ខេត្តកំពង់ស្ពឺ៖ ដីសាធារណៈមួយកន្លែង ជាប់និងផ្លូវជាតិលេខ១៤៤ ស្ថតិនៅចំណុចភូមិក្រាំងជង្រុក ឃុំក្រាំងចេក ស្រុកឧដ្តុង ខេត្តកំពង់ស្ពឺ កំពុងតែទទួលរងការចាក់ដីរំលោបយកធ្វេីជាកម្មសិទ្ធឯកជនទៅវិញ។
ការរំលោភយកដីនេះបានធ្វើអោយប្រជាពលរដ្ឋ ក្នុងឃុំក្រាំងចេកទាំងមូលផ្ទុះការតវ៉ាយ៉ាងខ្លាំងព្រោះដីមួយកន្លែងនេះជាដីរួមរបស់នាក់ស្រុកធ្លាប់អាស្រ័យផលនិងជាដីរបស់រដ្ឋដោយមិនមានបុគ្គល់ណាម្នាក់ធ្វើជាកម្មសិទ្ធផ្ទាល់ខ្លួនបានទេ។
លោកពូម្នាក់ជាអតិតមេភូមិក្រាំងជង្រុកបានអោយដឹងថា៖នៅឆ្នាំ១៩៧៩ ដីនេះជាកន្លែងស្ថានីបូមទឹកដើម្បីធ្វេីស្រូវប្រាំងរបស់នាក់ស្រុក និងជាបឹងសំរាប់រំដោះទឹកមិនអោយជន់លិច ក្នុងឃុំក្រាំងចេក តែដោយឡែកមានបុគ្គល់ប្តីប្រពន្ធពីនាក់ឈ្មោះថា (ទឹម សុីណា)និងប្តីឈ្មោះមឿន ថុន មានទីលំនៅភូមិគោកសណ្តែកឃុំក្រាំងចេក ស្រុកឧដ្តុង ខេត្តកំពង់ស្ពឺបានចាក់លុបហើយសង់លំនៅដ្ឋាននៅលើដីនោះយ៉ាងរំភើយទៅវិញ។
.
នៅក្នុងបញ្ហាខាងលើនេះ ក៏មានការសុំអន្តរាគមន៍ ពីឯកឧត្តម អ៊ុក កោសា ប្រធានក្រុមការងារគណបក្សប្រជាជនកម្ពុជា ចុះជួយស្រុកឧដ្តុង ស្នើទៅក្រសួងមហាផ្ទៃ ដើម្បីចាត់វិធានការ ទៅលើពីនាក់ប្តីប្រពន្ធឈ្មោះ ទឹម ស៊ីណា និង មឿន ថុន ដែរហ៊ានរំលោបយកដីរបស់រដ្ឋមកធ្វើជាកម្មសិទ្ធផ្ទាល់ ។
នៅក្នុងនេះដែរក៏មានមេដៃរបស់ប្រជាពលរដ្ឋជាច្រើនគ្រួសារដាក់ស្នើទៅខាងក្រសួងធនធានទឹកនិងឧតុនិយមខេត្តកំពង់ស្ពឺ និង អយ្យការអមសាលាដំបូងខេត្តកំពង់ស្ពឺ សុំជួយអន្តរាគមន៍ចាត់វិធានការតាមផ្លូវច្បាប់ទៅលើពីរនាក់ប្តីប្រពន្ធខាងលើនេះផង។
ការបាត់បង់ដីខាងលើនេះ ខាងប្រជាពលរដ្ឋទាំងមូលក្នុងឃុំក្រាំងចេក បានធ្វើការសំណូមពរដល់ក្រសួងពាក់ព័ន្ធទាំងអស់ជាពិសេស ឯកឧត្តម វ៉ី សំណាង អភិបាលនៃគណៈអភិបាលខេត្តកំពង់ស្ពឺ សូមលោកធ្វើការស៊ើបអង្កេត និងចាត់វិធានការទៅលើបុគ្គលទាំងពីរនាក់ខាងលើនេះផង ដើម្បីយកដីខាងលើនេះមកធ្វើជាសម្បត្តិ របស់រដ្ឋវិញ។
ពាក់ព័ន្ធនឹងការចោតប្រកាន់ខាងលើនេះ អង្គភាពព័ត៍មានយើងមិនអាចសូមការបំភ្លឺពីលោក មឿន ថុន និងនាក់ស្រី ទឹម ស៊ីណាបានទេអង្គភាពសារព័ត៌មានយើងខ្ញុំរីករាយទទួលការបកស្រាយណាមួយពីសមីខ្លួនរៀងរាល់ម៉ោងធ្វើការ ៕
