ក្រចេះ៖ អភិបាលនៃគណៈអភិបាលខេត្តក្រចេះ ឯកឧត្ត វ៉ា ថន អមដំណើរដោយក្រុមការងារថ្នាក់ខេត្ត-ស្រុក-ឃុំ អញ្ជើញបើកការដ្ឋានជួសជុលផ្លូវលំក្រាលគ្រួសក្រហម ១ខ្សែ ប្រវែង ១៤គីឡូមែត្រ កាលពីព្រឹកថ្ងៃទី១៩ ខែមិថុនា ឆ្នាំ២០១៨ នៅចំនុចភូមិឧបសម្ព័ន្ធ បុកទឹក ក្នុងភូមិព្រែកប្រសព្វលើ ឃុំព្រែកប្រសព្វ ស្រុកព្រែកប្រសព្វ ខេត្តក្រចេះ ។
ប្រធានមន្ទីរអភិវឌ្ឍន៍ជនបទខេត្ត លោក លឹម ជាវហាវ បានបញ្ជាក់ថា កាលពីទស្សវត្ស៩០ កំណាត់ផ្លូវក្នុងឃុំព្រែកប្រសព្វ មានផ្លូវចំនួន២ខ្សែ ជាផ្លូវថ្មើរជើង ពុំមានការតភ្ជាប់ជាខ្សែផ្លូវច្បាស់លាស់ក្នុងការធ្វើប្រាស្រ័យទាក់ទងគ្នា គឺមានជួបប្រទះការលំបាក។ ប៉ុន្តែឥឡូវបផ្លូវលំទាំង២ខ្សែនោះ ដែលមានប្រវែងៗច្បាស់លាស់ ត្រូវបានជួសជុលឡើងវិញដោយមានស្តង់ដារ ហើយខ្សែទី១៖ ភ្ជាប់ពីភូមិសោបទៅភូមិជ្រោយអំពិល មានប្រវែង ៤២គីឡូមែត្រ ឆ្លងកាត់៤ ឃុំ និងខ្សែទី២៖ ភ្ជាប់ពីព្រែកប្រសព្វលើ ទៅព្រំប្រទល់ខេត្តកំពង់ធំ មានប្រវែង ៥៣គីឡូមែត្រ ឆ្លងកាត់៣ឃុំ ។
មានប្រសាសន៍បន្ថែមក្នុងពិធី អភិបាលខេត្តក្រចេះឯកឧត្តម វ៉ា ថន បានបញ្ជាក់ថា ហេដ្ឋារចនាសម្ព័ន្ធរូបវ័ន្តនានា បានកសាងឡើងស្ទើរគ្រប់តំបន់ មិនថានៅទីប្រជុំជន ឬទីជនបទនោះទេ ដែលទាំងនេះ គឺមកពីស្រុកទេសមានសុខសន្តិភាព ស្ថេរភាពនយោបាយសង្គម មានការអភិវឌ្ឍន៍រីកចម្រើនលើគ្រប់វិស័យ ទាំងផ្នែកពុទ្ធចក្រ និងអាណាចក្រ ក្រោមការដឹកនាំដ៏ឈ្លាសវៃ និងកិត្តិបណ្ឌិតរបស់ប្រមុខរាជរដ្ឋាភិបាល ដែលមានសម្តេចតេជោនាយករដ្ឋមន្ត្រី ហ៊ុន សែន ។
ដោយឡែក នៅក្នុងឃុំព្រែកប្រសព្វនេះ គឺជាតំបន់ដែលផ្តល់អំណោយផលដល់វិស័យកសិកមុ្មដល់បងប្អូនប្រជាកសិករ តែត្រូវមានការត្រួតពិនិត្យ និងប្រុងប្រយ័ត្នខ្ពស់ ក្នុងការជ្រើសរើសពូជ និងប្រើប្រាស់ថ្នាំគីមី ដល់ជាបញ្ហានាំបណ្តាលឲ្យប៉ះពាល់ដល់សុខភាព និងជីវិត ។
ឯកឧត្តមបន្តថា ខណះពេលដែលប្រទេសមានការអភិវឌ្ឍន៍រីកចម្រើនគ្រប់វិស័យក៏ពិតមែន តែផ្នែកសន្តិសុខសណ្តាប់ធ្នាប់សាធារណៈ គឺចរាចរណ៍ផ្លូវគោក ចំនួនអ្នករងគ្រោះថ្នាក់ នៅតែមានតួរលេខកើនឡើងក្នុងមួយថ្ងៃ។ ដោយសព្វថ្ងៃ រាជរដ្ឋាភិបាល បាននឹងកំពុងខិតខំយកចិត្តទុកដាក់ពង្រឹងការត្រួតពនិត្យ និងធ្វើការទប់ស្កាត់ផាកពិន័យ តែទោះជាយ៉ាណាក៏ចំនួនអ្នកស្លាប់ដោយគ្រោះថ្នាក់ចរាចរណ៍នេះនៅតែមាន ដោយសារអ្នកបើកបរមិនគោរពច្បាប់បទដ្ឋាន និងមិនបានយល់ច្បាស់ពីសិទ្ធនៃការធ្វើចរាចរណ៍លើផ្លូវសាធារណះ ហើយបានបង្ករឲ្យមានគ្រោះថ្នាក់ដល់អ្នកធ្វើដំណើររួមនៅលើផ្លូវតែមួយ និងខាតបងនូវទ្រព្យសម្បត្តិរដ្ឋ និងទ្រព្យសមប្បត្តិផ្ទាល់ខ្លួនផងដែរ ។
ម្យ៉ាងវិញទៀត បញ្ហាគ្រឿងញៀនក៏នៅតែជាបញ្ហាសុខភាពសាធារណៈផងដែរ និងជាចំណែកបង្ករឲ្យមានគ្រោះថ្នាក់ និងខាតបង់ធនធានជាច្រើនផងដែរ។ ដូច្នេះ សូមរួមគ្នា គោរព និងអនុវត្តតាមច្បាប់បទដ្ឋាន ស្តីពីច្បាប់ចរាចរណ៍ផ្លូវគោក និងរួមគ្នាទប់ស្កាត់ និងរាយការណ៍អំពីសកម្មភាពផ្ទុយពីច្បាប់ទាក់ទងនិងភូមិ-ឃុំមានសុវត្ថិភាព និងជាពិសេសរួមគ្នាថែរក្សាការពារនូវសមិទ្ធផលនានាក្នុងមូលដ្ឋាន និងខិតខំអភិរក្សនូវសមិទ្ធផលចាស់ ហើយអភិវឌ្ឍន៍សិមទ្ធផលថ្មី ៕
ដោយ ម៉ែន បូរិទ្ធ
