ភ្នំពេញ៖ កាត់តតម្លើងរថយន្តខុសបទដ្ឋានបច្ចេកទេស និងគ្មានច្បាប់មួយកន្លែង នៅចំណុចយាន្តដ្ឋានគ្មានលេខ ផ្លូវ598 ស/កទួល សង្កែ ខណ្ឌឬស្សីកែវ រាជធានីភ្នំពេញ ត្រូវបាននគរបាលនាយកដ្ឋាននគរបាលប្រឆាំងបទល្មើសសេដ្ឋកិច្ចក្រសួងនិងរាជធានីបង្ក្រាបកាលពីថ្ងៃទី៤មិថុនាក្រោមការសម្របសម្រួលពីលោក ហោ លីណា ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ។
សូមបញ្ជាក់ថាទីតាំងលួចដំឡើងរថយន្តដោយខុសច្បាប់មួយកន្លែង ដែលសមត្ថកិច្ចក្រសួងមហាផ្ទៃបង្ក្រាប តាមពិត គឺជារបស់ឧកញ៉ា លី ហួរ ដែលមានការបែកចែកឲ្យកូនចៅ ឬសាច់ញាតិ ដាក់លក់ស្ទើរគ្រប់ទីកន្លែង។ តែជំនួយការរបស់លោកឧកញ៉ា លី ហួរ បានបដិសេធ។
នៅក្នុងកិច្ចប្រតិបត្តិការបង្ក្រាបនោះសមត្ថកិច្ចចម្រុះបានធ្វើការត្រួតពិនិត្យឆែកឆេរជាក់ស្តែងរកឃើញរថយន្តចំនួន១០ គ្រឿង ក្នុងនោះរថយន្តបានតម្លើងរួចចំនួន៥ គ្រឿង(ម៉ាក lexus ៣គ្រឿង, camry hybrigde១ គ្រឿង និង highlander ១គ្រឿង) និងចំនួន ៥គ្រឿងទៀតកំពុងតម្លើងពុំទាន់រួច (ម៉ាកlexus២ គ្រឿង ,camry hybrigde១ គ្រឿង និងpruis២ គ្រឿង)។
វត្ថុតាងទាំង អស់ខាងលើលោកព្រះរាជអាជ្ញារងបាន សម្រេចឲ្យបិទផ្លុំបេសៀលរក្សាដាក់ទុកក្នុងយាន្ដដ្ឋានខាងលើចំនួន៥គ្រឿង(ដែល តម្លើងពុំទាន់រួច) និងចំនួន៥ គ្រឿងដែលបានតម្លើងរួចត្រូវបាន បានដកហូតយកមករក្សាទុកនៅនាយកដ្ឋាន និងបាននាំមេការ ឈ្មោះ ឃឹន បញ្ញា ភេទប្រុស អាយុ ២៤ ឆ្នាំ ជនជាតិខ្មែរ ដើម្បីបន្តនីតិវិធី ៕