ខេត្តព្រះសីហនុ ៖ លោកអនុសេនីយ៍ឯក ញា វិសិទ្ទ អនុប្រធានមន្ទីរស្រាវជ្រាវយុត្តិធម៏ នៃទីបញ្ជ្ជាការកងរាជអាវុធហត្ថខេត្តព្រះសីហនុ បានរងរបួសធ្ងន់ ដោយសារការលោតចេញពីឡានឡិចស៊ិន៥៧០ នៅក្នុងហេតុការណ៍ចុះបំពេញកាត្តព្វកិច្ច តាមបទបញ្ជារបស់គណ:បញ្ជាការឯកភាពខេត្តនិងបទបញ្ជារបស់មេបញ្ជាការកងរាជអាវុធហត្ថខេត្តព្រះសីហនុ ទាក់ទងទៅនិងពាក្យបណ្តឹងរបស់ប្រជាពលរដ្ឋអំពីបទល្មើសព្រហ្មទណ្ឌ ដែលបានកើតឡើង នៅចំណុចពយម៉ាចូវក្នុងភូមិគគីរ ឃុំរាម ស្រុកព្រៃនប់ ខេត្តព្រះសីហនុនាពេលកន្លងមក។
ករណីជម្លោះនោះកើតឡើងរវាងកម្មករចាំចំការនិងកម្មករចាំចំការ ឲ្យឈ្មោះមឿង ស្រីទូច ដែលកន្លងមកបានអះអាងថាជាក្មួយបង្កើតរបស់ថ្នាក់ដឹកនាំជាន់ខ្ពស់នៅរាជធានីភ្នំពេញបានបញ្ជាឲ្យកម្មកររបស់ខ្លួនប្រើហឹង្សាដុតបំផ្លាញម៉ូតូកម្មករចាំចំការភាគីម្ខាងទៀត។នៅវេលាម៉ោងប្រមាណជិត១១ ថ្ងៃទី០៩ ខែមិថុនា ឆ្នាំ២០១៨ កម្លាំងកងរាជអាវុធហត្ថមន្ទីរស្រាវជ្រាវយុត្តិធម៏បានចុះដល់កន្លែងកើតហេតុនិងទីតាំងដីចំការ អ្នកស្រី មឿង ស្រីទូចក្នុងគោលបំណងពិនិត្យនិងអញ្ជើញ អ្នកស្រី មឿង ស្រីទូចនិងបក្សពួកមកសួរនាំដើម្បីកសាងសំណុំរឿងទៅតាមនិតិវិធី។
បន្ទាប់ពីកម្លាំងសមត្ថកិច្ចកងរាជអាវុធហត្ថទៅដល់ភ្លាម មឿង ស្រីទូចបានលើកទូរស័ព្ទតេឆ្វែងឆ្វាត់ទំនង ជារកការជួយអន្តរាគមន៍ ពេលនោះលោក ញា វិសិទ្ធបានអញ្ជើញ មឿងស្រីទូចនិងបក្សពួកដែលគេអះអាងថាជាអង្គរក្សឲ្យបើករថយន្តម៉ាកឡិចស៊ិស៥៧០មកកាន់ទីបញ្ជាការដើម្បីបានសួរនាំទៅតាមនិតិវិធី ។ លោកញាវិសិទ្ធក៍ឡើងជិះរថយន្តជាមួយ៥៧០ជាមួយមឿងស្រីទូច ។ នៅក្នុងរថយន្តខាងលើមឿង ស្រី ទូចឡើងទៅកាន់ចង្កូតបើកបរនិងបានប្តូរឲ្យអង្គរក្សរបស់គេមកអង្គុយជិតលោកវិញ ហាក់បីដូចជាមានគម្រោងផែនការក្នុងការធ្វើសកម្មភាពអ្វីមួយ។
ប៉ុន្តែលោកញា វិសិទ្ធយល់ឃើញថាយើងមានកម្លាំងនៅក្នុងរថយន្តស៊ីរ៉ែនបើកតាមពីក្រោយផងដែរទំនងជាមិនមានរឿងអ្វីកើតឡើងបានទេ ។ តែមិនដូចការគឹតទុកជាមុនឯណាគ្រាន់តែឡើងជិះអង្គុយនៅក្នុងរថយន្តភ្លាមឈ្មោះ មឿង ស្រីទូច និងអង្គរក្សបានបញ្ជាឲ្យលោកបិទទូរស័ព្ទមិនឲ្យធ្វើការទាក់ទង គឺដូចជាក្លាយខ្លួនពីសមត្ថកិច្ចមកជាចំណាប់ខ្មាំងវិញ ហើយពួកគេបានបើករថយន្តក្នុងល្បឿនលឿនដូចហោះសំដៅទៅភ្នំពេញធ្វើឲ្យរថយន្តកម្លាំងសមត្ថកិច្ចតាមមិនទាន់ ។
ឃើញទិដ្ឋភាពមិនអំណោយផល លោកញាវិសិទ្ធក៍បានសម្រេចចិត្តបើកទ្វាររថយន្តរួចលោតចុះទាំងបង្ខំទៅខាងឆ្វេងដៃបណ្តាលឲ្យរងរបួសដាច់រយ៉ាស់ស្លឹកត្រចៀកខាងស្តាំស្ទើរបាត់ទាំងស្រុងនិងមានស្នាមជាំ ឈឺចុកចាប់ពេញខ្លួនប្រាណ។
បន្ទាប់មករថយន្តកម្លាំងសមត្ថកិច្ចដែលបើកបរប្រដេញតាមក្រោយបានដឹករូបលោកមកកាន់គ្លីនិកមិត្តភាពឃ្លាំងលើដើម្បីសង្គ្រោះ។
ដោយឡែក មឿងស្រីទូចនិងអង្គរក្សនៅក្នុងរថយន្តចំនួន០២នាក់ទៀតបានបើករថយន្តគេចខ្លួនបាត់ដោយសុវត្ថិភាព។
ក្រោយហេតុការណ៍កើតឡើងក៍មានវត្តមានលោកយន្ត មីន អភិបាលខេត្តចុះសួរសុខ.ទុក្ខនិងពិនិត្យមុខរបួសដល់គ្លីនិកផងដែរជាការយកចិត្តទុកដាក់ខ្ពស់និងលើកទឹកចិត្តពីថ្នាក់ដឹកនាំប្រធានគណ:បញ្ជាការឯកភាពខេត្ត។លោកអនុសេនីយ៍ឯក ញា វិសិទ្ធបានដាក់ពាក្យបណ្តឹងទៅសាលាតំបូងខេត្តហើយ ដើម្បីចាត់ការបន្តទៅតាមនិតិវិធីច្បាប់ហើយខាងប៉េអឹមក៏បានស្វែងរកចាប់ខ្លួនឈ្មោះមឿងស្រីទូចផងដែរ។
ពតិមាននេះទទួលបានតែពីភាគីម្ខាងសារពតិមានយើងរងចាំការបកស្រាយពីលោកស្រីមឿងស្រីទូចផងដែរ៕
