សៀមរាប ៖ ប្រជាពលរដ្ឋក្នុងប្រទេសកម្ពុជា អ្នកណាក៍ដឹងថា ខេត្តសៀមរាប ជាឃ្លាំងឬជង្រុក ប្រាង្គប្រាសាទបុរាណ និងរម្យនីយ៏ដ្ឋាន កន្លែងកម្សាន្ដ យ៉ាងសំបូរបែប ។ តែឥឡូវនៅមានថ្មីទៀតគឺអាងទំនប់ទឹក ៧៨ដែលនឹងត្រូវអភិវឌ្ឍន៍ក្នុងតម្លៃ៣០លានដុល្លារអាមេរិករបស់សម្ដេចអគ្គមហាសង្ឃរាជាធិបតី ទេព វង្ស ។
ប្រធានសហគមន៍កសិករប្រើប្រាស់ទឹកអាងទំនប់ជ្រាវ លោកគង់ មង្គលឲ្យដឹងថាករណីសុំបោះបង្គោលព្រំកំណត់តំបន់អភិវឌ្ឍន៍ដែលមានទំហំ ២៨៨,៦០៣ហិកតា ដែលជាដីសហគមន៍កសិកប្រើប្រាស់ទឹកអាង ទំនប់ទឹក៧៨ជ្រាវ និងតំបន់ជុំវិញអាង របស់សម្ដេចអគ្គមហាសង្ឃរាជាធិបតី ទេព វង្ស ដើម្បីដំណើរការសាងសង់គម្រោងអភិវឌ្ឍន៍ ។a_sim1
លោកគង់ មង្គល បន្តថា ដោយមានការព្រមព្រាងគ្នាពី គ្រប់លំដាប់ថ្នាក់ សហគមន៍កសិករ បានចុះបញ្ជីរគំរោងអភិវឌ្ឃន៍ នៅមន្ទីរធនធានទឹកជាផ្លូវការកាលពីថ្ងៃទី ២០ខែមិថុនាឆ្នាំ២០១៤ យោង លិខិតលេខ ៩៤៩ សជណ ចុះថ្ងៃទី២០ខែសីហាឆ្នាំ ២០១៥ ។
លោកបន្តថា៖សម្ដេចអគ្គមហាសង្ឃរាជាធិបតី និងដៃគូរអភិវឌ្ឃ សហការអភិវឌ្ឍន៍តាម សជណរបស់រាជរដ្ឋាភិបាល។
ជំហ៊ានដំបូងត្រូវសំអាតបាតអាង និងលើកទំនប់ឲ្យបានខ្ពស់ហើយធំដើម្បីធានាស្តុកទឹបានច្រើនម៉ឺនម៉ែត្រគីប។ គ្រាន់តែឈូសព្រៃនិងជីកដីសំអាតបាតអាង ចំណាយប្រាក់៤លានដុល្លាអាមេរិក និងគំរោងជាច្រើនទៀតដូចជា៖
ទី១- វត្តអារាម ២- សួនច្បារ ៣ -អាគារសារមន្ទី ៤ -សាលារៀន ៥- សាលាបណ្ដុះបណ្ដាលវិជ្ជាជីវៈ ៦ – រោងសិប្បកម្ម ៧-សាលពិព៍រណ៍ ៨ អគារស្នាក់នៅពុទ្ធ និក ៩ -រោជ្វាលាសំរាប់មើលអុំទូក ១០ -ចម្ការដំណាំហូបផ្លែ ព្រៃឈើនិងជម្រកសត្វ ១១- មហាប្រាសាទអរុណចេតិយ ១២- បណ្ណាល័យ ១៣- រូបបដិមាព្រះពោធិសត្វ ក្នុងទសជាតក ១៤- ទ្វាទឹក ១៥ -ភូមិវប្បធម៍ខ្មែរ ១៦- ឃ្លាំង ១៧- រូបបដិមាដីរី ១៨- ព្រះបដិមាសម្មាណគោតម ១៩- មន្ទីពេទ្យ ២០ -ដីបម្រុង ២១- ចំណតរថយន្ដ ២២- ប៉ុស្ដឺយាម ២៣ -ថែវរោងទង និងគំនូរបុរាណ ២៤- ហោត្រៃ ២៥ -ច្រកចូលមេ ២៦-ស្រះទឹកបុរាណជាដក ២៧- រូបបដិមាសម្ដេច ជាសុីម និងសម្ដេចព្រះរាជសមាធិ ២៨- កន្លែងបណ្ដែតប្រទីប ។
លោកគង់ មង្គលបន្តថា គំរោងអភិវឌ្ឍន៍ទាំងអស់គ្រោង ចំណាយទឹកប្រាក់ ៣០លានដុល្លារអាមេរិក។ បើទឹកប្រាក់មិនរាំងស្ទះទេ គំរោងនេះធ្វើរួចរាល់ ៣ឆ្នាំទៀត ។លោកបន្តថាចំណែកទឹកវិញ សំបូរជាមុខទ្វេរដង អ្នកស្រុកធ្វើស្រែប្រាំងមិនខ្វះទឹកប្រើឡើយ ។
លោកក្អោបរ៉ន ចៅសង្កាត់ជ្រាវ ឲ្យដឹងដែរថា ដោយមានការឯកភាពពីឯក ឩត្ដមអភិបាលខេត្ត និងលោកសូមថ្លែងអំណអរគុណដល់ប្រមុខរដ្ឋាភិបាល ដែលលោកសម្រេចប្រគេនដី ទៅឲ្យមហាសង្ឃរាជាធិបតី ព្រះអង្គទេព វង្ស ដោយព្រះអង្គមានគំរោងអភិវឌ្ឍន៍អាងត្រនប់៧៨ សារជាថ្មី ដែលអាចធ្វើស្រែបានពីរដងក្នុងមួយឆ្នាំ។ លោករ៉នបន្តថា ដីស្រែរបស់ប្រជាជនមានជាង៤០០ហិកតា លោកសង្ឃឹមថាក្រោយពីគំរោងនេះធ្វើរួច ប្រជាជនរបស់លោកនឹងបានសំបូរសប្បាយអន្ថែមទៀត ។
លោកសូរប្លាតុង អភិបាលនៃគណៈអភិបាលក្រុងសៀមរាប ឲ្យដឹងថា សហគមន៍កសិករសង្កាត់ជ្រាវ គឺរួមចំណែកទាក់ទាញអារម្មណ៍ឲ្យភ្ញៀវទេសចរណ៍បានដើរកម្សាន្ដបានយូរថ្ងៃបន្ថែមទៀត និងបង្កើនការងារយ៉ាងច្រើនដល់ប្រជាពលរដ្ឋ ដើម្បីរកប្រាក់និងកាត់បន្ថយសំណាកស្រុក ពីព្រោះអីរម្យនីយ៏ដ្ឋានថ្មី និងតំបន់ទេសចរណ៍កំពង់អភិវឌ្ឍន៍ទំនើបទាន់សម័យ ។