សម្ដេចក្រុមព្រះ នឹងវិលត្រឡប់មកចូលរួមការឃោសនាបោះឆ្នោតជ្រើសរើសតំណាងរាស្ត្រនាខែកក្កដាខាងមុខបានទាន់ពេលវេលា។
លោក អ៊ី សុខាស្នងការរងទទួលបន្ទុកសណ្ដាប់ធ្នាប់ចរាចរណ៍ខេត្តព្រះសីហនុ ថា សមត្ថកិច្ចបានឃាត់ខ្លួនអ្នកបើករថយន្ដតាក់ស៊ីនោះហើយ និងកំពុងចាត់ការតាមនីតិវិធីច្បាប់។ លោកថា ជនបង្កហេតុ គឺជាអ្នកបើកបរតាក់ស៊ីធម្មតា និងថា ជាអ្នកបង្កើតកំហុស នៅក្នុងករណីគ្រោះថ្នាក់ចរាចរណ៍នេះ ។
សូមបញ្ជាក់ថាអ្នកបើកឡានហាយឡិនឌ័រដែលរងរបួសដោយសារបង្កគ្រោះថ្នាក់ចរាចរនេះដែរត្រូវបាននាំខ្លួនឲ្យមកដេកគុកទាំងរបួសហើយ។
សូមបញ្ជាក់ថា សម្ដេចក្រុមព្រះ និងអ្នកម្នាង បានជួបប្រទះនឹងគ្រោះថ្នាក់ចរាចរណ៍កម្រិតធ្ងន់ម្ដងរួចមកហើយកាលពីឆ្នាំ២០១៥ អំឡុងពេលធ្វើដំណើរត្រឡប់មកពីជួបអ្នកគាំទ្រគណបក្សនៅឯខេត្តកំពង់ចាម ៕