(ខេត្តក្រចេះ)៖ សាកសពបុរសម្នាក់អណ្តែតទឹក មកទើរនៅស្ពានពាមទេរ ត្រូវបានប្រជាពលរដ្ឋប្រទះឃើញ ដោយមិនដឹងមូលហេតុ ស្ថិតក្នុងភូមិរការកណ្តាលសង្កាត់រការកណ្តាល ក្រុងក្រចេះខេត្តក្រចេះកាលពីព្រឹកថ្ងៃទី១៩ខែមិថុនាឆ្នាំ២០១៨នេះ។
លោក នេត លីន អធិការក្រុងក្រចេះ បានប្រាប់ឲ្យដឹងថា ក្រោយពីកម្លាំងនគបាលជំនាញចុះទៅពិនិត្យហើយ ធ្វើកោសល្យវិច័យពិនិត្យមើល ហើយក៏មិនមានអ្នកស្គាល់អត្តសញ្ញាណសាកសពបុរសនោះឡើយ ហើយនៅខ្លួនសាកសព គឺមានស្លៀកតែខោរលីអូរតែប៉ុណ្ណោះ នៅដើមទ្រូងខាងឆ្វេង មានរូបសាក់និងក៍ដៃខាងឆ្វេងហើយសាកសពមានសភាពហើម ។
លោកបានបន្តទៀតថា បើបងប្អូនណាមានបាត់សមាជិកដែលមានភិនភាគខាងលើសូមមកពិនិត្យដោយផ្ទាល់ផងចុះព្រោះនៅពេលនេះនៅមិនទាន់បានទទួលតំណឹងនិងស្គាល់អត្តសញ្ញាណនៅឡើយនោះទេ។
លោកបានបន្ថែមទៀតថា មន្ត្រីជំនាញរបស់លោកបានយកសាកសពទៅទុកនៅវត្តរការកណ្តាល ដើម្បីឲតាអាចារ្យបូជាទៅតាមប្រពៃណីនៃពុទ្ធសាសនានៅល្ងាចថ្ងៃទី១៩ ខែមិថុនា ឆ្នាំ២០១៨ ៕
ដោយ ម៉ែន បូរិទ្ធ
