ភ្នំពេញ ៖ ការកក្រើករញ្ជួយរឿងសង្ឃវត្តភ្នំបាក់លើ ខេត្តបន្ទាយមានជ័យ បរាជិកដោយសារស៊ីពោតស្រីស្អាត ត្រូវបានរកឃើញថា មូលហេតុមកពីសកម្មជនហ្វេសប៊ុកពីរនាក់ គឺលោក ផែង វណ្ណៈ អតីមន្ត្រីនគរបាលនិងលោក ខាន់ ចាន់សុផល មន្ត្រីយោធា!។ នាព្រឹកថ្ងៃទី១១ខែមិថុនា ឆ្នាំ២០១៨នេះ សម្តេចតេជោហ៊ុន សែន នាយយករដ្ឋមន្ត្រីនៃកម្ពុជា បានព្រមាន និងឱ្យពិនិត្យ លើតួនាទីអ្នកលេងហ្វេសប៊ុក ល្បីឈ្មោះពីរនាក់គឺលោក ផែង វណ្ណៈ និងលោកខាន់ ចាន់សុផលដែល បានបញ្ឆេះកំហឹងក្នងបណ្តញសង្គមរឿង លោកសង្ឃ ស៊ីពោតស្រឹលវណ្ណានិងនារីជាស្រីស្នេហ៍កញ្ញាលីតានៅបន្ទាយមានជ័យ។
សម្តេចបានឱ្យក្រសួងការពារជាតិ និងអ្នកខាងទទួលបន្ទុកយោធា គួរត្រូវពិនិត្យលើតួនាទីពួកគាត់ឡើងវិញ ព្រោះខាងយោធា មិនត្រូវចេះទៅបង្កើតរឿងបែបនេះទេ។
“ខាន់ ចាន់សុផល និងផែង វណ្ណៈ គឺជាអ្នកលេងហ្វេសប៊ុកដូចគ្នា ។ផែង វណ្ណៈ សំភាសន៍លោកសង្ឃ និង ខាន់ ចាន់សុផល សំភាសន៍ នាងនោះ ទប់មិនបានបង្ហោះសារចេញមកទាំងអស់។ ដល់ ខាន់ ចាន់សុផល ដូចជាស្រួល ទៅបញ្ឆេះខាងស្រីមួយរឿងទៀត”។
សម្តេចបានមានប្រសាសន៍បែបនេះនៅពេលដដែលបានអញ្ជើញជាអធិបតីក្នុងពិធីសម្ភោធដាក់ឱ្យប្រើប្រាស់ជាផ្លូវការនូវកំណាត់ផ្លូវជាតិលេខ៦ ។ ទោះជាយ៉ាងណា គេឃើញលោក ផែង វណ្ណ: បានមានមុខទៅសុំទោសសម្តេចតេជោភ្លាមដែរ ។ ឯលោក ខាន់ ចាន់សុផល ក៏បានសន្យាតាមហ្វេសប៊ុកថាឈប់ហើយសម្តេចផងដែរ ៕
